di antplekung 6

kapitel zeks

1un ich hob gezen, ven dos Lemele hot geefent eine fun di ziben chsimes, un hob gehert eine fun di fir chayes zogen, vi mit dem kol fun a duner: kum! 2un ich hob gezen, un ot a vais ferd, un der, vos iz gezesen deroif, hot gehat a failnboigen; un es iz im gegeben gevoren a kroin; un er iz aroisgegangen a ziger, un kedei menatseyech tsu zain.

3un ven er hot geefent di tsveite chsime, hob ich gehert di tsveite chaye zogen: kum! 4un es iz aroisgegangen an ander ferd, faier roit; un dem, vos iz gezesen deroif, iz gegeben gevoren avektsunemen dem sholem fun der erd, un az men zol zich hargenen eins dos andere; un es iz im gegeben gevoren a groise shverd.

5un ven er hot geefent di drite chsime, hob ich gehert di drite chaye zogen: kum! un hob gezen, un ot a shvarts ferd; un der, vos iz gezesen deroif, hot gehat a vogshol in zain hant. 6un ich hob gehert azoivi a kol inmitn fun di fir chayes zogen: a mos veits far a dinar, un drai mos gershtn far a dinar; un dos eil un dem vain zolstu nisht shediken.

7un ven er hot geefent di ferte chsime, hob ich gehert dos kol fun der ferter chaye zogen: kum! 8un hob gezen, un ot a bleich grin ferd; un der, vos iz gezesen deroif, zain nomen iz der toit; un dos Sheol Tachtis iz im nochgegangen. un es iz zei gegeben gevoren reshus iber a fert cheilek fun der erd, tsu teiten mit der shverd, un mit hunger, un mit dem toit (mageyfe), un durch di vilde chayes fun der erd.

9un ven er hot geefent di fifte chsime, hob ich gezen unter dem mizbeyech di neshomes fun di geshechitene tsulib Hashems vort un tsulib dos eides, vos zei hoben gehat; 10un zei hoben geshrigen mit a hoich kol, azoi tsu zogen: biz ven, o Har, heiliker un vorhaftiker, vestu nisht mishpeten un zich nisht noikem zain far undzer blut fun di ainvoiner oif der erd? 11un es iz zei gegeben gevoren, yedn einem, a vais kleid; un es iz zei gezogt gevoren, az zei zolen noch ruen a kleine tsait, biz es vet zich onfilen (di tsol) oich fun zeiere mitknecht un zeiere brider, velche velen umgebrengt veren, vi zei.

12un ich hob gezen, ven er hot geefent di zekste chsime, un es iz gevoren a groise erdtsiternish; un di zun iz gevoren shvarts vi a zak fun hor, un di gantse levone iz gevoren vi blut (Yoel 2:10); 13un di shteren funem himel zenen aropgefalen oif der erd, vi a faignboim varft arop zaine umtsaitike peires, ven getreislt fun a groisn shturemvint. 14un der himel iz farshvundn, vi a megile vert tsunoifgeviklt; un ale berg un indzelen zenen avekgeshtoisen gevoren fun zeiere erter. (Yeshayah 34:4) 15un di melachim fun der erd, un di groise lait, un di hoiptlait, un di ashirim, un di mechtike, un ale knecht un fraie mentshn, hoben zich farborgen in di heilen un tsvishen di feldzn fun di berg; 16un hoben gezogt tsu di berg un feldzn: falt oif undz, un farborgt undz fun dem ponem fun dem, velcher zitst oifen kisei hakoved, un fun dem tsorn fun dem Lemele! (Yeshayah 2:19-21) 17vail es iz gekumen der groiser tog fun zeier tsorn; un ver iz bekoiech baitsushtein? (Malachi 3:2)

Currently Selected:

di antplekung 6: OYBCLATN

Highlight

Copy

Compare