a Korinter briv 14
14
kapitel fertsen
1shtrebt noch der libe; un bagert di ruchniesdike matonus, nor liber, az ir zolt nevues zogen. 2vorem der, vos redt oif an (umbakant) loshen, redt nisht tsu mentshn, nor tsu Hashem; vail keiner iz nisht maseg, un er redt soides inem Gaist. 3der ober, velcher zogt nevues, redt tsu mentshn tsu derboiung, un musar, un treist. 4ver es redt oif a loshen, der derboit zich alein; un der, vos zogt nevues, derboit di kehile. 5un ich vil, az ir zolt ale reden mit leshoines, ober noch mer, az ir zolt nevues zogen; un greser iz der, vos zogt nevues, vi der, vos redt mit leshoines, achuts az er zol oich fartaitshen, kedei di kehile zol bakumen derboiung. 6un itst, brider, ven ich zol kumen tsu aich, redendik mit leshoines, vos vel ich aich (dermit) helfen, oib ich vel nisht reden tsu aich, tsi durch an antplekung, oder durch derkentenish, oder mit nevue, oder lernung? 7yo, afile di nisht lebedike zachn, vos geben arois a klang, zol es zain di fleit oder di harfe, ven zei machen nisht kein chiluk in di klangen, viazoi vet men derkenen, vos men shpilt oif der fleit oder harfe. 8vorem ven der trumeit zol geben an umdeitlechn *ton, ver vet zich tsugreiten tsu der milchome? 9un oich azoi ir, ven ir zolt nisht geben durch der tsung a laicht farshtendlech vort, vi azoi vet men visen, vos es vert geredt? ir vet doch reden (stam) inderluftn. 10es zenen faran ver veis vifel minim koiles in der velt, un keins iz nisht on a zin. 11ven deriber ich veis nisht di bataitung fun dem kol, vel ich zain far dem redner a fremder, un der redner vet far mir zain a fremder. 12oich azoi ir, vail ir zent eiferik azoi noch ruchniesdike matonus, zucht, az ir zolt hoben a shefe far der oifboiung fun der kehile. 13derfar zol der, vos redt oif a loshen, tfile ton, az er zol fartaitshen. 14vorem oib ich bin mispalel oif a loshen, iz main gaist mispalel, main farshtand ober blaibt on peires. 15vi zhe zol es zain? ich vel tfile ton mit dem gaist, un vel oich tfile ton miten seichel; ich vel zingen mit dem gaist, un vel oich zingen miten farshtand. 16vail ven du machst a broche miten Gaist, viazoi vet der, velcher farnemt dos ort fun a nisht gelerntn, zogen Omein oif dain broche? er veist doch nisht vos du zogstu. 17vorem du machst take a broche vi es geher tsu zain, nor der anderer iz nisht oifgeboit. 18ich dank Hashem, az ich red mit leshoines mer vi ir ale; 19nor in der kehile vil ich (liber) reden finf verter mit main farshtand, kedei ich zol oich andere lernen, vi tsen toizent verter oif an (umbakant) loshen.
20brider, zeit nisht kein kinder miten farshtand; nor vos shaich beiz zeit zeigedike kinder, miten farshtand ober dervaksene (mentshn). 21in der toire shteit geshriben: mit andere leshoines un mit andere leftsn vel ich reden tsum dozikn folk; un afile azoi velen zei mich nisht heren, zogt der Har (G-t). (Yeshayah 28:11-12) 22azoi arum zenen (shoin) di leshoines vi a tseichen, nisht tsu di maiminem, nor tsu di umgloibike; di nevue ober iz nisht far di umgloibike, nor far di, velche gloiben. 23ven deriber di gantse kehile farzamlt zich, un ale reden mit leshoines, un es kumen arain hedyoitim oder umgloibike, tsi velen zei den nisht zogen, az ir zent meshuge? 24ven ober ale zogen nevues, un es kumt arain emitser an umgloibiker oder a hedyet, vert er fun alemen gemusert, fun alemen (richtik) gemishpet; 25di farborgene zachn fun zain hartsn veren antplekt; un azoi arum, falendik oifen ponem, vet er zich buken tsu Hashem, moide zaiendik, az Hashem iz beemes tsvishen aich.
26vos zhe iz es, brider? ven ir farzamlt aich, hot yeder einer a mizmer, a lernung, an antplekung, a loshen, a fartaitshung; zol alts geton veren tsu derboiung. 27oib emitser vil reden mit a loshen, zol es zain tsveienveiz, oder hechstns zalbedrit, un einer nochen andern; un einer zol fartaitshen; 28ven ober es gefint zich nisht kein fartaitsher, zol men shvaigen in der kehile; un reden tsu zich alein un tsu Hashem. 29neviim ober zolen reden tsvei oder drai, un di andere zolen mishpeten. 30un ven es vet epes antplekt veren tsu an andern, velcher zitst (dorten), zol der ershter shvaigen. 31vorem ir kent ale nevues zogen, einer nochen andern, kedei ale zolen lernen un ale getreist veren; 32un di gaister fun di neviim zenen untertenik tsu di neviim; 33vorem Hashem iz nisht kein G‑t fun umordenung, nor fun sholem. vi in ale kehiles fun di kedoishem.
34azoi zolen di froien shvaigen in di kehiles; vorem zei hoben nisht kein reshus tsu reden, nor zolen zain untertenik, punkt vi oich di toire zogt. 35un oib zei vilen epes lernen, zolen zei fregen zeiere eigene mener inderheim; vorem es iz a charpe far a froi tsu reden in der kehile. 36vos? iz Hashems vort fun aich aroisgegangen? oder iz es nor tsu aich alein ongekumen?
37oib emitser meint, az er iz a novi oder bashenkt mit Gaist, zol er derkenen (in dem), vos ich shraib tsu aich, az es iz dem Hars gebot. 38oib ober emitser veist es nisht, zol er nisht visen.
39deriber, brider maine, bagert tsu zogen nevues, un shtert nisht tsu reden mit leshoines. 40alts ober zol geton veren bekvodik un in ordenung.
Currently Selected:
a Korinter briv 14: OYBCLATN
Highlight
Share
Copy
Want to have your highlights saved across all your devices? Sign up or sign in
OYBC Yiddish (Hebrew script) in Latin script © Copyright 2024 AFII
