Bičepangre 10
10
O Petro oun o Kornelio
1An o foro Cesarea djivas i morsh, ko kharas Kornelio. Kova his i Remaryengro pralstouno pral sheel lourdende. Kolen kharan le i lourde dran Italia. 2Kova his i lačo morsh oun patsas ap o Debleste peskre tsele menshentsa. Yob das boud i čorvelende, oun mangas o Debles hako dives an.
3His i dives. His trinenge. Koy dikas ko morsh i Debleskro bolepaskres, har kova pash leste dren vas. Ko bolepaskro penas ap leste: “Kornelio!”
4Koles his daar, har yob dikas les, oun penas ap leste: “Hoy kameh tou mandar, ray?”
Oun kova penas ap leste: “O Devel shounas, har tou les an-mangal. Oun yob dikas ko lačepen, hoy tou kral i čorvelenge. Oun yob bistras kova gar. 5Biče kanna morshen an o foro Yoppe, te anenn le o Simones pash toute. Kova kharella ninna Petro#10:5 O lab Petrus his o latayntikro lab, ap Sintetikes: Petro..
6Yob hi an o kheer, kay ko Simon djivella, kay boudrell i firhengri mortsi.#10:6 mortsi hauta Leskro kheer hi pash o baro pani čiddo.”
7Har o bolepaskro peske djas, kharas o Kornelio douy boudepangren oun i patslo lourdes pash peste kolendar, kay his hako tsiro pash leste.
8Kolenge penas yob lauter, hoy o bolepaskro penas, oun bičras len an o foro Yoppe.
9O vavar dives, har yon pash o foro Yoppe van, djas o Petro ap o kheer pral pre, te mangell lo o Debles an. His rhapaskro tsiro. 10Koy las yob bok oun kamas te rhal. Har kran le leske i rhapen, moukas o Devel les čomone te dikell.
11Yob dikas, har o bolepen pre djas oun čomone pral tele vas ap i phoub. Kova his har i bari plarhta. Koya vas ap hake star rigya rikedo. 12Koy dren his boud firhe: firhe star heryentsa, sapa, oun čirkle.
13Oun o Petro shounas, har yek penas: “Petro, ste pre, kre len moulo oun rha!”
14O Petro penas: “Na-a, miro ray! An miro tselo djipen rhom me či, hoy pale-čiddo hi.”
15Oun yob shounas i douyto kopo, har yek leha rakras oun penas: “Ma kre pale-čiddo, hoy o Devel erligo kras!”
16Kova djas triin kope yaake. Palle djas koy plarhta pale an o bolepen.
O Petro djal an i pale-čiddo kheer
17O Petro hayvas gar, hoske yob kova dikas, oun poučas pestar, hoy kamas o Devel leske te penell. Koy his i morsha, kay o Kornelio pal o Simoneskro kheer bičras, glan o voudar tardo. 18Yon dan gole oun poučan: “Hi o Simon Petro pash t'mende?”
19Har djas o Petreske kova an o shero trouyel, hoy yob dikas, koy penas o Debleskro Dourho ap leste: “Dik, triin morsha rodenn tout.
20Ste pre, dja tele, oun dja lentsa! Pats, hoy yon touke penenn! Me bičrom len.”
21Koy djas o Petro tele pash lende oun penas: “Me hom kova, kay t'mer rodenna. Hoske han t'mer kay?”
22Penan le: “O Kornelio, ko pralstouno i lourdendar, bičras men. Kova hi i lačo morsh, oun patsell ap o Debleste. I tsele bibolde rakrenn lačes pral leste. I Debleskro bolepaskro penas ap leste, te lell yob tout an peskro kheer, oun te shounell yob, hoy tou leske kameh te penell.”
23Oun o Petro moukas len an o kheer te vell, oun das len i isema, te ačenn le kote.
O vavar dives djas yob lentsa an o foro Cesarea. Oun vavar patsle dran o foro Yoppe djan ninna leha. 24O dives koy pre vas yob an o foro Cesarea. Kote his o Kornelio peskre menshentsa oun malentsa khetne. Yob das len gole, te shounenn le halauter, hoy o Petro lenge penella.
25Oun har o Petro dren vas, djas o Kornelio pash leste, vitsras pes glan leskre pire tele, oun mangas les an.
26O Petro hadas les pre oun penas: “Ste pre! Me hom i mensho har tou.”
27Oun har yon yaake rakran, djan yon an o kheer, oun hatsan boud menshen kote, kay khetne van.
28Oun o Petro penas ap lende: “T'mer djinenna, te hi kova i biboldeske pale-čiddo, te djal lo an o kheer dren, hoy gar i biboldeskro hi. Oun kek vi-themari vell pash i biboldeste an o kheer dren. Mande sikras o Devel, te rikrap kekes pale-čiddo. 29Doleske rikrom man gar pale, te vap pash t'mende, har t'mer man kharan. Me poučau t'mendar kanna, hoy kamenn mandar.”
30Koy penas o Kornelio: “Glan star divessa, his trinenge, mangom o Debles an miro kheer an. Koy his ap yek kopo i morsh glan mande tardo. Koleskre koola his biyalo. 31Oun yob penas ap mande: Kornelio, o Devel shounas tout, oun hoy tou dal kol čorvelende, dikas o Devel ninna.
32Kanna biče morshen an o foro Yoppe, te anenn le o Petres pash toute. Kova hi an o kheer, kay ko Simon djivella, kay boudrell i firhengri mortsi#10:32 mortsi hauta . Leskro kheer hi pash o baro pani čiddo.
33Oun me bičrom morshen pash toute. Oun kova his mishto, kay tou val. Kanna ham mer lauter glan o Debleste khetne, te shounas lauter, hoy o Devel, maro ray, touke penas.”
O Debleskro Dourho vella ap kolende, kay kek bibolde hi
34-35Oun o Petro penas: “Kanna hayvau me čačepah: O Devel dikell gar koy pre, have menshendar yek vella: te vell lo i biboldendar, – te vell lo kolendar, kay kek bibolde hi. Yob dikell lačes ap hakeneste, kay trashell lestar, oun kay krell o čačepen. 36Yob moukas i biboldenge o lačo lab te penell, te hi o Yezous Kristo kova, kay anell len pash o Debleste. Yob hi gar lengro ray kokres, na-a, yob hi o ray pral halauter.
37T'mer djinenna, hoy djas an o them Galilea, oun palle an o tselo them Youdea pal ko tsiro, har kharas o Yohanni i menshen, te moukenn le pen te taufrell. 38T'mer djinenn, har das o Devel o Yezouseste dran Nazaret peskro Dourho oun peskri zoor. Oun yob djas trouyel oun kras lačo koova, oun kras lauteren sasto, kay o beng pandas. O Devel his pash leste. 39Mer dikam lauter, hoy yob an o biboldengro them oun an o foro Yerusalem kras.
Koles dan le ap o troushel, oun maran les. 40Pal triin divessa kras o Devel les i moulendar djides. Oun o Yezous moukas pes i menshendar te dikell. 41Yob moukas pes gar i tsele menshendar te dikell. Na-a. Men rodas o Devel vin, te dikas les. Oun har yob i moulendar djido vas, rham oun piyam mer leha. Kova penah i menshenge, oun kova hi čačo. 42Yob penas menge, te penas mer i tsele menshenge, kay o Devel rodas les vin, te hi lo o čačepaskro ray, kay rakrell o čačepen vin pral i tsele menshende, pral kolende, kay djivenna, oun ninna pral i moulende.
43Kolestar rakrenn i tsele Debleskre rakepangre an pengre lila. Yon penenn, kay lell o Devel i doosh hakenestar krik, koon ap o Yezous Kristeste patsella.” #10:43 dik: Yesaya 53:5-6; Yeremia 31:34
44Har o Petro yaake rakras, peras o Debleskro Dourho ap lauterende, kay les shounan.
45Kol patsle biboldenge, kay o Petreha van, ačas o rakepen krik, har yon dikan, kay peras o Debleskro Dourho ninna ap kolende, kay kek bibolde hi. 46Yon shounan, har kol menshe an i vavar rakepen rakran, oun o Debles sharan.
Koy penas o Petro ap lende: 47“Kolla lan o Debleskro Dourho yaake har mer. Nay rikrah mer len pale, te moukenn le pen te taufrell?”
48Oun yob penas: “Moukenn t'men te taufrell, te sikrenn t'mer, kay patsenn ap o Yezous Kristeste!”
Pal kova mangan le o Petres, te ačell lo triin, star divessa pash lende.
Currently Selected:
Bičepangre 10: Sint-Man2024
Highlight
Share
Copy
Want to have your highlights saved across all your devices? Sign up or sign in
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.
Bičepangre 10
10
O Petro oun o Kornelio
1An o foro Cesarea djivas i morsh, ko kharas Kornelio. Kova his i Remaryengro pralstouno pral sheel lourdende. Kolen kharan le i lourde dran Italia. 2Kova his i lačo morsh oun patsas ap o Debleste peskre tsele menshentsa. Yob das boud i čorvelende, oun mangas o Debles hako dives an.
3His i dives. His trinenge. Koy dikas ko morsh i Debleskro bolepaskres, har kova pash leste dren vas. Ko bolepaskro penas ap leste: “Kornelio!”
4Koles his daar, har yob dikas les, oun penas ap leste: “Hoy kameh tou mandar, ray?”
Oun kova penas ap leste: “O Devel shounas, har tou les an-mangal. Oun yob dikas ko lačepen, hoy tou kral i čorvelenge. Oun yob bistras kova gar. 5Biče kanna morshen an o foro Yoppe, te anenn le o Simones pash toute. Kova kharella ninna Petro#10:5 O lab Petrus his o latayntikro lab, ap Sintetikes: Petro..
6Yob hi an o kheer, kay ko Simon djivella, kay boudrell i firhengri mortsi.#10:6 mortsi hauta Leskro kheer hi pash o baro pani čiddo.”
7Har o bolepaskro peske djas, kharas o Kornelio douy boudepangren oun i patslo lourdes pash peste kolendar, kay his hako tsiro pash leste.
8Kolenge penas yob lauter, hoy o bolepaskro penas, oun bičras len an o foro Yoppe.
9O vavar dives, har yon pash o foro Yoppe van, djas o Petro ap o kheer pral pre, te mangell lo o Debles an. His rhapaskro tsiro. 10Koy las yob bok oun kamas te rhal. Har kran le leske i rhapen, moukas o Devel les čomone te dikell.
11Yob dikas, har o bolepen pre djas oun čomone pral tele vas ap i phoub. Kova his har i bari plarhta. Koya vas ap hake star rigya rikedo. 12Koy dren his boud firhe: firhe star heryentsa, sapa, oun čirkle.
13Oun o Petro shounas, har yek penas: “Petro, ste pre, kre len moulo oun rha!”
14O Petro penas: “Na-a, miro ray! An miro tselo djipen rhom me či, hoy pale-čiddo hi.”
15Oun yob shounas i douyto kopo, har yek leha rakras oun penas: “Ma kre pale-čiddo, hoy o Devel erligo kras!”
16Kova djas triin kope yaake. Palle djas koy plarhta pale an o bolepen.
O Petro djal an i pale-čiddo kheer
17O Petro hayvas gar, hoske yob kova dikas, oun poučas pestar, hoy kamas o Devel leske te penell. Koy his i morsha, kay o Kornelio pal o Simoneskro kheer bičras, glan o voudar tardo. 18Yon dan gole oun poučan: “Hi o Simon Petro pash t'mende?”
19Har djas o Petreske kova an o shero trouyel, hoy yob dikas, koy penas o Debleskro Dourho ap leste: “Dik, triin morsha rodenn tout.
20Ste pre, dja tele, oun dja lentsa! Pats, hoy yon touke penenn! Me bičrom len.”
21Koy djas o Petro tele pash lende oun penas: “Me hom kova, kay t'mer rodenna. Hoske han t'mer kay?”
22Penan le: “O Kornelio, ko pralstouno i lourdendar, bičras men. Kova hi i lačo morsh, oun patsell ap o Debleste. I tsele bibolde rakrenn lačes pral leste. I Debleskro bolepaskro penas ap leste, te lell yob tout an peskro kheer, oun te shounell yob, hoy tou leske kameh te penell.”
23Oun o Petro moukas len an o kheer te vell, oun das len i isema, te ačenn le kote.
O vavar dives djas yob lentsa an o foro Cesarea. Oun vavar patsle dran o foro Yoppe djan ninna leha. 24O dives koy pre vas yob an o foro Cesarea. Kote his o Kornelio peskre menshentsa oun malentsa khetne. Yob das len gole, te shounenn le halauter, hoy o Petro lenge penella.
25Oun har o Petro dren vas, djas o Kornelio pash leste, vitsras pes glan leskre pire tele, oun mangas les an.
26O Petro hadas les pre oun penas: “Ste pre! Me hom i mensho har tou.”
27Oun har yon yaake rakran, djan yon an o kheer, oun hatsan boud menshen kote, kay khetne van.
28Oun o Petro penas ap lende: “T'mer djinenna, te hi kova i biboldeske pale-čiddo, te djal lo an o kheer dren, hoy gar i biboldeskro hi. Oun kek vi-themari vell pash i biboldeste an o kheer dren. Mande sikras o Devel, te rikrap kekes pale-čiddo. 29Doleske rikrom man gar pale, te vap pash t'mende, har t'mer man kharan. Me poučau t'mendar kanna, hoy kamenn mandar.”
30Koy penas o Kornelio: “Glan star divessa, his trinenge, mangom o Debles an miro kheer an. Koy his ap yek kopo i morsh glan mande tardo. Koleskre koola his biyalo. 31Oun yob penas ap mande: Kornelio, o Devel shounas tout, oun hoy tou dal kol čorvelende, dikas o Devel ninna.
32Kanna biče morshen an o foro Yoppe, te anenn le o Petres pash toute. Kova hi an o kheer, kay ko Simon djivella, kay boudrell i firhengri mortsi#10:32 mortsi hauta . Leskro kheer hi pash o baro pani čiddo.
33Oun me bičrom morshen pash toute. Oun kova his mishto, kay tou val. Kanna ham mer lauter glan o Debleste khetne, te shounas lauter, hoy o Devel, maro ray, touke penas.”
O Debleskro Dourho vella ap kolende, kay kek bibolde hi
34-35Oun o Petro penas: “Kanna hayvau me čačepah: O Devel dikell gar koy pre, have menshendar yek vella: te vell lo i biboldendar, – te vell lo kolendar, kay kek bibolde hi. Yob dikell lačes ap hakeneste, kay trashell lestar, oun kay krell o čačepen. 36Yob moukas i biboldenge o lačo lab te penell, te hi o Yezous Kristo kova, kay anell len pash o Debleste. Yob hi gar lengro ray kokres, na-a, yob hi o ray pral halauter.
37T'mer djinenna, hoy djas an o them Galilea, oun palle an o tselo them Youdea pal ko tsiro, har kharas o Yohanni i menshen, te moukenn le pen te taufrell. 38T'mer djinenn, har das o Devel o Yezouseste dran Nazaret peskro Dourho oun peskri zoor. Oun yob djas trouyel oun kras lačo koova, oun kras lauteren sasto, kay o beng pandas. O Devel his pash leste. 39Mer dikam lauter, hoy yob an o biboldengro them oun an o foro Yerusalem kras.
Koles dan le ap o troushel, oun maran les. 40Pal triin divessa kras o Devel les i moulendar djides. Oun o Yezous moukas pes i menshendar te dikell. 41Yob moukas pes gar i tsele menshendar te dikell. Na-a. Men rodas o Devel vin, te dikas les. Oun har yob i moulendar djido vas, rham oun piyam mer leha. Kova penah i menshenge, oun kova hi čačo. 42Yob penas menge, te penas mer i tsele menshenge, kay o Devel rodas les vin, te hi lo o čačepaskro ray, kay rakrell o čačepen vin pral i tsele menshende, pral kolende, kay djivenna, oun ninna pral i moulende.
43Kolestar rakrenn i tsele Debleskre rakepangre an pengre lila. Yon penenn, kay lell o Devel i doosh hakenestar krik, koon ap o Yezous Kristeste patsella.” #10:43 dik: Yesaya 53:5-6; Yeremia 31:34
44Har o Petro yaake rakras, peras o Debleskro Dourho ap lauterende, kay les shounan.
45Kol patsle biboldenge, kay o Petreha van, ačas o rakepen krik, har yon dikan, kay peras o Debleskro Dourho ninna ap kolende, kay kek bibolde hi. 46Yon shounan, har kol menshe an i vavar rakepen rakran, oun o Debles sharan.
Koy penas o Petro ap lende: 47“Kolla lan o Debleskro Dourho yaake har mer. Nay rikrah mer len pale, te moukenn le pen te taufrell?”
48Oun yob penas: “Moukenn t'men te taufrell, te sikrenn t'mer, kay patsenn ap o Yezous Kristeste!”
Pal kova mangan le o Petres, te ačell lo triin, star divessa pash lende.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.