Romanos 4

O pachape e Abraameko

1¿Akana so ka ppena kai dobisarda amaro dad o Abraam? 2Te avelape kai o Abraam saia orta ta chacho pala e ezgode kai cherela, avilaia le pe so te cherel baripe, na angla o Del. 3Soke ¿So ppenel o Pisipe? Llinda e Abraame orta ta chacho pala leko pachape.#Gn 15.6. 4Kana iek lleno radil ta pochinen leke, inai kai die le llabe gola love, soke vou radisarda ta trulbul te pochinen leke. 5A vareko te pachala kai o Del cherel orta ta chacho e bilache, o Del ttovel sama pe leko pachape ta llinel le orta ta chacho i te na cherdaia niso te llinel le orta ta chacho. 6Isto o David dia orba cheres e dragostia e manuseki kana o Del llinel orta ta chacho bi te mol leke e ezgode kai cherel. 7O David ppenda:

“¡Blagosime gola kai o Del prostil lengo bilachipe,

ta kai lengo bilachipe si uchardo!

8Blagosime o manus kai o Gazda ni dosarel le katar o bilachipe”#Sal 32.1-2.

9¿Sai avel gava blagosipe samo e judionenge, o si i golenge kai inai judiura? Soke ppendam kai o Abraam pala leko pachape saia llindo orta ta chacho. 10¿Sar saia llindo? ¿Kana saia sirkunsidime, o kana ni saia sirkunsidime? Na kana saia sirkunsidime, kana ni saia sirkunsidime. 11Ta mai angle e Abraame sirkunsidisarde,#Gn 17.10,23-27. sargo iek ezgoda te dikkol kai o Del llindaia le orta ta chacho cheres leko pachape. Ta gia o Abraam avilo te cherdol o dad sa golengo kai si len pachape i te na avilea sirkunsidime; ta gia o Del llinel len chache. 12Ta i o Abraam si o dad i golengo kai si sirkunsidime ta i llan pala gua pachape kai amaro purano saia le mai anglal te avel sirkunsidime.

O alau leke porodoke

13O Del ppenda e Abraameke ta leke porodoke kai sa e ppuv ka avel lengi; a o alau kai diaia le ni saia ppanglo te kandela o zakono, gua avel katar o chachipe e pachamako. 14O alau kai o Del diaia te avilaia e llenenge kai kanden o zakono, ondaka avilaiape kai o pachape ando Del ta i leko alau ni moldaia le niso.

15O Del dukkavel golen kai ni kanden o zakono; ta kana inai o zakono niko inai dosalo kai ni kandel. 16Goleke, o alau kai diaia e Abraame si sa leke porodoke, gua diale llabe pala o pachape. Te sai ppena, o alau kai dia inai samo golenge kai pachan ando zakono, gua alau si saurrenge kai ttovenpe ando pachape, sargo o Abraam. Gia vou cherdol o dad saurrengo, 17sar ppenel o pisipe; “Cherdem tut dad bute suetoko.”#Gn 17.5. Gava si o Del kai o Abraam pachaia, o Del kai del o zivoto e mulen ta ikkarel e ezgode kai inai ppenea si.

18Kana aduricharela so nasti aduricharela, o Abraam pachaia ta avilo “dad bute suetoko”, gia sar o Del ppendaia leke; “Gia de bari ka avel chi vicha.”#Gn 15.5. 19O pachape e Abraameko ni kovlilo kana dikkla pe pi esnaga kai saia sargo muli ta sea leke estotina burs, ta ni pe Sara kai nasti avena la minone ta saia ppuri.#Gn 17.17; 18.11. 20Vou ni jasarda po pachape ta ni diape palpale katar o alau kai diaia le o Del, goleke avilale iek pachape ios mai baro. Ta blagosisarda e Devle, 21sa pe liea pachala kai o Del si le e zor te cherel so ppenel. 22Goleke, o Del llinda le ta ppenda kai vou si orta ta chacho.#Gn 15.6. 23Ta inai samo e Abraametar si pisime kai llinda orta ta chacho; 24i cheres amendar ppenda kai i amenge ka llindolpe kai sam llinde chache, kai pacha ande gua kai vazdia katar o meripe e Jesuse, amaro Gazda, 25kai vou saia dino te merel pala amaro bilachipe#Is 53.4-5,12. ta vazdinailo katar o meripe te cherel amen llinde chache.

Currently Selected:

Romanos 4: ROM07

Highlight

Copy