Ebreos 9

E kurbanura purane

1E purve alava ppenena sar saia te blagosin e Devle ande leki chara kai si pe ppuv. 2Soke goia chara#Ex 26.1-37. kai vazdinaili saia la lako purvo ttan kai ikkardol o Ttan Santo, kote saia o kandelabro#Ex 25.31-40. ta o stali kai ttovena e marrne kai sea chinade e Devleke.#Ex 25.23-30. 3Palal pala gua chiti saia o duito Ttan kai ikkardol Santisimo; 4kote saia o altar sunakuno kai ppabarena o taimano#Ex 30.1-6; 40.26-27. ta o bauli katar e alava kai saia mardo ando sunakai.#Ex 25.10-16. Ta andre ando bauli saia iek bralli sunakuni kai andre saia o mana,#9.4 O mana saia sargo marrno kai perela katar o miloso suako llive ta o souto llive perela po dui droma soke ando llive sabado ni perela #Ex 16.33. ta ando bauli saia i e rovli e Aaronoki kai dia e lulunlla,#Ex 16.33. ta e dui kotora barrustune katar o zakono.#Ex 25.16; Dt 10.3-5. 5Upral po bauli cherdea dui suechura kai pe ppakkenchar#Ex 25.18. ucharena o kapako katar o bauli.#Ex 25.18-22. A akana ni trubul te da orba katar suako ezgoda kai saia kote.

6Gia sea ttode sa gola ezgode ta e popura dena suako drom ando purvo ttan e charako te cheren pi buchi ta te blagosin.#Nm 18.2-6. 7A po duito ttan dela samo o mai Baro Popo, ta samo iek drom ando burs; ta kana dela, saia te inllarel o rat katar e kurbanura ta te del le cheres pete ta cheres o bilachipe kai cherela o foro ta kai ni acharenale.#Lv 16. 8Galea o Santo Duo cherel amen te llana kai kana saia e chara e Devleki o drom kai inllarel kai o ttan Santisimo kai ni saia putardo varekake. 9Sa gala ezgode cherdile te sai sikaven amen so si mai baro akana; soke so si dino ta e kurbanura kai den e Devleke nasti cheren e manusen te acharenpe bi dosako samo soke cheren gua blagosipe.

O chachuno kurbano

10Gala ezgode si samo katar o jape ta o pipe ta nesave zakonura e jaladimake,#Lv 11; 15; Nm 19. a gala ezgode nasti pparruven amaro zivoto. Gala alava si ttodine samo lligo ni ka avel o vreme kai o Del ka pparruvel len.

O nevo kurbano

11A o Kristo avilo ta akana vou si o mai Baro Popo, ta fala leke si amen sa gala ezgode. E chara e Devleki kai vou cherel bi buchi popoki, si mai lachi ta mai orta ta inai cherdi e manusendar; goleke goia chara e Devleki inai gale ppuviaki. 12O Kristo dia ande chara e Devleki, na te sikavel o rat katar e busne ta katar e guruva, vou nakklo isto pire ratea iek drom ta lia amenge o braduipe katar o bilachipe ostade. 13Istina si kai o rat katar e guruva ta katar e busnia#Lv 11; 15; Nm 19. ta o prajo kai achel katar e guruvmi kai ppabardol po altar, lelpe ta ttodol pe llene kai si pokalime, ta achen sante ta jalaven len avrial.#Nm 19.9,17-19. 14A te si gaia ezgoda gia, ¡Pe gachin mai but ka avel le zor o rat e Kristoko! Soke katar o Duo kai zivil ostade, o Kristo dia isto vou pe kurbano e Devleke bi dosako, ta leko rat jalavel amen ta Del amen pachape kai sam prostime te sai radi e Devleke kai si llundo.

O nevo alau

15Goleke o Jesukristo cherel te da ande iek neve alava e Devlea. Soke o Jesukristo mulo te sai o Del prostil o bilachipe kai cherde e manusa kana sea pe purve alava, ta vou cherda golen kai o Del ikkarda te len o barvalipe ostade soke o Del dialen po alau. 16Te kanden e alava kai iek lleno mukla, morabi mai anglal te llangliolpe kai gua lleno mulo. 17Soke nasti kanden e alava kai mukel iek lleno kana gua lleno zivil, samo sai kanden len kana gua lleno si mulo. 18Goleke i e purve alava sea ratea. 19O Moises ppenda sa e alava e zakonoke sa e foroke; mapalal lia e bal e bakreke makkle ando lolipe ta iek krango katar o isopo, ta makklalen ando rat e guruvengo ta e busnengo amime e paiea, ta makkla o lil katar o zakono ta i sa e foro.#Ex 12.22; Lv 14.4-6; Nm 19.6,18. 20Ondaka ppenda lenge: “Gava si o rat kai chacharel e alava kai o Del dia tumen.” 21Ta o Moises makkla e ratea i e chara e Devleki ta sa e ezgode kai si e blagosimake.#Ex 29.12; Lv 8.15,19. 22Soke o zakono ppenel kai preko sa e ezgode morabi te aven jalade e ratea; ta inai prostipe katar o bilachipe te na chordola o rat.#Lv 17.11. 23Goleke trubul gola kurbanura te sai jalaven gola ezgode soke cherdelen prema e ezgode kai si ando miloso; ta e ezgode kai si ando miloso trubul len mai lache kurbanura neko gola.

24Soke o Kristo ni dia ande goia chara e Devleki cherdi e manusendar, kai samo dikkola sargo e chachuni chara, vou dia isto ando miloso, ta kote sikadol angla o Del te sai molilpe cheres amende. 25Ta ni dia te delpe kurbano but droma, gia sar cherel le o popo suako burs kai del ande chara e Devleki te del iek rat kai inai leko. 26Te cherdaia isto gia o Kristo, vou saia te merel but droma sar kana o Del cherda e ppuv. A o chachipe si kai akana kai si o son katar o vreme, o Kristo avilo iek drom ta ostade ta diape isto vou pe kurbano te sai lel o bilachipe. 27Isto gia sar sa e manusa morabi te meren iek drom ta mapalal ka avel e kris, 28isto gia o Kristo diape iek drom te lel o bilachipe katar but llene. Ta mapalal vou ka avel pale, ta ni ka avel le ni iek posla e bilachimaia, vou ka avel te braduil golen kai aduricharen le.#Is 53.12; 1 P 2.24.

Currently Selected:

Ebreos 9: ROM07

Highlight

Compare

Copy