Ebreos 5

1Suako mai Baro Popo si esvirime maskar e manusa ta ttodo te pomozil e manusen pe so si dino e Devleke ta pe kurbanura te sai o Del prostil len. 2Ta sar i vou si kovlo soke si manus, sai avel leke zao katar e llene kai ni acharen ta i katar gola kai jasaile katar o drom; 3ta cheres isto leko kovlipe i vou trubul te del kurbano katar po bilachipe ta i katar o bilachipe e foroko.#Lv 9.7; 16.6; Ebr 7.27. 4Ta niko nasti avel o mai Baro Popo samo soke vou mangel, soke o Del si kai ikkarel le ta del le goia dragostia gia sar cherdale e Aaronoia.#Ex 28.1. 5Isto gia o Kristo ni ttoda vou pe te avel o mai Baro Popo, o Del si kai dia le goia dragostia, soke o Del ppendaia leke:

“Tu san mo chaurro;

allive me sem cho Dad.”#Sal 2.7.

6Ta i pe aver rig ando Pisipe ppenel gia:

“Tu sam popo ostade,

isto sar saia o Melkisedek.”#5.6 Sal 110.4. Melkisedek: Gn 14.17-20; Ebr 7.1-2.

7Kana o Kristo zivila kate pe ppuv, rovda ta molisailo zurale ta mangla e Devletar te braduil le katar o meripe;#Mt 26.36-46. a o Del asunda le soke vou saia chacho ta kandela le. 8A vou saia o chavo e Devleko ta ande duk ta e patnia sikilo so si te kandel e Devle, 9ta gia kana o Kristo cherda sa so o Del mangla letar, cherdilo o Braduimari kai del zivoto ostade sa golen kai kanden le. 10Ta o Del ppenda kai vou si o mai Baro Popo gia sar saia o Melkisedek.

Te sikiva te bariva ando pachape

11Si amen but te ppena katar gaia ezgoda ta amenge si trudno te sikavala soke tumen ni acharen oma gala orbe. 12Dumut cherel kai tumen pachaien ande lachi viasta ta pala o vreme kai nakkla tumen saia te aven kovacha, a pale morabi te sikaven tumen e mai palune ezgode katar o Del. Ta pale cherdilen gia kovle kai trubul tumen te pien ttut sargo minone a na te jan jape zuralo. 13A gola kai pien ttut si sargo minone kai ni llanen so si o lachipe ta o bilachipe. 14A O jape zuralo si e barenge, golenge kai acharen so si o lachipe ta o bilachipe.

Currently Selected:

Ebreos 5: ROM07

Highlight

Compare

Copy