Galatas 6

Pomozisaren iek avere

1Pplalalen, te dikken kai vareko si ande varesavo bilachipe, tumen kai sen ando Duo morabi pomozin le te ortolpe. Ta cherenle postenimaia. Ta suako lleno te del orba bizaimaia, soke i vou sai avel ttodo ando zumadipe. 2Pomozisaren tumen maskar tumende kana ka aven ande nuzda ta gia ka kanden o zakono e Kristoko.#Jn 13.34; 15.12,17; 1 Jn 3.23.

3Kana vareko mislilape kai si vareso kana vou inai niso, vou pe kojavel. 4Suako lleno si te chinel kris vou peke, a te acharela kai sai veselilpe katar vareso kai cherel, te na mislil kai si mai lacho neko aver llene. 5Soke suako lleno inllarel po pparipe.

6O lleno kai sikaven le katar e Devleke alava, morabi te fulavel sa o lachipe kai lel e llenea kai sikavel le.

7Na kojadon: niko nasti kojavel e Devle soke so tu de, gua le. 8Kogo llal pala o bilache ezgode, katar gola bilache ezgode ka lel o meripe. A kogo llal e Duoia, ka lel katar o Duo o zivoto ostade. 9Goleke morabi te chera o lachipe ta te na chiniva, soke te na jasardam e zor, ka avel o vreme ta o Del ka del amen amaro chari. 10Goleke te sai cherdan o lachipe saurrenge, cherale, a mai anglal cherale e llenenge kai si amare pplal ando pachape.

11¡Dikken tumen gia bare akana pisiu tumenge isto me!#1 Krn 16.21. 12Gola kai mangen tumendar te cheren e sirkunsision pe zor, von cherenle samo te na joliaon pe lende e llene ta te na aven mardine cheres o krusto e Kristoko. 13A ni gola kai sirkunsidinpe ni cheren sa so ppenel o zakono. A von mangen tumendar te sirkunsidin tumen samo te falinpe kai cherde tumen pe zor te inllaren pe tumari esnaga gua chindipe. 14A me ni kamam te faliu man katar niso samo katar o krusto e Gazdako o Jesukristo, soke cheres o krusto e Kristoko, o sueto mulo mange ta me mulem e suetoke. 15Ni mol nisoke te cherdan o ni cherdan e sirkunsision. So mol si kai o Del cherda amen te zivi pale.#2 Ko 5.17. 16O volipe ta e zalba e Devleki te avel sa e llenenchar kai llan prema gala ezgode, ta sa e llene katar o Israel e Devleko.#Gl 3.7-9,14,29; Rm 2.29; 9.6-8.

17Katar angle ni kamam niko te del man joli, soke pe mi esnaga inllarau sa o mardipe ta e patnia kai nakklem soke sem e Kristoko.

18Pplalalen, o Del te blagosil tumen ta te del tumen katar po volipe. Gia te avelpe.

Currently Selected:

Galatas 6: ROM07

Highlight

Copy