H'Rut 3
3
H'Rut pơhiăp hr̂ŏm Ƀô-ôh pơ lan a teh dai
1Nŭn Naômi khma H'Rut ñu laĭ: «Ơ nă, kâo găl ti sem br̂ơi ih kơi, ih mơ̆ng nŭk-nua mơ̆ng sang ñu. 2Ƀô-ôh, ñu br̂ơi ih dŏ hr̂ŏm môt đahmơi ngă buă ñu, ñu nŭn yơh yŏng dơi jĕ ta, klăm ne ñu ti nao pơ lan a teh dai, ñu ti pơi br̂aih#3:2 Klơi juăt Israel pơi br̂aih phar̂a mơ̆ng klơi juăt Jơr̂ai ta, r̂ăng bĭ yua kua ôh, r̂ăng yua gai dr̂aih, klôk tơng đĭ čiăng thŭl đuĕ kam. dai ôk. 3Br̂ơi ih nơi, buh bĕn ao, sôt ia ƀâo hiam, jr̂ŏng nŭn tr̂ŭn nao pơ lan a teh dai. Anăm br̂ơi Ƀô-ôh ƀôh ih ôh, gon ñu jr̂ŏng ƀŏng mơñŭm ƀơĭ. 4Tơl ñu pĕt, br̂ơi ih čăm ƀon ñu pĕt, jr̂ŏng nŭn nao tik đĭ khăn gah plă le ñu, br̂ơi ih pĕt ha anŭn, jr̂ŏng nŭn ñu ti r̂ă br̂ơi buă ih ti ngă.» 5Nŭn H'Rut laĭ: «Tơgr̂ư̆ buă ih pơtă, kâo ti ngă tui.»
6Nŭn H'Rut, ñu tr̂ŭn nao pơ lan a teh dai, ngă tui tơgr̂ư̆ buă khma ñu pơtă. 7Pah Ƀô-ôh ƀŏng mơñŭm bŭt ñu mơ-ak, nŭn ñu nao pĕt ti ƀon a čr̂oh br̂aih, jr̂ŏng nŭn H'Rut, ñu djong lot nao tik đĭ khăn gah plă le Ƀô-ôh, nŭn ñu pĕt hĕ ha anŭn. 8Tơl iăl mlăm, Ƀô-ôh, ñu bơdih đĭ, jr̂ŏng nŭn ñu bơblĭ, ƀôh hĕ đahmơi pĕt gah plă le ñu. 9Nŭn ñu kơña: «Lơi ne?» Mŏ nŭn laĭ: «Kâo H'Rut, đahmơi ngă buă ih. Kâo dueh mơ̆ng ih sŏm br̂ơi kâo khăn,#3:9 Kâo dueh mơ̆ng ih sŏm br̂ơi kâo khăn lơ «Kâo dueh mơ̆ng ih kơtôp kâo mơ̆ng čăng ih.» An Rut 2:12. Klơi H'Rut pơhiăp ne, ñu čiăng Ƀô-ôh dŏ ñu. An Êsê 16:8. čiăng ih tô̆ r̂em kâo he, yua ih găl song tô̆ kâo.» 10Ƀô-ôh laĭ: «Ô mŏ bia, br̂ơi ih hmâo klơi nŭk-nua mơ̆ng Yêhôwa, yua buă ih khăp-pap ngă hiam nêne,#3:10 Buă ih khăp-pap ngă hiam nêne Ƀô-ôh čiăng laĭ H'Rut khăp-pap ngă hiam hr̂ŏm khma ñu Naômi, yua H'Rut čiăng dŏ kơi thâo song tô̆ kơnah Naômi dăp r̂ăk-r̂em ñu. hiam hloh mơ̆ng ahlâo dŏng,#An Rut 1:8. yua hmâo mơ̆n dơdăm hin dơdăm bơdr̂ŏng, ih git đuĕ tui le. 11Ne dŏng mŏ, ih anăm huĭ ôh, tơgr̂ư̆ buă ih pơhiăp, kâo ti ngă br̂ơi ih mơ̆n, yua bih nă plơi lan thâo kr̂ăn ih đahmơi kiăng dăp khĭn he mơ̆n. 12Djơ̆ yơh ih pơhiăp, kâo găl song tô̆ ih mơ̆n. Plai hmâo yŏng dơi ha r̂ăng dŏng, ñu jĕ hloh mơ̆ng kâo.#An Rut 2:20. 13Mlăm ne br̂ơi ih pĕt ha ane ƀơĭ, tơl đaih jơ̆ laĭ ñu phom song tô̆ ih,#An Juăt 25:5. nŭn hiam yơh. Jơ̆ laĭ ñu git, nŭn kâo pô ti song tô̆ ih. Buă ne kâo ti ngă bơjr̂ŏng br̂ơi dơdi, kâo uăn mơ̆ng ih ti năp Yêhôwa Yang Hơdĭp. Br̂ơi ih pĕt ha ane tơl đaih ƀơĭ.»
14Nŭn H'Rut pĕt gah plă le ñu, tơl sêng-ƀr̂êng ñu gŭ đĭ hlâo ka thâo ƀôh jel. Nŭn Ƀô-ôh laĭ: «Anăm br̂ơi r̂ăng thâo đahmơi mŭt r̂ai pơ lan a teh dai ne ôh.» 15Ƀô-ôh laĭ dŏng: «Mă r̂ai seng ih mai nŭn wŏ.» Nŭn H'Rut mă seng pơđôp, jr̂ŏng nŭn Ƀô-ôh pha br̂ơi H'Rut br̂aih năm wŏt wăl,#3:15 Br̂aih năm wŏt wăl ai-ñu hmâo klâo pluh kilô. nŭn ñu pô̆ br̂ơi H'Rut br̂aih nŭn. Jr̂ŏng nŭn H'Rut glaĭ pơ plơi. 16Pah ñu tơl glaĭ, khma ñu kơña: «Hiư̆m lĕ, nă?»#3:16 Hiư̆m lĕ nă? Hêbrơ laĭ «Lơi ih nă?» Nŭn H'Rut r̂ă thâo tơgr̂ư̆ buă Ƀô-ôh ngă br̂ơi ñu. 17H'Rut laĭ dŏng: «Ne br̂aih ñu ček br̂ơi kâo, năm wŏt ñu wăl, ñu huĭ kâo glaĭ pơ ih ngan soh-sel.» 18Nŭn Naômi laĭ: «Ô nă, ih dŏ đŏng ep sŭ lăng ƀơĭ, kơđi ne ti jr̂ŏng hiư̆m pă, yua r̂ơi ne Ƀô-ôh bĭ bơdơi ôh, ñu ti bơjr̂ŏng lôi kơđi ne yơh.»
Currently Selected:
H'Rut 3: JKB
Highlight
Copy
Compare
Share
Want to have your highlights saved across all your devices? Sign up or sign in
© 2024, Wycliffe Bible Translators, Inc.