Mathiơ 9
9
Yêsu ngă pơhuai mơnuih djai le ngan
(Mak 2:1-12; Lŭk 5:17-26)
1Jr̂ŏng nŭn Yêsu đĭ duk găn glaĭ pơ plơi ñu pô.#9:1 Plơi ñu pô ne a iâo plơi Kapơnơ̆m, plơi ñu nao dŏ pah ñu biă mơ̆ng plơi Nasaret. Plơi Nasaret nŭn plơi mĭ ma ñu. An Mat 4:13; Mak 2:1. 2Pah anŭn r̂ăng kông mơnuih djai le ngan ha r̂ăng dŏ đih mơ̆ng jao, ba r̂ai pơ Yêsu. Tơl Yêsu ƀôh klơi ngư̆ môt kông, nŭn ñu hiăp hr̂ŏm mơnuih djai le ngan, ñu laĭ: «Ơ no! Ih anăm hyŏk ôh, yua klơi glaĭ ih kâo klaih lôi yơh.» 3Pah anŭn hmâo môt gru pơto klơi juăt Môsê pơanah, khư̆t tăm bŭt laĭ: «Ñu ne pơmat Ơi Adai boih!»#An Mat 26:65; Yôh 10:33. 4Yêsu thâo kr̂ăn klơi gơñu khư̆t,#An Doh 94:11. nŭn ñu laĭ: «Yua yĕt gô-ih khư̆t set tăm bŭt hla nŭn? 5Jơ̆ kâo laĭ, “Klơi glaĭ ih kâo klaih lôi yơh,” mơ̆ng kâo laĭ, “Gŭ đĭ bat wŏ,” dua nŭn, hiăp hiư̆m pă ƀôñ hloh? 6Klơi ne čiăng gô-ih thâo kr̂ăn laĭ, kâo Nă Mơnuih hmâo sĭt pơklaih lôi klơi glaĭ mơnuih mơ̆ng lŏn kơnah.» Nŭn ñu pơhiăp hr̂ŏm mơnuih djai le ngan, ñu laĭ: «Gŭ đĭ, djă jao ih glaĭ pơ sang wŏ!» 7Nŭn ñu gŭ đĭ, glaĭ hĕ pơ sang ñu pô. 8Tơl nă plơi lan ƀôh buă nŭn, gơñu huĭ dăp pơ-i-bli Ơi Adai, yua Ơi Adai pha br̂ơi sĭt kơtang myang hla nŭn pơ mơnuih.#An Mat 28:18.
Yêsu iâo Mathiơ
(Mak 2:13-17; Lŭk 5:27-32)
9Tơl Yêsu bat tr̂uh lôi mơ̆ng anŭn, ñu ƀôh đahkơi ha r̂ăng a iâo ƀŏ ñu Mathiơ, dŏ ben ƀon a tĭ puŏn. Yêsu pơhiăp hr̂ŏm Mathiơ, ñu laĭ: «Bat tui kâo wŏ.»#An Mat 4:19. Nŭn ñu gŭ đĭ bat tui Yêsu.
10Pah Yêsu dŏ ƀŏng huă tăm sang Mathiơ, hmâo lô mơnuih tĭ puŏn, wŏt mơnuih hmâo klơi glaĭ, gơñu dŏ ben tŭ hr̂ŏm Yêsu, dăp môt hyĕn tui ñu mơ̆n. 11Tơl môt Pharasi ƀôh, gơñu pơhiăp nao pơ môt hyĕn tui Yêsu, gơñu laĭ: «Yua yĕt gru gô-ih ƀŏng huă hr̂ŏm môt tĭ puŏn, dăp mơnuih hmâo klơi glaĭ nĭng nŭn lĕ?»#An Mat 11:19. 12Tơl Yêsu hmĭ nĭng nŭn, ñu pơhiăp laĭ: «Bĭ djơ̆ mơnuih dŏ ak dr̂ơi-jĕn čiăng gru pet ôh, ha tô̆ mơnuih wă-nuă đơč čiăng gru pet. 13Br̂ơi nao hyĕn wŏ mơ̆ng klơi Ơi Adai laĭ ne: “Kâo čiăng gô-ih thâo pap-dr̂ap r̂ăng, kâo bĭ čiăng dr̂ăm ngă yang ôh.”#Klơi ne tô̆ mơ̆ng Hôsê 6:6. An Mik 6:6-8; Mat 12:7 mơ̆n. Kâo r̂ai bĭ čiăng iâo mơnuih kơpă ôh, kâo r̂ai čiăng iâo mơnuih hmâo klơi glaĭ.»#An Lŭk 19:1.
Klơi ĭ ƀŏng huă
(Mak 2:18-22; Lŭk 5:33-39)
14Pah anŭn môt hyĕn tui Yôhan nao kơña Yêsu, gơñu laĭ: «Yua yĕt mơi dăp môt Pharasi ĭ ƀŏng huă kơtă-kơtă, plai môt hyĕn tui ih bĭ ĭ hla nŭn ôh?»#An Mat 11:18-19. 15Yêsu pơhiăp til glaĭ pơ gơñu: «Hiư̆m, gop juăt nă dăm r̂ai ƀŏng huă klơi bơdŏ kơi bơnai, djơ̆ mơ̆n gơñu kơ-ŭ, pah nă dăm nŏng dŏ hr̂ŏm gơñu? Plai dŏng, ti hmâo r̂ơi dơdơi kăl r̂ăng ti ba đuĕ nă dăm mơ̆ng gơñu,#An Êsai 53:8. nŭn gơñu ti ĭ ƀŏng huă.#An Buă 13:2-3; 14:23. 16Bĭ hmâo mơnuih pă tô̆ jiă phr̂âo klŏp gah ngŏ hnă hađăp ôh, yua jiă phr̂âo nŭn ti r̂ŭt lôi hnă hađăp, jr̂ŏng nŭn ñu ti tơhek pơtĕ dŭt hloh mơ̆ng khnal hađăp dŏng. 17Bĭ hmâo mơnuih pă čr̂oh ia pai boh ƀâo phr̂âo tăm gơdŭng klĭ hađăp ôh, jơ̆ ngă nĭng nŭn tơl pai blêh, gơdŭng ti pơčah, ia pai ti hŏk, gơdŭng ñu ti r̂ăm mơ̆n. Ia pai boh ƀâo phr̂âo, r̂ăng juăt čr̂oh tăm gơdŭng klĭ phr̂âo mơ̆n, jơ̆ ngă nĭng nŭn, bih dua nŭn dŏ hiam soh-sel.»
Yêsu ngă pơhuai đahmơi lĕ dr̂ah dăp bơdĭp glaĭ dr̂a muai
(Mak 5:21-43; Lŭk 8:40-56)
18Pah Yêsu dŏ pơhiăp klơi nŭn pơ gơñu, plŭt, hmâo khua wai sang luôm mŭt r̂ai bon kơkuh ti năp Yêsu, ñu laĭ: «Nă đahmơi kâo ñu phr̂âo djai nêne, dueh mơ̆ng ih nao ah ngan br̂ơi ñu, nŭn mŏ mơ̆ng dĭp glaĭ.» 19Nŭn Yêsu gŭ đĭ bat tui klon ñu, dăp môt hyĕn tui Yêsu nao hr̂ŏm mơ̆n. 20Pah anŭn, hmâo đahmơi ha r̂ăng wă lĕ dr̂ah bih pluh dua thŭn boih,#An Lêwi 15:25. ñu nao gah r̂ŏng Yêsu ñah tơkai ao ñu, 21yua ñu khư̆t tăm bŭt laĭ: «Jơ̆ kâo ñah kăn ao ñu đơč, nŭn klơi wă kâo ti huai yơh.» 22Yêsu wih glaĭ ƀôh đahmơi nŭn, ñu laĭ: «Ơ mŏ bia! Anăm hyŏk ôh, klơi ngư̆ ih ngă pơhuai ih yơh.»#An Mat 8:13; 9:29. Đahmơi nŭn ki huai ha anŭn he boih. 23Tơl Yêsu mŭt nao tăm sang khua wai sang luôm, nŭn ñu ƀôh môt hyŭp đing dŏt,#9:23 Tui klơi juăt Israel, tơl mơnuih djai, r̂ăng hyŭp đing dŏt. Đing dŏt Khme laĭ “ខ្លុយ.” dăp mơnuih lô ngă hă-hâo, 24Yêsu laĭ: «Gô-ih biă đuĕ wŏ! Yua nă muai ne bĭ djai ôh, ñu dŏ pĕt đơč.» Nŭn r̂ăng klao pôhŏp ñu. 25Tơl môt gơñu biă đuĕ boih, nŭn Yêsu mŭt nao mă ngan nă dr̂a muai nŭn, jr̂ŏng nŭn mŏ nŭn ñu gŭ đĭ hĕ. 26Klơi nŭn hmĭ i yô jŏp-jang ƀon nŭn.
Yêsu ngă pơhuai mơnuih bôm ta dua r̂ăng
27Tơl Yêsu biă đuĕ mơ̆ng anŭn, hmâo mơnuih bôm ta dua r̂ăng bat tui klon ñu dăp iâo kr̂aih laĭ: «Ơ nă čo pơtao Đawit!#An Mat 1:1; 12:23; 15:22; 20:30-31; 21:9, 15; 22:42. Pap-dr̂ap br̂ơi mơi he wŏ.» 28Tơl Yêsu mŭt nao tăm sang, nŭn mơnuih bôm dua r̂ăng nŭn r̂ai pơ ñu. Yêsu laĭ: «Hiư̆m, gô-ih ngư̆ laĭ kâo thâo ngă buă ne mơ̆n ah?» Nŭn gơñu laĭ: «Ơ khua, mơi ngư̆ mơ̆n.» 29Nŭn Yêsu uh săl ta gơñu dăp laĭ: «Br̂ơi huai wŏ hla ti klơi gô-ih ngư̆.»#An Mat 9:22. 30Nŭn săl ta gơñu đaih glaĭ. Yêsu pơhiăp khă gơñu: «Lơwăng hŏ, anăm br̂ơi r̂ăng thâo klơi ne ôh.» 31Plai gơñu dŏ nŏng biă yô r̂ă r̂oi br̂ơi r̂ăng thâo mơ̆ng Yêsu jŏp-jang mơ̆ng ƀon nŭn.
Yêsu ngă pơhuai mơnuih kơmlo
32Jr̂ŏng môt bôm ta dua r̂ăng biă đuĕ, nŭn hmâo mơnuih kơmlo ha r̂ăng yang set ngă, r̂ăng ba r̂ai ñu pơ Yêsu. 33Jr̂ŏng Yêsu pơpŏl đuĕ yang set, nŭn mơnuih kơmlo ñu thâo hiăp. Jr̂ŏng nŭn nă plơi lan hr̂ŭk-hr̂ăk tăm bŭt-tai, dăp laĭ: «Mơ̆ng čal Israel ta bĭ juăt ƀôh buă hla ne ôh.» 34Plai môt Pharasi r̂ă laĭ: «Ñu pơpŏl đuĕ yang set, yua mơ̆ng klơi kơtang Satan khua yang set đơč.»#An Mat 10:25; 12:24.
Dai lô, mơnuih yuă sĕt
(Mak 6:34; Lŭk 10:2)
35Nŭn Yêsu bat yô gr̂ư̆ ƀon gr̂ư̆ plơi, wŏt pơto tăm sang luôm gơñu, ñu r̂ă r̂oi klơi phr̂âo hiam mơ̆ng klơi Ơi Adai wai-lăng, dăp ngă pơhuai br̂ơi gr̂ư̆ klơi wă-nuă klơi kơnap-tap.#An Mat 4:23-24. 36Tơl Yêsu ƀôh mơnuih bơlô, nŭn ñu hmâo bŭt-tai pap-dr̂ap gơñu,#An Mat 14:14; 15:32. yua gơñu lơbui dăp kơpr̂ah-kơpr̂a hla ti triw bĭ hmâo mơnuih čiă.#An Yap 27:17; Êsê 34:5-6; Sak 10:2. 37Nŭn ñu pơhiăp hr̂ŏm môt hyĕn tui ñu, ñu laĭ: «Dai să lô jat, plai mơnuih yuă sĕt đơč. 38Jơ̆ nĭng nŭn, br̂ơi gô-ih dueh wŏ mơ̆ng Khua môt yuă, ñu mơ̆ng pơđơi môt ngă buă r̂ai yuă dai ñu.»
Currently Selected:
Mathiơ 9: JKB
Highlight
Copy
Compare
Share
Want to have your highlights saved across all your devices? Sign up or sign in
© 2024, Wycliffe Bible Translators, Inc.