Mathiơ 6
6
Klơi ček hnă br̂ơi mơnuih kơnap-tap
1«Lơwăng hŏ, gô-ih anăm ngă kơpă hiam ti năp mơnuih br̂ơi r̂ăng ƀôh đơč ôh,#An Mat 5:16; 6:5, 16; 23:5. jơ̆ ngă nĭng nŭn, gô-ih bĭ hmâo dr̂ăm bơni mơ̆ng Ơi Adai Ma gô-ih dŏ mơ̆ng adai dih ôh. 2Pha laĭ ih ček hnă br̂ơi mơnuih kơnap-tap, anăm hyŭp đing khen br̂ơi r̂ăng thâo ôh, hla ti mơnuih hiăp kăn amăng bah, gơñu ngă tăm sang luôm wŏt r̂ok glan čiăng r̂ăng i-bli gơñu. Kâo r̂ă br̂ơi gô-ih dơdi laĭ, gơñu tô̆ mă dr̂ăm bơni gơñu boih. 3Plai gah ih dŏng, tơl ih ček hnă, anăm br̂ơi ngan gah djao thâo kr̂ăn ngan gah nuă ih ngă ôh. 4Br̂ơi ih ček mơ̆ng klơi hơ-et, nŭn Ơi Adai Ma ih ti pha dr̂ăm bơni ih,#6:4 Pha dr̂ăm bơni ih nŭn, hla hr̂ă Mathiơ mơ̆ng đim a čih mơ̆ng ngan pơanah čih thim laĭ: «Pha dr̂ăm bơni ih ti năp r̂ăng.» Jlan 6:6, 18 hiăp ha luaĭ nŭn mơ̆n. yua ñu ƀôh tăm klơi hơ-et mơ̆n.»#An Kôl 3:23-24.
Yêsu pơto mơ̆ng klơi iâo-laĭ
(Lŭk 11:2-4)
5«Tơl gô-ih iâo-laĭ, anăm ngă hla ti mơnuih hiăp kăn amăng bah đơč ôh, gơñu hăt dŏ dŏng iâo-laĭ tăm sang luôm, dăp dŏ ti ačiăng glan, br̂ơi r̂ăng ƀôh đơč. Kâo r̂ă br̂ơi gô-ih dơdi laĭ, gơñu tô̆ mă dr̂ăm bơni gơñu yơh. 6Plai gah ih dŏng, tơl iâo-laĭ br̂ơi ih mŭt tăm nih kr̂ĭ lôi amăng, nŭn iâo-laĭ Ơi Adai Ma ih, dŏ mơ̆ng klơi hơ-et, nŭn Ơi Adai Ma ih ti pha dr̂ăm bơni ih, yua ñu ƀôh tăm klơi hơ-et mơ̆n. 7Pah gô-ih iâo-laĭ, anăm pơhiăp klơi bĭ hmâo kha đăp-đaĭ nŭn ôh, hla ti môt sô̆n-sat pơkŏn, yua gơñu khư̆t laĭ yang gơñu ti hmĭ jơ̆ gơñu pơhiăp lô-lĭn.#An 1Pơtao 18:26-29. 8Anăm ngă hla ti gơñu ôh, yua Ơi Adai Ma gô-ih thâo bih dr̂ăm gô-ih tŏng-kan, hlâo mơ̆ng gô-ih ka dueh mơ̆ng ñu he mơ̆n. 9Nĭng nŭn yơh, br̂ơi gô-ih iâo-laĭ hla ne:
Ơ Ma mơi dŏ mơ̆ng adai dih,#An Mal 2:10.
Br̂ơi bih-tih mơnuih pơ-i-bli ƀŏ ih lơgoh hiam.#An Êsai 29:23.
10Br̂ơi klơi ih wai-lăng lŏn kơnah tơl r̂ai.#An Mat 3:2.
Br̂ơi klơi ih čiăng#An Mat 26:39. jr̂ŏng lôi mơ̆ng lŏn kơnah ne
Hla ti pơ adai dih mơ̆n.#An Doh 103:20-21.
11Pha br̂ơi mơi ƀŏng huă găl kô̆m r̂ơi ne.#An Pơđĭk 30:8.
12Klaih lôi klơi glaĭ mơi ngă,
Hla ti mơi klaih lôi bih mơnuih ngă glaĭ hr̂ŏm mơi mơ̆n#6:12 Klaih lôi klơi glaĭ mơi ngă hla ti mơi klaih lôi bih mơnuih ngă glaĭ hr̂ŏm mơi mơ̆n nŭn Krĭk laĭ «Klaih lôi klơi mơi đom hla ti mơi klaih lôi bih mơnuih đom mơi mơ̆n.».#An Mat 18:21-35.
13Anăm ba nao mơi mŭt tăm klơi plui yang set ôh,#An Mat 4:1; 26:41; 1Kô 10:13; Yak 1:13.
Dŏng br̂ơi mơi klaih mơ̆ng ñu mơ̆n.#An Yôh 17:15; 2Thês 3:3.
[Yua klơi ih wai-lăng, dăp klơi kơtang myang ih, wŏt klơi gơdr̂ih-gơdr̂ŏng ih,
Dŏ nao-nao hayoh. Amen.]#6:13 Yua klơi ih wai-lăng hr̂ŏm klơi kơtang myang dăp klơi gơdr̂ih-gơdr̂ŏng ih dŏ nao-nao hayoh amen nŭn hla hr̂ă Mathiơ hađăp jat mơ̆ng đim a čih mơ̆ng ngan bĭ hmâo ôh nŭč jlan ne. Hla hr̂ă dơdơi iă pơanah hmâo, pơanah bĭ hmâo. An 1R̂oi 29:11-13 .
14Jơ̆ gô-ih klaih lôi klơi glaĭ mơnuih ngă glaĭ mơ̆ng gô-ih, nŭn Ơi Adai Ma gô-ih dŏ mơ̆ng adai dih ñu ti klaih lôi klơi glaĭ gô-ih mơ̆n.#An Mak 11:25-26; Lŭk 6:37; Êph 4:32; Kôl 3:13. 15Pha laĭ gô-ih bĭ klaih lôi klơi glaĭ r̂ăng ôh, nŭn Ơi Adai Ma gô-ih ñu bĭ klaih lôi klơi glaĭ gô-ih le.»#An Mat 18:35; Yak 2:13.
Klơi ĭ ƀŏng huă
16«Pah gô-ih ĭ ƀŏng huă, anăm ngă ƀŏ čŭk-ču hla ti mơnuih hiăp kăn amăng bah đơč ôh, yua gơñu ngă ƀŏ ñĭt-ñiw čiăng mơnuih thâo gơñu ĭ ƀŏng huă. Kâo r̂ă br̂ơi gô-ih dơdi laĭ, gơñu hmâo dr̂ăm bơni gơñu yơh. 17Gah ih dŏng, pah ih ĭ ƀŏng huă, br̂ơi ih pač ƀŏ dăp sôt kŏ ih ia ƀâo, 18r̂ăng huai thâo kr̂ăn ih ĭ ƀŏng huă. Br̂ơi ih ĭ ti năp Ơi Adai Ma ih đơč, ñu dŏ mơ̆ng klơi hơ-et, nŭn ñu ti pha br̂ơi dr̂ăm bơni ih, yua ñu ƀôh tăm klơi hơ-et mơ̆n.»
Klơi pơkom čr̂oh dr̂ăm-gơnăm
(Lŭk 12:33-34)
19«Anăm pơkom čr̂oh dr̂ăm-gơnăm gô-ih mơ̆ng lŏn kơnah ôh,#An Pơđĭk 23:4-5; Lŭk 12:16-21. ƀon hmâo mua r̂eh dăp br̂êng ƀŏng, wŏt hmâo mơnuih phă bơluh klĕ đuĕ. 20Br̂ơi pơkom čr̂oh dr̂ăm-gơnăm gô-ih pơ adai dih,#An Mat 19:21; 1Tim 6:17-19. ƀon bĭ hmâo mua r̂eh dăp bĭ hmâo br̂êng ƀŏng, wŏt bĭ hmâo mơnuih phă bơluh klĕ le. 21Yua dr̂ăm-gơnăm ih dŏ pơ pă, bŭt ih dŏ pơ anŭn mơ̆n.»
Săl ta hiam
(Lŭk 11:34-36)
22«Săl ta yơh phui đeng dr̂ơi-jĕn, nŭn yơh jơ̆ săl ta ih đaih hiam, bih dr̂ơi-jĕn ih đaih mơ̆n. 23Pha laĭ săl ta ih bĭ hiam, bih dr̂ơi-jĕn ih kơnăm-hyeng mơ̆n. Nĭng nŭn, jơ̆ klơi đaih tăm gô-ih bơdăm lôi, hiư̆m, klơi kơnăm-hyeng nŭn ti kơnăm dơ̆ pă dŏng?»
Bĭ thâo ngă hlŭn dua gah
(Lŭk 16:13; 12:22-31)
24«Bĭ hmâo mơnuih lơi thâo ngă hlŭn khua dua r̂ăng ôh, yua ñu ti hơ-ŏp ha r̂ăng, čiăng ha r̂ăng, wŏt ngă kơpă ha r̂ăng, bĭ wŏn-wai ha r̂ăng dŏng. Gô-ih bĭ thâo ngă hlŭn dua gah ôh, Ơi Adai he dr̂ăm-gơnăm he.#An Rôm 6:16.
25«Yua nĭng nŭn yơh, kâo r̂ă br̂ơi gô-ih, anăm hyŏk mơ̆ng klơi hơdĭp ôh, yĕt ti ƀŏng, yĕt ti ñŭm, dăp yĕt dr̂ơi-jĕn gô-ih ti buh mơ̆n.#An Mat 13:22; Phi 4:6. Hiư̆m, klơi hơdĭp bĭ gơnĭt hloh mơ̆ng hnă ƀŏng ah, wŏt dr̂ơi-jĕn bĭ gơnĭt hloh mơ̆ng hnă buh ah? 26Ƀlŏng lăng wŏ, čĭm pŏl mơ̆ng adai, ñu bĭ pla pơtĕm, bĭ yuă, wŏt bĭ pơƀô̆ čr̂oh tăm tông le, plai Ơi Adai Ma gô-ih dŏ mơ̆ng adai dih, ñu dŏ čem r̂ong ñu mơ̆n. Hiư̆m, gô-ih bĭ hmâo kha hloh mơ̆ng čĭm nŭn ôh?#An Mat 10:29-31. 27Tăm môt gô-ih, hiư̆m, hmâo mơ̆n mơnuih thâo thim klơi hơdĭp ñu pô ha mông dŏng, yua mơ̆ng klơi ñu hyŏk? 28Yua yĕt gô-ih dŏ hyŏk mơ̆ng hnă buh? Ep bơnga ne ƀlŏng wŏ, ñu čă đĭ tăm čol hiư̆m pă, ñu bĭ gleh ngă buă wŏt bĭ ñam le. 29Kâo r̂ă br̂ơi gô-ih, wŏt pơtao Salômôn pah ñu hmâo gr̂ư̆ klơi gơdr̂ih-gơdr̂ŏng,#An 1Pơtao 10:4-7. ñu pơhr̂ôp dr̂ơi-jĕn bĭ dơmô bơnga ha dong ne le. 30Ơ mơnuih hmâo klơi ngư̆ anĕt, jơ̆ laĭ Ơi Adai pơhr̂ôp br̂ơi mr̂ơ̆k bơnga tăm čol, ñu čă đĭ r̂ơi ne, r̂ơi gla r̂ăng glŏm lôi tăm phui pôi, hiư̆m, Ơi Adai ñu bĭ pơhr̂ôp br̂ơi gô-ih hloh mơ̆ng nŭn dŏng ôh? 31Jơ̆ nĭng nŭn, gô-ih anăm hyŏk laĭ, yĕt ta ti ƀŏng, yĕt ta ti ñŭm, dăp hnă yĕt ta ti buh lĕ? 32Bih dr̂ăm nŭn, môt sô̆n-sat pơkŏn khŏm sem, gah Ơi Adai Ma gô-ih dŏ mơ̆ng adai dih, ñu thâo kr̂ăn yơh dr̂ăm gô-ih tŏng-kan. 33Br̂ơi gô-ih sem wŏ klơi Ơi Adai wai-lăng, dăp klơi kơpă ñu hlâo ƀơĭ, nŭn ñu ti br̂ơi thim gô-ih bih dr̂ăm nŭn mơ̆n.#An Doh 37:4; Mat 19:29.
34«Nĭng nŭn yơh, anăm hyŏk mơ̆ng r̂ơi gla ôh, yua r̂ơi gla čr̂oh hyŏk r̂ơi gla. Klơi kơnap mơ̆ng r̂ơi pă, čr̂ăp găl ha r̂ơi nŭn yơh.»
Currently Selected:
Mathiơ 6: JKB
Highlight
Copy
Compare
Share
Want to have your highlights saved across all your devices? Sign up or sign in
© 2024, Wycliffe Bible Translators, Inc.
