Mathiơ 4

Khua yang set plui Yêsu

(Mak 1:12-13; Lŭk 4:1-13)

1Jr̂ŏng nŭn Yang Bơngăt Hiam ba Yêsu nao pơ čol dơdang, br̂ơi khua yang set plui ñu.#An Phŭn 3:1-7; Hêb 2:18; 4:15. 2Ñu ĭ ƀŏng huă pă pluh r̂ơi pă pluh mlăm,#An Biă 34:28; 1Pơtao 19:8. nŭn ñu lơpa. 3Nŭn khua yang set#4:3 Khua yang set ne Krĭk laĭ «Pô plui.» r̂ai plui Yêsu, ñu laĭ: «Jơ̆ ih nă Ơi Adai, pơđơi wŏ bohtâo ne br̂ơi jr̂ŏng nŭmpăng!» 4Yêsu til glaĭ: «Tăm hla pơhiăp Ơi Adai a čih čr̂oh hla ne:

“Mơnuih dĭp bĭ djơ̆ r̂ai mơ̆ng ha tô̆ nŭmpăng đơč ôh

Mơnuih dĭp yua mơ̆ng gr̂ư̆ klơi pơhiăp biă r̂ai mơ̆ng amăng bah Ơi Adai mơ̆n.”»#Klơi ne tô̆ mơ̆ng Juăt 8:3.

5Nŭn khua yang set ba nao ñu pơ plơi Yêrusalĕm plơi lơgoh hiam br̂ơi ñu dŏ ngŏ bŭng sang yang, nŭn khua yang set, ñu laĭ: 6«Jơ̆ ih nă Ơi Adai, gơdâo tr̂ŭn wŏ, yua tăm hla pơhiăp Ơi Adai a čih čr̂oh hla ne:

“Ơi Adai ti pơđơi môt ling-jang ñu dŏng ih”

Dăp laĭ:

“Ngan gơñu ti hăp mă ih

Huĭ le ih hnĕč djơ̆ bohtâo.”»#Klơi ne tô̆ mơ̆ng Doh 91:11-12.

7Nŭn Yêsu til glaĭ pơ ñu: «Ne dŏng tăm hla pơhiăp Ơi Adai a čih čr̂oh hla ne: “Ih anăm long-lăng Khua Yang Ơi Adai Yang ih ôh.”»#Klơi ne tô̆ mơ̆ng Juăt 6:16.

8Nŭn dŏng khua yang set ba đĭ ñu pơ kŏ čĭ glong jat, ñu pơƀôh br̂ơi Yêsu bih čal mơ̆ng lŏn kơnah ne, wŏt mơ̆ng klơi gơdr̂ih-gơdr̂ŏng čal nŭn mơ̆n. 9Nŭn khua yang set laĭ hr̂ŏm ñu: «Jơ̆ ih bon kơkuh kâo, kâo ti br̂ơi ih bih čal ne.» 10Nŭn Yêsu til glaĭ pơ ñu: «Satan, ŏng đuĕ wŏ! Yua tăm hla pơhiăp Ơi Adai a čih čr̂oh hla ne:

“Br̂ơi ih bon kơkuh wŏ Khua Yang Ơi Adai Yang ih

Dăp mă buă br̂ơi ha tô̆ ñu đơč.”»#Klơi ne tô̆ mơ̆ng Juăt 6:13.

11Nŭn khua yang set biă đuĕ mơ̆ng ñu,#An Yak 4:7. plŭt, hmâo môt ling-jang r̂ai pơ Yêsu ngă br̂ơi buă ñu.

Yêsu r̂ă r̂oi mơ̆ng Galilê

(Mak 1:14-15; Lŭk 4:14-15)

12Pah Yêsu hmĭ r̂ăng mă Yôhan čĕ khŭk,#An Mat 14:3. nŭn ñu glaĭ nao pơ Galilê. 13Nŭn dŏng ñu biă mơ̆ng plơi Nasaret, nao dŏ pơ plơi Kapơnơ̆m r̂ok hang ia gơnao, ƀon nŭn ƀon Săpyulôn dăp Nepthali. 14Nŭn yơh čiăng bơjr̂ŏng lôi klơi pơhiăp Êsai, pô ba pơhiăp Ơi Adai, ñu r̂ă čr̂oh hlâo laĭ:

15«Ƀon Săpyulôn dăp ƀon Nepthali

Dŏ r̂ok glan nao pơ ia gơnao

Hang gah dih ia Yuđăn

Mơ̆ng ƀon Galilê môt sô̆n-sat pơkŏn dŏ

16Nă plơi lan dŏ tăm klơi kơnăm mŏt

Gơñu ƀôh klơi đaih dač#An Êsai 42:7.

Môt dŏ tăm ƀon gơnôp klơi djai#An Doh 23:4.

Klơi đaih biă pơčr̂ang br̂ơi gơñu.»#Klơi ne tô̆ mơ̆ng Êsai 9:1-2.

17Tô̆ mơ̆ng anŭn Yêsu r̂ă r̂oi laĭ: «Br̂ơi gô-ih pơlih bŭt-tai wŏ, yua klơi Ơi Adai wai-lăng iă ti tơl boih.»#An Mat 3:2.

Yêsu iâo môt hyĕn tui ñu

(Mak 1:16-20; Lŭk 5:1-11)

18Pah Yêsu bat r̂ok hang ia gơnao Galilê, ñu ƀôh môt dua yŏng dơi, Simôn a iâo ha tô̆ dŏng Pêtrôih, dăp dơi ñu Ŏndrê, gơñu dŏ tr̂ah jal tăm ia gơnao, yua gơñu môt sem kan. 19Yêsu hiăp hr̂ŏm gơñu, ñu laĭ: «Đuĕ tui kâo wŏ, nŭn kâo ti br̂ơi gô-ih jr̂ŏng môt sem mơnuih dŏng.» 20Gơñu ki klaih lôi jal tăñ he boih, nŭn đuĕ tui Yêsu. 21Yêsu bat nao pơ năp, nŭn ñu ƀôh môt dua yŏng dơi dŏng, Yakô̆p nă Sêƀêđê dăp dơi ñu Yôhan, gơñu dŏ săk kr̂a jal tĕ tăm duk hr̂ŏm ma gơñu Sêƀêđê, nŭn Yêsu iâo gơñu. 22Gơñu klaih lôi duk dăp ma gơñu, ki đuĕ tui Yêsu tăñ he boih.

Yêsu pơto r̂ăng dăp ngă pơhuai klơi wă-nuă

(Lŭk 6:17-19)

23Nŭn Yêsu bat yô jŏp-jang tăm Galilê, wŏt pơto tăm sang luôm gơñu, ñu r̂ă r̂oi klơi phr̂âo hiam mơ̆ng klơi Ơi Adai wai-lăng, dăp ngă pơhuai br̂ơi gr̂ư̆ klơi wă-nuă klơi kơnap-tap nă plơi lan.#An Mat 9:35. 24Klơi r̂ă r̂oi mơ̆ng Yêsu hmĭ i-bli yô jŏp-jang tăm čal Siri, nŭn r̂ăng ba nao bih mơnuih wă-nuă phar̂a-phar̂a pơ ñu, mơnuih wă-nuă r̂ôi-ram, mơnuih yang set ngă, mơnuih hơwing, wŏt mơnuih lơwen-lơwo, nŭn Yêsu ngă pơhuai br̂ơi soh-sel. 25Hmâo mơnuih lô kĕt-keng đuĕ tui ñu, gơñu r̂ai mơ̆ng Galilê, Đêkapôl, plơi Yêrusalĕm, Yuđa, wŏt mơ̆ng hang gah dih ia Yuđăn he mơ̆n.

Currently Selected:

Mathiơ 4: JKB

Highlight

Copy

Compare