Mathiơ 28
28
Yêsu dĭp glaĭ
(Mak 16:1-10; Lŭk 24:1-12; Yôh 20:1-10)
1Dơdơi mơ̆ng r̂ơi Saƀat, sêng-ƀr̂êng mơ̆ng guah r̂ơi ti sa mơ̆ng ha wŏt juh,#28:1 Môt sô̆n-sat Yuđa yap r̂ơi pha mơ̆ng Jrai. R̂ơi ti sa mơ̆ng ha wŏt juh djơ̆ r̂ơi “អាទិត្យ.” Mari plơi Mađala dăp Mari mĭ Yakô̆p Yôsep,#An Mat 27:56. jak gŏp gơñu nao ep pơsat tâo. 2Pah anŭn, phŏ, lŏn kơnah pơpĭ tơtăl kơtang, yua ling-jang Khua Yang tr̂ŭn mơ̆ng adai dih, nao bơglŭng lôi bohtâo tăm bah amăng pơsat, jr̂ŏng nŭn dŏ ben mơ̆ng bohtâo nŭn. 3Dr̂ơi-jĕn ñu kơmlă hla ti čă-kla, hnă ñu buh čôh hla ti plel. 4Môt tơhan gak, gơñu huĭ ling-jang tơtĭ-djĭl, jr̂ŏng nŭn gơñu găng-go hla ti mơnuih djai. 5Plai ling-jang, ñu pơhiăp hr̂ŏm môt đahmơi nŭn, ñu laĭ: «Anăm huĭ ôh, kâo thâo kr̂ăn laĭ gô-ih r̂ai sem Yêsu r̂ăng pŏng lôi mơ̆ng kơyâo pơkăl nŭn. 6Ñu bĭ dŏ ha ane ôh, yua ñu dĭp glaĭ mơ̆ng djai boih, hla ti ñu pơhiăp čr̂oh hlâo.#An Mat 16:21; 17:23; 20:19. R̂ai ep wŏ ƀon ñu đih. 7Nêne, br̂ơi gô-ih nao pơ môt hyĕn tui ñu tăñ wŏ, r̂ă laĭ: “Ñu dĭp glaĭ mơ̆ng môt djai boih, nêne ñu nao pơ Galilê hlâo gô-ih, gô-ih ti ƀôh ñu pơ anŭn.”#An Mat 26:32. Ne yơh klơi kâo laĭ br̂ơi gô-ih.» 8Jr̂ŏng nŭn, môt đahmơi đuĕ tăñ mơ̆ng pơsat, gơñu huĭ he dăp hôk mơ-ak he mơ̆n, nŭn gơñu bat đuĕ nao r̂ă thâo br̂ơi môt hyĕn tui Yêsu. 9Pah gơñu dŏ bat đuĕ, phŏ, gơñu pŏ Yêsu, nŭn Yêsu pơhiăp laĭ: «Gô-ih ak-oi mơ̆n?» Môt đahmơi kluh nao kuăl le Yêsu dăp bon kơkuh ñu. 10Pah anŭn Yêsu pơhiăp hr̂ŏm gơñu: «Anăm huĭ ôh! Br̂ơi nao r̂ă thâo pơ yŏng dơi kâo,#28:10 Yêsu yap môt hyĕn tui ñu hla ti «yŏng dơi»ñu pô. An Mat 12:49-50. br̂ơi gơñu nao pơ Galilê, pơ anŭn gơñu ti ƀôh kâo.»
Klơi môt tơhan r̂ă pơthâo
11Pah môt đahmơi dŏ bat nao, môt tơhan gak#An Mat 27:65-66. pơanah mŭt nao tăm plơi Yêrusalĕm, r̂ă thâo br̂ơi môt tha ngă yang bih dơm buă gơñu ƀôh. 12Tơl môt tha ngă yang pơtŭm hr̂ŏm môt kŏng-tha dăp bơgĭt gŏp gơñu jr̂ŏng boih, nŭn gơñu mă len pr̂ăk halô br̂ơi môt tơhan, 13dăp laĭ: «Br̂ơi gô-ih pơhiăp hla ne ho: “Pah mơi dŏ pĕt, nŭn môt hyĕn tui Yêsu, gơñu r̂ai klĕ tô̆ tâo mŏt mlăm.”#An Mat 27:64. 14Jơ̆ laĭ klơi ne hmĭ nao pơ khua tr̂ing, čr̂oh br̂ơi mơi nao lôm-lua ñu, gô-ih huai đom kơđi ôh.» 15Nĭng nŭn yơh, gơñu tô̆ len pr̂ăk nŭn, dăp ngă tui klơi a pơtă. Klơi gơñu r̂ă r̂oi ƀlơl nŭn hmĭ i yô jŏp-jang tăm sô̆n-sat Yuđa khă tơl r̂ĭm r̂ơi ne.
Yêsu mop br̂ơi buă ngă môt hyĕn tui ñu
(Mak 16:14-18; Lŭk 24:36-49; Yôh 20:19-23; Buă 1:6-8)
16Plai môt hyĕn tui Yêsu pluh sa r̂ăng, jak gŏp gơñu nao pơ Galilê, đĭ nao pơ kŏ čĭ Yêsu pơđơi gơñu nao.#An Mat 28:10. 17Tơl gơñu ƀôh Yêsu, gơñu bon kơkuh ñu, plai pơanah dŏng, bĭ gan ngư̆. 18Jr̂ŏng nŭn Yêsu nao pơ gơñu, ñu pơhiăp laĭ: «Gr̂ư̆ klơi kơtang myang mơ̆ng adai wŏt mơ̆ng lŏn kơnah, Ơi Adai mop sĭt br̂ơi kâo soh-sel boih.#An Đan 7:13-14; Êph 1:20-22; Phi 2:9-10. 19Nĭng nŭn yơh, br̂ơi gô-ih nao r̂ă r̂oi wŏ mơnuih gr̂ư̆ sô̆n-sat, br̂ơi gơñu jr̂ŏng môt hyĕn tui kâo,#An Êsai 49:6; Buă 1:8. wŏt ñŭk ƀatem br̂ơi gơñu mŭt gah yô̆ ƀŏ Ma, dăp Nă, wŏt Yang Bơngăt Hiam,#28:19 Klơi ta ñŭk ƀatem br̂ơi r̂ăng mŭt gah yô̆ ƀŏ Ma dăp Nă wŏt Yang Bơngăt Hiam, čiăng laĭ mơnuih tô̆ klơi ñŭk ƀatem nŭn, ñu mŭt tăm khŭl-khap Ơi Adai, yua ñu tô̆ ƀŏ Ơi Adai, pơyap hla ti nă tô̆ phung tui mĭ ñu. An Buă 2:38; Rôm 6:3-4 . 20dăp pơto br̂ơi gơñu ngă tui gr̂ư̆ klơi kâo pơtă br̂ơi gô-ih.#An Buă 2:42. Anăm wĕč ho, kâo dŏ hr̂ŏm gô-ih r̂ĭm r̂ơi khă tơl pơ r̂ơi nôk nŭč dơdơi.»#An Juăt 31:6; Mat 1:23; 18:20; Buă 18:9-10. Amen.
Currently Selected:
Mathiơ 28: JKB
Highlight
Copy
Compare
Share
Want to have your highlights saved across all your devices? Sign up or sign in
© 2024, Wycliffe Bible Translators, Inc.