Mathiơ 22
22
Klơi pơyap mơ̆ng klơi bơdŏ kơi bơnai
(Lŭk 14:15-24)
1Nŭn Yêsu pơhiăp hr̂ŏm gơñu mơ̆ng klơi pơyap ha wŏt dŏng, ñu laĭ: 2«Klơi Ơi Adai wai-lăng pơyap hla ti pơtao ha r̂ăng pơkr̂a br̂ơi klơi ƀŏng huă nă đahkơi ñu dŏ bơnai.#An Pơƀôh 19:7. 3Ñu pơđơi môt hlŭn nao iâo môt tuai ñu r̂ă lôi hlâo mơ̆ng klơi ƀŏng huă bơdŏ kơi bơnai nŭn, plai môt nŭn git r̂ai ôh. 4Nŭn ñu pơđơi nao môt hlŭn pơkŏn dŏng, ñu laĭ: “R̂ă br̂ơi wŏ môt tuai kâo iâo ahlâo nŭn: ‘Nêne kâo pơkr̂a čr̂oh klơi ƀŏng huă jr̂ŏng lơdjĕt boih, kâo koh mo kơno-kơno wŏt nă mo plên-plên, dăp nŏ yĕt-yĕt jr̂ŏng lơdjĕt mơ̆n. R̂ai ƀŏng huă klơi bơdŏ kơi bơnai ne wŏ.’” 5Plai môt tuai bĭ wŏn-wai djơ̆ ôh, gơñu biă đuĕ nao pơkŏn-pơkŏn, ha r̂ăng nao pơ hua, ha r̂ăng dŏng yô ƀuo bơdr̂o, 6mơnuih pơkŏn dŏng, mă môt hlŭn nŭn, hiăp bơjăm bơjuă gơñu dăp teh pơdjai lôi he mơ̆n. 7Nŭn ơi pơtao ñu hêl, ñu pơđơi môt tơhan nao pơdjai lôi môt pơdjai mơnuih nŭn, wŏt čuh lôi plơi gơñu mơ̆n. 8Jr̂ŏng nŭn ñu r̂ă br̂ơi môt hlŭn ñu: “Klơi ƀŏng huă bơdŏ kơi bơnai, kâo pơkr̂a jr̂ŏng boih, plai môt tuai kâo iâo ahlâo, gơñu bĭ găl r̂ai ôh.#An Buă 13:46. 9Nĭng nŭn yơh, nao wŏ pơ glan pr̂ŏng, jr̂ŏng nŭn jak iâo bih mơnuih gô-ih ƀôh, br̂ơi r̂ai ƀŏng huă klơi bơdŏ kơi bơnai ne.” 10Môt hlŭn nŭn nao pơ glan, iâo r̂ai bih dơm mơnuih gơñu ƀôh, dăp mơnuih set dăp mơnuih hiam.#An Mat 13:47-48. Nŭn môt tuai r̂ai ƀŏng huă klơi bơdŏ kơi bơnai nŭn bŏ dăp.
11«Tơl ơi pơtao mŭt ep môt tuai ƀŏng huă, ñu ƀôh đahkơi ha r̂ăng buh ao bĭ djơ̆ tui klơi bơdŏ kơi bơnai.#An Pơƀôh 19:8. 12Ñu r̂ă pô nŭn laĭ: “Ơ jiăng! Yua yĕt ih mŭt r̂ai pơ ane, bĭ buh ao klơi bơdŏ kơi bơnai lĕ?” Đahkơi nŭn bĭ ƀôh nŏ yĕt ñu ti hiăp glaĭ ôh. 13Pah anŭn ơi pơtao pơđơi môt ngă buă ñu, ñu laĭ: “Mă čă lôi le ngan ñu wŏ, jr̂ŏng nŭn ba nao glŏm lôi ñu gah wang tăm ƀon kơnăm-hyeng, pơ anŭn ti hmâo klơi čŏk hia dăp kĕ gơi.”#An Mat 8:12; 25:30. 14Yua Ơi Adai iâo mơnuih lô, plai ñu r̂ih tô̆ sĕt đơč.»
Klơi ƀŏng len br̂ơi pơtao Sêsa
(Mak 12:13-17; Lŭk 20:20-26)
15Jr̂ŏng nŭn môt Pharasi biă nao bơgĭt gŏp gơñu, čiăng sem klơi Yêsu hiăp bĭ djơ̆. 16Hla nŭn gơñu pơđơi môt hyĕn tui gơñu hr̂ŏm môt tui pơtao Hêrôt nao pơ Yêsu, br̂ơi gơñu kơña laĭ: «Ơ gru! Mơi thâo kr̂ăn ih mơnuih kơpă, dăp pơto kơpă sĭt mơ̆ng glan Ơi Adai, ih bĭ wŏn-wai mơ̆ng lơi ôh, yua ih bĭ čiăng ŏp-on mơnuih pă ôh. 17Hla nŭn r̂ă br̂ơi mơi he wŏ, ih khư̆t hiư̆m pă? Klơi juăt Môsê br̂ơi mơ̆n, ta ƀŏng puŏn br̂ơi ơi pơtao Sêsa?» 18Plai Yêsu thâo klơi gơñu khư̆t set, nŭn ñu pơhiăp laĭ: «Ơ mơnuih hiăp kăn amăng bah đơč, yua yĕt gô-ih long kâo hla ne lĕ? 19Mă pơƀôh br̂ơi lăng kâo kăk puŏn nŭn wŏ!» Gơñu ba r̂ai len Đênari ha kăk br̂ơi Yêsu. 20Yêsu kơña gơñu: «Hiư̆m, kăk ne hup lơi, dăp a čih ƀŏ lơi?» 21Gơñu til glaĭ: «Pơtao Sêsa.» Nŭn Yêsu pơhiăp hr̂ŏm gơñu: «Jơ̆ hla nŭn, dr̂ăm Sêsa br̂ơi glaĭ Sêsa wŏ,#An Rôm 13:7. dr̂ăm Ơi Adai br̂ơi glaĭ Ơi Adai.» 22Tơl gơñu hmĭ nĭng nŭn, gơñu hr̂ŭk-hr̂ăk tăm bŭt, jr̂ŏng nŭn gơñu biă đuĕ mơ̆ng Yêsu.
Môt Sađusi kơña Yêsu mơ̆ng klơi hơdĭp glaĭ
(Mak 12:18-27; Lŭk 20:27-40)
23Mơ̆ng r̂ơi nŭn mơ̆n, hmâo môt Sađusi mŭt r̂ai pơ Yêsu. Môt Sađusi nŭn bĭ ngư̆ laĭ hmâo klơi hơdĭp glaĭ ôh. Gơñu kơña Yêsu: 24«Ơ gru! Ơi Môsê r̂ă laĭ: “Jơ̆ đahkơi pă djai lôi, ñu bĭ hmâo nă ôh, nŭn br̂ơi dơi ñu dŏ bơnai yŏng ñu, čiăng bơjr̂ŏng djuoi bơjeh br̂ơi yŏng ñu.”#Klơi ne tô̆ mơ̆ng Juăt 25:5-6. 25Nêne mơ̆ng môt mơi hmâo yŏng dơi juh r̂ăng. Yŏng phŭn, ñu dŏ bơnai, jr̂ŏng nŭn djai lôi, ñu bĭ hmâo nă ôh. Bơnai ñu bơdem br̂ơi dơi ñu dŏ. 26Dơi ti dua, dơi ti klâo, tơl pơ dơi ti juh, hla nŭn mơ̆n. 27Tơl nŭč ñu, đahmơi nŭn djai mơ̆n. 28Jơ̆ nĭng nŭn, tơl r̂ơi dĭp glaĭ, tăm môt yŏng dơi juh r̂ăng nŭn, hiư̆m, đahmơi nŭn ti djơ̆ bơnai lơi? Yua bih gơñu dŏ đahmơi nŭn soh-sel.»
29Yêsu til glaĭ pơ gơñu: «Gô-ih khư̆t glaĭ yơh, yua gô-ih bĭ hông hla pơhiăp Ơi Adai, dăp bĭ hông klơi kơtang myang ñu le. 30Yua mơ̆ng r̂ơi dĭp glaĭ, r̂ăng bĭ dŏ kơi bơnai dŏng tah, gơñu hla ti ling-jang dŏ mơ̆ng adai dih. 31Gah klơi hơdĭp glaĭ mơ̆ng djai, hiư̆m, gô-ih bĭ čăm ôh? Klơi gô-ih juăt an klơi pơhiăp Ơi Adai, ñu laĭ: 32“Kâo Ơi Adai Yang Abrahăm, Yang Isă, dăp Yang Yakô̆p.”#Klơi ne tô̆ mơ̆ng Biă 3:6. Ơi Adai bĭ djơ̆ Yang mơnuih djai ôh, ñu Yang mơnuih dĭp.» 33Tơl nă plơi lan hmĭ hla nŭn, bŭt gơñu hr̂ŭk-hr̂ăk mơ̆ng klơi Yêsu pơto.
Klơi pơtă pă gơnĭt hloh?
(Mak 12:28-34; Lŭk 10:25-28)
34Plai môt Pharasi, tơl gơñu hmĭ laĭ, Yêsu ngă br̂ơi môt Sađusi uăt thĕl leh, nŭn gơñu r̂ai pơtŭm gŏp gơñu. 35Tăm môt gơñu hmâo mơnuih ha r̂ăng lơgơi gah klơi juăt Môsê, ñu kơña long-lăng Yêsu: 36«Ơ gru! Tăm klơi juăt Môsê, hiư̆m, klơi pơtă pă gơnĭt hloh?» 37Yêsu til glaĭ: «“Ih khăp wŏ Khua Yang Ơi Adai yang ih, br̂ơi bih bŭt-tai, bih bơngăt, dăp bih klơi ih khư̆t.”#Klơi ne tô̆ mơ̆ng Juăt 6:5. 38Ne yơh klơi pơtă ti sa, ñu gơnĭt hloh mơ̆ng bih klơi pơtă pơkŏn dŏng. 39Klơi pơtă ti dua gơnĭt hla ti nŭn mơ̆n: “Ih khăp wŏ mơnuih dŏ jŭm dăl ih,#22:39 Yêsu pơto laĭ mơnuih dŏ jŭm dăl bĭ djơ̆ ha tô̆ khŭl-khap ta pô đơč ôh, ñu pơto laĭ bih mơnuih kơnap-tap ta pŏ, mơnuih nŭn yơh ta găl ti pap ñu. An Lŭk 10:29-37. kal ih khăp ih pô.”#Klơi ne tô̆ mơ̆ng Lêwi 19:18. 40Gr̂ư̆ hla hr̂ă klơi juăt Môsê, dăp hla hr̂ă môt ba pơhiăp Ơi Adai, sô̆t biă r̂ai mơ̆ng klơi pơtă dua tô̆ ne soh-sel.»#An Mat 7:12; Rôm 13:8-10.
Yêsu kơña laĭ «Yang Krih nă čo lơi?»
(Mak 12:35-37; Lŭk 20:41-44)
41Pah môt Pharasi dŏ pơtŭm gŏp gơñu, Yêsu kơña gơñu: 42«Gô-ih khư̆t hiư̆m pă mơ̆ng Yang Krih? Ñu nă čo lơi?» Gơñu til glaĭ: «Ñu nă čo pơtao Đawit.» 43Yêsu kơña gơñu dŏng: «Jơ̆ hla nŭn, yua yĕt Đawit iâo Yang Krih “Khua,” pah Yang Bơngăt Hiam dŏ mơ̆ng ñu? Ñu pơhiăp hla ne:
44“Khua Yang Ơi Adai pơhiăp hr̂ŏm Khua kâo, ñu laĭ,
‘Br̂ơi ih dŏ ben gah nuă kâo,
Khă tơl kâo čr̂oh môt ayăt ih dŏ gah yô̆ plă le ih.’”#Klơi ne tô̆ mơ̆ng Doh 110:1.
45«Nĭng nŭn, jơ̆ Đawit iâo Yang Krih “Khua,” yua yĕt r̂ăng iâo ñu nă čo Đawit dŏng lĕ?» 46Ha bah bĭ hmâo lơi thâo til glaĭ pơ ñu ôh. Tô̆ mơ̆ng r̂ơi nŭn, bĭ hmâo lơi khĭn kơña ñu dŏng tah.
Currently Selected:
Mathiơ 22: JKB
Highlight
Copy
Compare
Share
Want to have your highlights saved across all your devices? Sign up or sign in
© 2024, Wycliffe Bible Translators, Inc.