Yônah 3
3
Plơi lan Niniwê pơlih bŭt mơ̆ng klơi set
1Klơi pơhiăp Yêhôwa hmĭ nao pơ Yônah ha wŏt dŏng: 2«Gŭ đĭ wŏ, br̂ơi ih nao pơ Niniwê plơi pr̂ŏng nŭn, r̂ă br̂ơi gơñu klơi pơhiăp kâo r̂ă thâo ih.» 3Nŭn Yônah, ñu gŭ đĭ, nao pơ plơi Niniwê tui pơhiăp Yêhôwa. Plơi Niniwê nŭn pr̂ŏng jat, jơ̆ a bat bih klâo r̂ơi ñu mơ̆ng jŏp. 4Yônah bat pah ha r̂ơi đơč, nŭn ñu r̂ă thâo laĭ: «Dŏ pă pluh r̂ơi dŏng Ơi Adai ti ngă bơr̂ăm lôi plơi Niniwê yơh.» 5Nŭn nă plơi lan Niniwê ngư̆ Ơi Adai, gơñu r̂ă thâo tơgr̂ư̆ mơnuih br̂ơi ĭ ƀŏng huă dăp buh jiă kơpâo,#3:5 Gơñu buh jiă kơpâo čiăng pơƀôh mơ̆ng klơi gơñu pơlih bŭt-tai mơ̆ng buă set gơñu ngă. tô̆ mơ̆ng mơnuih pr̂ŏng tr̂uh pơ mơnuih anĕt.#An Mat 12:41.
6Klơi nŭn hmĭ tơl nao pơ pơtao plơi Niniwê, jr̂ŏng nŭn ñu gŭ đĭ mơ̆ng gr̂e ñu dŏ ben, dăp toh lôi ao gơdr̂ih-gơdr̂ŏng ñu buh, jr̂ŏng nŭn mai jiă kơpâo, nao dŏ ben tăm pul. 7Nŭn pơtao pơđơi r̂ăng r̂ă thâo tăm plơi Niniwê hla ne:
«Hmĭ wŏ, klơi pơhiăp pơtao dăp môt khua pr̂ŏng, gơñu pơđơi hla ne:
gô-ih anăm ƀŏng yĕt-yĕt ôh, dăp mơnuih dăp čĭm, phung mo, phung triw, phung be, bĭ br̂ơi čem bĭ br̂ơi bơñŭm le. 8Dăp mơnuih dăp čĭm, br̂ơi mai jiă kơpâo, iâo đĭ Ơi Adai kr̂aih-kr̂aih. Br̂ơi bih mơnuih weh lôi mơ̆ng glan set gơñu, wŏt buă khui ƀiah ngan gơñu juăt ngă mơ̆n. 9Ai-ñu, Ơi Adai ti pơlih bŭt-tai wih lôi mơ̆ng klơi ñu hêl, huai ngă bơr̂ăm ta, mơ̆n thâo.»
10Mơ̆ng anŭn Ơi Adai ƀôh dơm buă gơñu ngă, gơñu weh lôi mơ̆ng glan set gơñu, nŭn Ơi Adai pơlih bŭt-tai mơ̆ng klơi ñu laĭ ti ngă bơr̂ăm lôi gơñu, nŭn ñu bĭ ngă dŏng tah.#An Biă 32:14; Yêr 18:7-8.
Currently Selected:
Yônah 3: JKB
Highlight
Copy
Compare
Share
Want to have your highlights saved across all your devices? Sign up or sign in
© 2024, Wycliffe Bible Translators, Inc.
