Yônah 1
1
Yêhôwa iâo Yônah, Yônah đuĕ dŏp
1Klơi pơhiăp Ơi Adai Yêhôwa hmĭ nao pơ Yônah nă Amithai:#An 2Pơtao 14:25. 2«Gŭ đĭ wŏ, br̂ơi ih nao pơ plơi Niniwê, plơi pr̂ŏng nŭn. Yua klơi set gơñu ngă, tơl đĭ pơ ƀŏ pơta kâo boih, nŭn yơh br̂ơi ih nao r̂ă bơgăn lôi klơi set gơñu ngă.» 3Nŭn Yônah, ñu gŭ đĭ, dai đuĕ nao pơ plơi Tasih, čiăng đuĕ dŏp mơ̆ng ƀŏ pơta Yêhôwa.#An Doh 139:7. Nŭn yơh, ñu tr̂ŭn nao pơ plơi Yô̆ppê, jr̂ŏng nŭn ñu ƀôh kŏmpăn ti biă nao pơ plơi Tasih hang gah dih ia sĭ. Nŭn ñu br̂ơi len pô kŏmpăn, jr̂ŏng nŭn ñu tr̂ŭn nao đĭ kŏmpăn, nao pơ plơi Tasih hr̂ŏm r̂ăng, čiăng đuĕ dŏp mơ̆ng ƀŏ pơta Yêhôwa.
4Nŭn Yêhôwa plĕ tr̂ŭn angĭn pr̂ŏng kơtang tăm ia sĭ, angĭn lơbŭ kơtang nŭn klă nao r̂ai, ngă br̂ơi kŏmpăn hao ti pơčah. 5Môt ploh kŏmpăn, gơñu huĭ, tơgr̂ư̆ gơñu iâo-laĭ yang gơñu pô. Nŭn môt ploh kŏmpăn, gơñu mă hnă mơ̆ng kŏmpăn, glŏm lôi tăm ia sĭ čiăng djôl kŏmpăn. Pah anŭn Yônah, ñu dŏ pĕt hơ-et tăl gah yô̆ tăm kŏmpăn. 6Nŭn pô khua kŏmpăn tr̂ŭn nao kơña Yônah: «Yĕt ih dŏ pĕt? Gŭ đĭ wŏ, iâo-laĭ yang ih pô, ai-ñu, ñu ti khư̆t br̂ơi ta mơ̆n thâo, ta huai djai.»
7Môt ploh kŏmpăn pơhiăp nao r̂ai gŏp gơñu: «Br̂ơi ta mă snôt, čiăng thâo kr̂ăn lơi pô ba r̂ai klơi set tăm môt ta ne.» Nŭn gơñu mă snôt, klăp djơ̆ Yônah.#An Pơđĭk 16:33. 8Jr̂ŏng nŭn gơñu kơña Yônah: «Laĭ br̂ơi mơi wŏ, lơi ba r̂ai klơi set ne pơ ta? Ih sem ƀŏng nŏ yĕt? Ih r̂ai mơ̆ng pă? Plơi pă ih dŏ? Ih sô̆n-sat yĕt?» 9Yônah laĭ thâo: «Kâo sô̆n-sat Hêbrơ, kâo huĭ pơpô̆ Yêhôwa Yang dŏ mơ̆ng adai dih, ñu nŭn yơh pô bơjr̂ŏng ia sĭ dăp kơnah čĭ he mơ̆n.» 10Yônah r̂ă thâo br̂ơi gơñu, ñu đuĕ dŏp mơ̆ng ƀŏ pơta Yêhôwa. Nŭn gơñu huĭ tơtĭ-djĭl, gơñu kơña: «Yĕt ih ngă nĭng nŭn?» 11Nŭn gơñu kơña: «Mơi ti ngă hiư̆m pă mơ̆ng ih, ia sĭ mơ̆ng dŏ đŏng ngit?» Yua ia sĭ pơpĭ jai kơtang tui kơtang tui dŏng.
12Yônah r̂ă laĭ: «Pô̆ glŏm lôi kâo tăm ia sĭ wŏ, nŭn ia sĭ ti dŏ đŏng ngit yơh, yua kâo thâo kr̂ăn laĭ angĭn lơbŭ kơtang ne r̂ai mơ̆ng kâo yơh.» 13Nŭn gơñu khŏm ploh kŏmpăn čiăng wŏt glaĭ pơ hang, bĭ anăm dŏng tah, yua ia sĭ pơpĭ jai kơtang tui kơtang tui dŏng. 14Nŭn gơñu iâo đĭ Yêhôwa, gơñu laĭ: «Ơ Yêhôwa, mơi dueh mơ̆ng ih anăm br̂ơi mơi djai yua mơ̆ng Yônah ne ôh. Jơ̆ mơnuih ne hiam kơpă, ih anăm al klang nua pơ mơi yua mơ̆ng ñu ôh.#1:14 Ih anăm al klang nua pơ mơi yua mơ̆ng ñu ôh Hêbrơ laĭ «Anăm br̂ơi dr̂ah ñu lĕ r̂ai pơ mơi ôh.» Ơ Yêhôwa, buă yĕt ih ti ngă, ih ngă he yơh.»#An Đan 4:35. 15Nŭn gơñu pô̆ glŏm lôi Yônah tăm ia sĭ, jr̂ŏng nŭn ia sĭ dŏ đŏng ngit yơh. 16Nŭn bih môt gơñu huĭ Yêhôwa kơtang jat, jr̂ŏng nŭn gơñu ngă yang Yêhôwa, dăp gơñu uăn hr̂ŏm ñu he mơ̆n.
Currently Selected:
Yônah 1: JKB
Highlight
Copy
Compare
Share
Want to have your highlights saved across all your devices? Sign up or sign in
© 2024, Wycliffe Bible Translators, Inc.
