Biă 9
9
Klơi pơkơnap ti ma: Čĭm djai klin
1Jr̂ŏng nŭn, Yêhôwa pơhiăp hr̂ŏm Môsê: «Nao pơ Pharon wŏ, jr̂ŏng nŭn, r̂ă br̂ơi ñu:
“Ne yơh klơi pơhiăp Yêhôwa Yang môt sô̆n-sat Hêbrơ, ñu laĭ:
‘Br̂ơi nă plơi lan kâo biă nao, čiăng gơñu ngă buă kâo.’ 2Jơ̆ laĭ ih dŏ nŏng pơkŏng lôi gơñu, bĭ phom br̂ơi gơñu biă nao ôh, 3nŭn ngan Yêhôwa ti ba r̂ai klơi djai klin kơtang mơ̆ng tơgr̂ư̆ phung čĭm gô-ih dŏ pơ čol, hla ti seh, lie, ôt, phung mo, phung triw dăp be he mơ̆n. 4Plai Yêhôwa ti ngă br̂ơi phung čĭm môt sô̆n-sat Israel phar̂a mơ̆ng phung čĭm môt sô̆n-sat Êjĭp,#An Biă 8:23. nĭng nŭn yơh, phung čĭm nă čo Israel mă ha dr̂ơi bĭ djai le.”»
5Jr̂ŏng nŭn Yêhôwa pơkă r̂ơi, ñu laĭ: «R̂ơi gla yơh, Yêhôwa ti ngă buă ne tăm čal Êjĭp.» 6Tơl r̂ơi nŭn, Yêhôwa ngă nĭng nŭn dơdi, dơm phung čĭm môt sô̆n-sat Êjĭp djai bih blao, plai phung čĭm nă čo Israel, wŏt ha dr̂ơi bĭ djai le. 7Pharon pơđơi r̂ăng nao ep lăng, nŭn r̂ăng ƀôh laĭ phung čĭm môt sô̆n-sat Israel, mă ha dr̂ơi bĭ djai le, plai Pharon dŏ nŏng găng bŭt, bĭ phom br̂ơi nă plơi lan biă nao ôh.
Klơi pơkơnap ti năm: Djơ̆ teng
8Jr̂ŏng nŭn Yêhôwa pơhiăp hr̂ŏm Môsê dua ñu Ơrô̆n, ñu laĭ: «Br̂ơi gô-ih kuĕ ba pul dua klâo kong mơ̆ng ƀon r̂ăng čuh ĕt, jr̂ŏng nŭn br̂ơi Môsê jai đĭ pul ngŏ adai ti năp Pharon. 9Pul nŭn ti jr̂ŏng hơbâo bŏ mơ̆ng čal Êjĭp, ngă br̂ơi mơnuih dăp čĭm djơ̆ teng r̂uih hê-pê, jŏp-jang mơ̆ng čal Êjĭp.» 10Nŭn yơh, gơñu tô̆ pul mơ̆ng ƀon r̂ăng čuh ĕt, nao dŏ dŏng ti năp Pharon, tơl Môsê jai đĭ pul ngŏ adai, pul nŭn ngă br̂ơi mơnuih dăp čĭm djơ̆ teng r̂uih hê-pê. 11Môt bơjâo bĭ thâo dŏ dŏng ti năp Môsê ôh,#An Biă 8:18. yua gơñu djơ̆ teng, dăp bih-tih môt sô̆n-sat Êjĭp djơ̆ teng mơ̆n. 12Plai dŏng Yêhôwa ngă br̂ơi Pharon găng bŭt, nŭn ñu bĭ hmĭ tui môt gơñu ôh, hla ti Yêhôwa pơhiăp lôi hlâo hr̂ŏm Môsê.#An Biă 4:21.
Klơi pơkơnap ti juh: Gr̂ŏm kơtal dăp plel
13Jr̂ŏng nŭn, Yêhôwa pơhiăp hr̂ŏm Môsê: «Sêng-ƀr̂êng mơ̆ng guah, br̂ơi ih gŭ nao dŏ dŏng ti năp Pharon, jr̂ŏng nŭn pơhiăp laĭ:
“Ne yơh klơi pơhiăp Yêhôwa Yang môt sô̆n-sat Hêbrơ, ñu laĭ:
‘Br̂ơi nă plơi lan kâo biă nao wŏ, čiăng gơñu ngă buă kâo. 14Jơ̆ ih bĭ phom, nêne dŏng kâo ti br̂ơi bih klơi pơkơnap pơ ih,#9:14 Pơ ih Hêbrơ laĭ «Pơ bŭt-tai ih.» pơ môt khua ngă buă ih, dăp nă plơi lan ih, čiăng ih thâo kr̂ăn laĭ, mơ̆ng lŏn kơnah ne, bĭ hmâo lơi hla ti kâo ôh. 15Jơ̆ laĭ kâo yŏl đĭ ngan teh ih dăp nă plơi lan ih mơ̆ng klơi djai klin, nŭn gô-ih ti ñă lôi mơ̆ng lŏn kơnah dơdi yơh. 16Plai kâo čr̂oh br̂ơi ih dŏ dĭp, čiăng ih ƀôh klơi kơtang myang kâo, dăp čiăng ƀŏ kâo hmĭ i-bli yô jŏp-jang mơ̆ng lŏn kơnah.#An Rôm 9:15-18. 17Plai dŏng, ih dŏ nŏng bơgăn lôi nă plơi lan kâo, bĭ phom br̂ơi gơñu biă nao ôh. 18Yua nĭng nŭn yơh, r̂ơi gla mông kal ne, kâo ti ngă br̂ơi plel lĕ tr̂ŭn kơtang-kơtĭt jat, bĭ juăt hmâo plel hla ne ôh, tô̆ mơ̆ng r̂ơi a bơjr̂ŏng čal Êjĭp khă tơl kal ne. 19Nêne, br̂ơi ih pơđơi r̂ăng ba glaĭ pơtŭm phung čĭm, dăp nŏ yĕt-yĕt gô-ih hmâo mơ̆ng čol, ba glaĭ pơ ƀon hơ-ĭn wŏ, yua bih mơnuih dăp čĭm dŏ pơ čol, jơ̆ laĭ r̂ăng bĭ ba glaĭ pơtŭm pơ sang ôh, nŭn plel ti lĕ tr̂ŭn djơ̆ djai bih blao.’”»
20Pah anŭn hmâo môt khua ngă buă Pharon pơanah huĭ pơpô̆ klơi pơhiăp Yêhôwa, nŭn gơñu pơđơi môt hlŭn gơñu đuĕ glaĭ dŏp pơ sang dăp phung čĭm gơñu he mơ̆n, 21gah môt bĭ wŏn-wai mơ̆ng klơi pơhiăp Yêhôwa, gơñu klaih lôi môt hlŭn, dăp phung čĭm gơñu pơ čol.
22Yêhôwa pơhiăp hr̂ŏm Môsê: «Yŏl đĭ ngan ih pơ adai wŏ, čiăng hmâo plel lĕ tr̂ŭn bŏ tăm čal Êjĭp, čiăng djơ̆ mơnuih djơ̆ čĭm, dăp bih djăm mr̂ơ̆k djăm mr̂ôñ mơ̆ng čol tăm čal Êjĭp.» 23Nŭn yơh, Môsê yŏl đĭ gai jr̂a ñu pơ adai, jr̂ŏng nŭn Yêhôwa ba r̂ai gr̂ŏm dăp plel, wŏt tal klă#9:23 Tal klă Hêbrơ laĭ «Phui lĕ tr̂ŭn pơ lŏn kơnah.» he mơ̆n, nĭng nŭn yơh Yêhôwa plĕ tr̂ŭn plel tăm čal Êjĭp. 24Plel lĕ kơtang jat, dăp tal klă lŭk-lom hr̂ŏm gŏp ñu.#9:24 Tal klă lŭk-lom hr̂ŏm gŏp ñu Hêbrơ laĭ «Phui lŭk-lom mơ̆ng plel.» Bĭ juăt hmâo plel hla nŭn ôh, tô̆ mơ̆ng r̂ơi a bơjr̂ŏng đĭ čal Êjĭp. 25Plel lĕ tr̂ŭn jŏp-jang tăm čal Êjĭp, djơ̆ bih nŏ yĕt-yĕt pơ čol tô̆ mơ̆ng mơnuih khă tơl pơ čĭm djai bih blao, plel nŭn bơr̂ăm lôi bih djăm mr̂ơ̆k djăm mr̂ôñ tăm čol, wŏt bơjoh lôi bih-tih kơyâo pơtâo tăm čol he mơ̆n. 26Hmâo ha tô̆ Kôsen ƀon nă čo Israel đơč, bĭ hmâo plel.
27Nŭn Pharon pơđơi r̂ăng nao iâo r̂ai Môsê dua Ơrô̆n, jr̂ŏng nŭn pơhiăp laĭ: «Pah ha wŏt ne yơh kâo ngă glaĭ. Yêhôwa ñu kơpă-hnŏng, gah kâo dŏng dăp nă plơi lan kâo, mơi mơnuih ngă glaĭ. 28Br̂ơi ih iâo-laĭ dueh alôm mơ̆ng Yêhôwa he, yua gr̂ŏm#9:28 Gr̂ŏm Hêbrơ laĭ «Jua Yang Ơi Adai.» dăp plel ne găl yơh, kâo ti br̂ơi gô-ih biă nao, gô-ih huai dŏ ha ane dŏng tah.» 29Môsê til glaĭ pơ ñu: «Tơl kâo biă đuĕ mơ̆ng plơi ne, nŭn kâo ti yŏl đĭ ngan kâo pơ Yêhôwa, nŭn gr̂ŏm ti dŏ đŏng, wŏt bĭ hmâo plel dŏng tah, čiăng ih thâo kr̂ăn laĭ lŏn kơnah ne, lŏn kơnah Yêhôwa. 30Plai kâo thâo kr̂ăn laĭ ih dăp môt khua ngă buă ih ka huĭ pơpô̆ Ơi Adai Yêhôwa ôh.» 31(Bơngang-čăm dăp dai ôk r̂ăm bih blao, yua dai ôk pah dr̂oh wŏt bơngang-čăm bơnga boih. 32Plai dai sali dăp dai êpôt dŏng, bĭ r̂ăm ôh, yua ñu kaih dr̂oh.) 33Jr̂ŏng nŭn Môsê đuĕ mơ̆ng Pharon, biă mơ̆ng plơi, ñu yŏl đĭ ngan pơ Yêhôwa, jr̂ŏng nŭn gr̂ŏm dăp plel dŏ đŏng, wŏt jan khong mơ̆n, bĭ lĕ tr̂ŭn mơ̆ng lŏn kơnah dŏng tah. 34Tơl Pharon ƀôh laĭ gr̂ŏm dăp plel dŏ đŏng, wŏt jan khong mơ̆n, nŭn pơtao ngă klơi glaĭ dŏng, pơtao dăp môt khua ngă buă ñu, găng bŭt kr̂a dŏng hla ti ahlâo mơ̆n. 35Nĭng nŭn yơh, Pharon hmâo bŭt găng, bĭ phom br̂ơi nă čo Israel biă nao ôh, djơ̆ hla ti klơi pơhiăp Yêhôwa pơđơi Môsê r̂ă lôi hlâo.#An Biă 4:21.
Currently Selected:
Biă 9: JKB
Highlight
Copy
Compare
Share
Want to have your highlights saved across all your devices? Sign up or sign in
© 2024, Wycliffe Bible Translators, Inc.
Biă 9
9
Klơi pơkơnap ti ma: Čĭm djai klin
1Jr̂ŏng nŭn, Yêhôwa pơhiăp hr̂ŏm Môsê: «Nao pơ Pharon wŏ, jr̂ŏng nŭn, r̂ă br̂ơi ñu:
“Ne yơh klơi pơhiăp Yêhôwa Yang môt sô̆n-sat Hêbrơ, ñu laĭ:
‘Br̂ơi nă plơi lan kâo biă nao, čiăng gơñu ngă buă kâo.’ 2Jơ̆ laĭ ih dŏ nŏng pơkŏng lôi gơñu, bĭ phom br̂ơi gơñu biă nao ôh, 3nŭn ngan Yêhôwa ti ba r̂ai klơi djai klin kơtang mơ̆ng tơgr̂ư̆ phung čĭm gô-ih dŏ pơ čol, hla ti seh, lie, ôt, phung mo, phung triw dăp be he mơ̆n. 4Plai Yêhôwa ti ngă br̂ơi phung čĭm môt sô̆n-sat Israel phar̂a mơ̆ng phung čĭm môt sô̆n-sat Êjĭp,#An Biă 8:23. nĭng nŭn yơh, phung čĭm nă čo Israel mă ha dr̂ơi bĭ djai le.”»
5Jr̂ŏng nŭn Yêhôwa pơkă r̂ơi, ñu laĭ: «R̂ơi gla yơh, Yêhôwa ti ngă buă ne tăm čal Êjĭp.» 6Tơl r̂ơi nŭn, Yêhôwa ngă nĭng nŭn dơdi, dơm phung čĭm môt sô̆n-sat Êjĭp djai bih blao, plai phung čĭm nă čo Israel, wŏt ha dr̂ơi bĭ djai le. 7Pharon pơđơi r̂ăng nao ep lăng, nŭn r̂ăng ƀôh laĭ phung čĭm môt sô̆n-sat Israel, mă ha dr̂ơi bĭ djai le, plai Pharon dŏ nŏng găng bŭt, bĭ phom br̂ơi nă plơi lan biă nao ôh.
Klơi pơkơnap ti năm: Djơ̆ teng
8Jr̂ŏng nŭn Yêhôwa pơhiăp hr̂ŏm Môsê dua ñu Ơrô̆n, ñu laĭ: «Br̂ơi gô-ih kuĕ ba pul dua klâo kong mơ̆ng ƀon r̂ăng čuh ĕt, jr̂ŏng nŭn br̂ơi Môsê jai đĭ pul ngŏ adai ti năp Pharon. 9Pul nŭn ti jr̂ŏng hơbâo bŏ mơ̆ng čal Êjĭp, ngă br̂ơi mơnuih dăp čĭm djơ̆ teng r̂uih hê-pê, jŏp-jang mơ̆ng čal Êjĭp.» 10Nŭn yơh, gơñu tô̆ pul mơ̆ng ƀon r̂ăng čuh ĕt, nao dŏ dŏng ti năp Pharon, tơl Môsê jai đĭ pul ngŏ adai, pul nŭn ngă br̂ơi mơnuih dăp čĭm djơ̆ teng r̂uih hê-pê. 11Môt bơjâo bĭ thâo dŏ dŏng ti năp Môsê ôh,#An Biă 8:18. yua gơñu djơ̆ teng, dăp bih-tih môt sô̆n-sat Êjĭp djơ̆ teng mơ̆n. 12Plai dŏng Yêhôwa ngă br̂ơi Pharon găng bŭt, nŭn ñu bĭ hmĭ tui môt gơñu ôh, hla ti Yêhôwa pơhiăp lôi hlâo hr̂ŏm Môsê.#An Biă 4:21.
Klơi pơkơnap ti juh: Gr̂ŏm kơtal dăp plel
13Jr̂ŏng nŭn, Yêhôwa pơhiăp hr̂ŏm Môsê: «Sêng-ƀr̂êng mơ̆ng guah, br̂ơi ih gŭ nao dŏ dŏng ti năp Pharon, jr̂ŏng nŭn pơhiăp laĭ:
“Ne yơh klơi pơhiăp Yêhôwa Yang môt sô̆n-sat Hêbrơ, ñu laĭ:
‘Br̂ơi nă plơi lan kâo biă nao wŏ, čiăng gơñu ngă buă kâo. 14Jơ̆ ih bĭ phom, nêne dŏng kâo ti br̂ơi bih klơi pơkơnap pơ ih,#9:14 Pơ ih Hêbrơ laĭ «Pơ bŭt-tai ih.» pơ môt khua ngă buă ih, dăp nă plơi lan ih, čiăng ih thâo kr̂ăn laĭ, mơ̆ng lŏn kơnah ne, bĭ hmâo lơi hla ti kâo ôh. 15Jơ̆ laĭ kâo yŏl đĭ ngan teh ih dăp nă plơi lan ih mơ̆ng klơi djai klin, nŭn gô-ih ti ñă lôi mơ̆ng lŏn kơnah dơdi yơh. 16Plai kâo čr̂oh br̂ơi ih dŏ dĭp, čiăng ih ƀôh klơi kơtang myang kâo, dăp čiăng ƀŏ kâo hmĭ i-bli yô jŏp-jang mơ̆ng lŏn kơnah.#An Rôm 9:15-18. 17Plai dŏng, ih dŏ nŏng bơgăn lôi nă plơi lan kâo, bĭ phom br̂ơi gơñu biă nao ôh. 18Yua nĭng nŭn yơh, r̂ơi gla mông kal ne, kâo ti ngă br̂ơi plel lĕ tr̂ŭn kơtang-kơtĭt jat, bĭ juăt hmâo plel hla ne ôh, tô̆ mơ̆ng r̂ơi a bơjr̂ŏng čal Êjĭp khă tơl kal ne. 19Nêne, br̂ơi ih pơđơi r̂ăng ba glaĭ pơtŭm phung čĭm, dăp nŏ yĕt-yĕt gô-ih hmâo mơ̆ng čol, ba glaĭ pơ ƀon hơ-ĭn wŏ, yua bih mơnuih dăp čĭm dŏ pơ čol, jơ̆ laĭ r̂ăng bĭ ba glaĭ pơtŭm pơ sang ôh, nŭn plel ti lĕ tr̂ŭn djơ̆ djai bih blao.’”»
20Pah anŭn hmâo môt khua ngă buă Pharon pơanah huĭ pơpô̆ klơi pơhiăp Yêhôwa, nŭn gơñu pơđơi môt hlŭn gơñu đuĕ glaĭ dŏp pơ sang dăp phung čĭm gơñu he mơ̆n, 21gah môt bĭ wŏn-wai mơ̆ng klơi pơhiăp Yêhôwa, gơñu klaih lôi môt hlŭn, dăp phung čĭm gơñu pơ čol.
22Yêhôwa pơhiăp hr̂ŏm Môsê: «Yŏl đĭ ngan ih pơ adai wŏ, čiăng hmâo plel lĕ tr̂ŭn bŏ tăm čal Êjĭp, čiăng djơ̆ mơnuih djơ̆ čĭm, dăp bih djăm mr̂ơ̆k djăm mr̂ôñ mơ̆ng čol tăm čal Êjĭp.» 23Nŭn yơh, Môsê yŏl đĭ gai jr̂a ñu pơ adai, jr̂ŏng nŭn Yêhôwa ba r̂ai gr̂ŏm dăp plel, wŏt tal klă#9:23 Tal klă Hêbrơ laĭ «Phui lĕ tr̂ŭn pơ lŏn kơnah.» he mơ̆n, nĭng nŭn yơh Yêhôwa plĕ tr̂ŭn plel tăm čal Êjĭp. 24Plel lĕ kơtang jat, dăp tal klă lŭk-lom hr̂ŏm gŏp ñu.#9:24 Tal klă lŭk-lom hr̂ŏm gŏp ñu Hêbrơ laĭ «Phui lŭk-lom mơ̆ng plel.» Bĭ juăt hmâo plel hla nŭn ôh, tô̆ mơ̆ng r̂ơi a bơjr̂ŏng đĭ čal Êjĭp. 25Plel lĕ tr̂ŭn jŏp-jang tăm čal Êjĭp, djơ̆ bih nŏ yĕt-yĕt pơ čol tô̆ mơ̆ng mơnuih khă tơl pơ čĭm djai bih blao, plel nŭn bơr̂ăm lôi bih djăm mr̂ơ̆k djăm mr̂ôñ tăm čol, wŏt bơjoh lôi bih-tih kơyâo pơtâo tăm čol he mơ̆n. 26Hmâo ha tô̆ Kôsen ƀon nă čo Israel đơč, bĭ hmâo plel.
27Nŭn Pharon pơđơi r̂ăng nao iâo r̂ai Môsê dua Ơrô̆n, jr̂ŏng nŭn pơhiăp laĭ: «Pah ha wŏt ne yơh kâo ngă glaĭ. Yêhôwa ñu kơpă-hnŏng, gah kâo dŏng dăp nă plơi lan kâo, mơi mơnuih ngă glaĭ. 28Br̂ơi ih iâo-laĭ dueh alôm mơ̆ng Yêhôwa he, yua gr̂ŏm#9:28 Gr̂ŏm Hêbrơ laĭ «Jua Yang Ơi Adai.» dăp plel ne găl yơh, kâo ti br̂ơi gô-ih biă nao, gô-ih huai dŏ ha ane dŏng tah.» 29Môsê til glaĭ pơ ñu: «Tơl kâo biă đuĕ mơ̆ng plơi ne, nŭn kâo ti yŏl đĭ ngan kâo pơ Yêhôwa, nŭn gr̂ŏm ti dŏ đŏng, wŏt bĭ hmâo plel dŏng tah, čiăng ih thâo kr̂ăn laĭ lŏn kơnah ne, lŏn kơnah Yêhôwa. 30Plai kâo thâo kr̂ăn laĭ ih dăp môt khua ngă buă ih ka huĭ pơpô̆ Ơi Adai Yêhôwa ôh.» 31(Bơngang-čăm dăp dai ôk r̂ăm bih blao, yua dai ôk pah dr̂oh wŏt bơngang-čăm bơnga boih. 32Plai dai sali dăp dai êpôt dŏng, bĭ r̂ăm ôh, yua ñu kaih dr̂oh.) 33Jr̂ŏng nŭn Môsê đuĕ mơ̆ng Pharon, biă mơ̆ng plơi, ñu yŏl đĭ ngan pơ Yêhôwa, jr̂ŏng nŭn gr̂ŏm dăp plel dŏ đŏng, wŏt jan khong mơ̆n, bĭ lĕ tr̂ŭn mơ̆ng lŏn kơnah dŏng tah. 34Tơl Pharon ƀôh laĭ gr̂ŏm dăp plel dŏ đŏng, wŏt jan khong mơ̆n, nŭn pơtao ngă klơi glaĭ dŏng, pơtao dăp môt khua ngă buă ñu, găng bŭt kr̂a dŏng hla ti ahlâo mơ̆n. 35Nĭng nŭn yơh, Pharon hmâo bŭt găng, bĭ phom br̂ơi nă čo Israel biă nao ôh, djơ̆ hla ti klơi pơhiăp Yêhôwa pơđơi Môsê r̂ă lôi hlâo.#An Biă 4:21.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2024, Wycliffe Bible Translators, Inc.