Biă 7
7
1 Yêhôwa pơhiăp hr̂ŏm Môsê, ñu laĭ: «Ep wŏ, kâo bơdŏ br̂ơi ih jr̂ŏng hla ti yang ti năp Pharon, gah Ơrô̆n yŏng ih dŏng, ñu ti ngă pô ba pơhiăp br̂ơi ih.#An Biă 4:15-16. 2Br̂ơi ih pơhiăp tơgr̂ư̆ klơi kâo pơtă br̂ơi ih, jr̂ŏng nŭn Ơrô̆n yŏng ih ti r̂ă br̂ơi Pharon, čiăng ñu br̂ơi nă čo Israel biă mơ̆ng čal Êjĭp. 3Plai kâo ti ngă br̂ơi Pharon găng bŭt.#An Biă 4:21. Kâo ti ngă lô klơi myang mơsêh kâo tăm čal Êjĭp, čiăng r̂ăng thâo kr̂ăn jel, 4plai Pharon dŏ nŏng bĭ hmĭ tui gô-ih le, nŭn kâo ti tr̂ĕ kơđi dr̂ă-dr̂ă ngă pơkơnap čal Êjĭp mơ̆ng ngan kâo pô, jr̂ŏng nŭn, kâo ti ba Israel nă plơi lan kâo biă mơ̆ng čal Êjĭp, hla ti phung tơhan kâo. 5Tơl kâo ngă pơkơnap čal Êjĭp mơ̆ng ngan kâo pô, dăp ba nă čo Israel biă đuĕ mơ̆ng môt gơñu, nŭn yơh môt sô̆n-sat Êjĭp ti thâo kr̂ăn laĭ kâo yơh Yêhôwa.» 6Nŭn yơh, Môsê dua ñu Ơrô̆n ngă tui klơi Yêhôwa pơtă br̂ơi gơñu. Môt gơñu ngă tui hla nŭn yơh. 7Môsê hmâo ayŭ păn pluh thŭn,#An Juăt 31:2; 34:7; Buă 7:23, 30. Ơrô̆n dŏng hmâo ayŭ păn pluh klâo thŭn, pah gơñu nao pơhiăp hr̂ŏm Pharon.
Gai jr̂a Ơrô̆n jr̂ŏng alua
8Yêhôwa pơhiăp hr̂ŏm Môsê dua ñu Ơrô̆n, ñu laĭ: 9«Tơl Pharon pơđơi gô-ih ngă klơi myang mơsêh, nŭn br̂ơi ih pơđơi Ơrô̆n, tô̆ gai jr̂a ñu glŏm nao gah năp Pharon, čiăng gai jr̂a nŭn jr̂ŏng alua.»#An Biă 4:2-5. 10Nŭn yơh, Môsê dua ñu Ơrô̆n nao pơ Pharon, nŭn gơñu ngă tui klơi Yêhôwa pơtă br̂ơi gơñu. Ơrô̆n glŏm nao gai jr̂a ñu ti năp Pharon dăp ti năp môt khua ngă buă ñu, gai jr̂a nŭn jr̂ŏng hĕ alua. 11Jr̂ŏng nŭn Pharon iâo r̂ai môt lơgơi dăp môt bơjâo sô̆n-sat Êjĭp, nŭn gơñu yua klơi hơkat ngă nĭng nŭn mơ̆n.#An Mat 24:24. 12Tơgr̂ư̆ gơñu ha r̂ăng ha r̂ăng glŏm nao gai jr̂a gơñu, jr̂ŏng nŭn gai jr̂a gơñu jr̂ŏng hĕ alua, gah gai jr̂a Ơrô̆n dŏng, lôn lôi gai jr̂a gơñu bih blao. 13Plai Pharon dŏ nŏng găng bŭt mơ̆n, bĭ hmĭ tui môt gơñu, hla ti Yêhôwa pơhiăp lôi hlâo.#An Biă 4:21.
Klơi pơkơnap ti sa: Ia jr̂ŏng dr̂ah
14Jr̂ŏng nŭn Yêhôwa pơhiăp hr̂ŏm Môsê, ñu laĭ: «Pharon găng bŭt, ñu bĭ phom br̂ơi nă plơi lan biă nao ôh. 15Mơ̆ng guah, br̂ơi ih nao pơ Pharon, pah ñu biă nao pơ ia kr̂ong Nil. Br̂ơi ih dŏ yong ñu ti hang ia, br̂ơi ih djă ba gai jr̂a jr̂ŏng alua nŭn he. 16Br̂ơi ih pơhiăp hr̂ŏm ñu hla ne:
“Pah ahlâo Yêhôwa Yang môt sô̆n-sat Hêbrơ, ñu pơđơi kâo r̂ai r̂ă br̂ơi ih hla ne, Yêhôwa laĭ:
‘Br̂ơi nă plơi lan kâo biă nao wŏ, čiăng gơñu ngă buă kâo pơ čol dơdang.’#Biă 5:1. Plai ih bĭ hmĭ tui ôh, tô̆ mơ̆ng anŭn khă tơl kal ne. 17Ne yơh klơi pơhiăp Yêhôwa: ‘Yua mơ̆ng buă kâo ti ngă ne, ih ti thâo kr̂ăn laĭ kâo yơh Yêhôwa.’ Ep wŏ, kâo ti ƀang ia kr̂ong Nil mơ̆ng gai jr̂a tăm ngan kâo ne, jr̂ŏng nŭn, ia kr̂ong ti jr̂ŏng dr̂ah.#Pơƀôh 16:4. 18Kan dŏ tăm ia kr̂ong Nil ti djai, ia ti ƀâo br̂ŭ, nŭn môt sô̆n-sat Êjĭp bĭ thâo ñŭm ia kr̂ong nŭn dŏng tah.”»
19Yêhôwa pơhiăp hr̂ŏm Môsê, ñu laĭ: «Pơđơi Ơrô̆n mă gai jr̂a ñu, jr̂ŏng nŭn yŏl đĭ ngan ñu ngŏ ia tăm čal Êjĭp, ia kr̂ong, ia hnoh, ia gơnao, wŏt bih ia pơkŏn-pơkŏn, čiăng tơgr̂ư̆ ia nŭn jr̂ŏng dr̂ah. Nĭng nŭn yơh ti hmâo dr̂ah jŏp-jang mơ̆ng čal Êjĭp, dăp tăm thŭng tăm čeh#7:19 Tăm thŭng tăm čeh Hêbrơ laĭ «Tăm kơyâo tăm bohtâo.» he mơ̆n.»
20Nŭn yơh, Môsê dua ñu Ơrô̆n ngă tui klơi Yêhôwa pơtă br̂ơi gơñu. Ñu yŏl đĭ gai jr̂a, ƀang ia kr̂ong Nil ti năp Pharon, dăp ti năp môt khua ngă buă ñu, nŭn ia kr̂ong Nil jr̂ŏng hĕ dr̂ah soh-sel. 21Kan tăm ia kr̂ong djai bih, nŭn ia kr̂ong ƀâo br̂ŭ, jr̂ŏng nŭn môt sô̆n-sat Êjĭp bĭ thâo ñŭm ia kr̂ong nŭn dŏng tah. Hmâo dr̂ah jŏp-jang mơ̆ng čal Êjĭp. 22Plai môt bơjâo sô̆n-sat Êjĭp, gơñu yua klơi hơkat ngă hla nŭn mơ̆n. Yua nĭng nŭn yơh, Pharon dŏ nŏng găng bŭt, bĭ hmĭ tui Môsê dua ñu Ơrô̆n le, hla ti Yêhôwa pơhiăp lôi hlâo.#An Biă 4:21. 23Pharon wih r̂ŏng, glaĭ pơ sang ñu pô, dăp bĭ wŏn-wai djơ̆ klơi nŭn ôh. 24Bih môt sô̆n-sat Êjĭp klơi ia jĕ ia kr̂ong Nil, čiăng sem ia ñŭm, yua gơñu bĭ thâo ñŭm ia kr̂ong dŏng tah.
Klơi pơkơnap ti dua: Jĭ
25Juh r̂ơi gao lôi boih tô̆ mơ̆ng r̂ơi Yêhôwa ƀang ia kr̂ong Nil.
Currently Selected:
Biă 7: JKB
Highlight
Copy
Compare
Share
Want to have your highlights saved across all your devices? Sign up or sign in
© 2024, Wycliffe Bible Translators, Inc.
