Biă 5

Ngă ĕt bĭ hmâo dr̂ăng

1Dơdơi mơ̆ng anŭn, Môsê dua ñu Ơrô̆n nao pơ Pharon, gơñu pơhiăp laĭ:

«Ne yơh klơi pơhiăp Yêhôwa, Yang môt sô̆n-sat Israel, ñu laĭ:

“Br̂ơi nă plơi lan kâo biă nao wŏ, čiăng gơñu ngă yang pơyŏl kâo dăp ƀŏng mơñŭm pơ čol dơdang.”»

2Plai Pharon til glaĭ: «Lơi Yêhôwa, čiăng kâo hmĭ tui ñu, dăp br̂ơi môt sô̆n-sat Israel biă nao? Kâo bĭ thâo kr̂ăn Yêhôwa ôh, wŏt kâo bĭ br̂ơi môt sô̆n-sat Israel biă nao le.»#An Biă 3:19. 3Nŭn Môsê dua ñu Ơrô̆n pơhiăp dŏng: «Yang môt sô̆n-sat Hêbrơ mơi, ñu r̂ai pơ mơi boih, nĭng nŭn yơh, dueh mơ̆ng ih br̂ơi mơi biă nao bat tăm čol dơdang taih klâo r̂ơi bat, čiăng ngă yang Yêhôwa Yang mơi, huĭ ñu ba r̂ai klơi djai klin lơ đao, čiăng pơdjai lôi mơi.» 4Plai pơtao čal Êjĭp pơhiăp hr̂ŏm gơñu, ñu laĭ: «Ơ Môsê, ơ Ơrô̆n, yua yĕt gih ngă pơki lôi buă nă plơi lan lĕ? Wŏt glaĭ ngă buă gih wŏ!» 5Pharon pơhiăp dŏng: «Nêne, nă plơi lan Israel mơ̆ng čal ne hmâo lô jat, plai gih ngă br̂ơi gơñu bơdơi mơ̆ng buă gơñu.» 6Mơ̆ng r̂ơi nŭn mơ̆n, Pharon pơđơi môt khua wai-lăng buă nă plơi lan, dăp môt ba kŏ môt hlŭn,#5:6 Môt khua wai-lăng buă nŭn sô̆n-sat Êjĭp. Gơñu r̂ih môt sô̆n-sat Israel pơanah bơdŏ br̂ơi gơñu ba kŏ môt hlŭn nă čo Israel. ñu laĭ: 7«Tơl nă plơi lan ngă ĕt, gô-ih anăm br̂ơi gơñu dr̂ăng dai hla ti ahlâo dŏng ôh, br̂ơi gơñu nao sem dr̂ăng dai gơñu pô wŏ. 8Wŏt anăm pơtr̂ŭn br̂ơi gơñu ôh, br̂ơi gơñu ngă ĕt tôm dơm nŏ hađăp, hla ti gơñu juăt ngă ahlâo. Yua gơñu mơnuih alah, nŭn yơh gơñu mơ̆ng ôl dăp dueh laĭ, “Br̂ơi mơi biă nao ngă yang mơi.” 9Br̂ơi gô-ih čĕ thim br̂ơi buă môt đahkơi tr̂ă hloh dŏng, čiăng gơñu ngă gơnĭt, gơñu huai wŏn-wai mơ̆ng klơi pơhiăp ƀlơl nŭn.»

10Nŭn môt khua wai-lăng buă nă plơi lan, dăp môt ba kŏ môt hlŭn, gơñu biă nao r̂ă br̂ơi môt nă plơi lan Israel, gơñu laĭ:

«Ne yơh klơi Pharon pơtă br̂ơi gô-ih:

“Kâo bĭ br̂ơi gih dr̂ăng dai dŏng tah, 11br̂ơi gih nao sem dr̂ăng dai gih pô pơ ƀon pă gih ƀôh. Plai kâo dŏng, mă ha sĕt, kâo bĭ pơtr̂ŭn br̂ơi buă gih le.”»

12Nĭng nŭn yơh, nă plơi lan biă yô jŏp-jang tăm čal Êjĭp, čiăng sem phŭn dr̂ăng a klaih lôi tang br̂ơi dr̂ăng hiam. 13Plai môt khua wai-lăng buă, gơñu pơtr̂ŭt nă plơi lan, gơñu laĭ: «Br̂ơi ngă bơjr̂ŏng lôi buă r̂ăng čĕ br̂ơi gih ngă r̂ĭm r̂ơi, dơmô hla ti gih hmâo dr̂ăng dai pah ahlâo mơ̆n.» 14Jr̂ŏng nŭn môt khua wai-lăng buă, gơñu teh môt ba kŏ môt hlŭn#An Biă 5:6. nă čo Israel, dăp gơñu kơña: «Yua yĕt r̂ơi klăm-br̂ơi, dăp r̂ơi ne, gô-ih ngă ĕt bĭ tôm hla ti ahlâo lĕ?»

15Jr̂ŏng nŭn, môt ba kŏ môt hlŭn nă čo Israel, gơñu nao pơhiăp alôm Pharon: «Yua yĕt ih ngă nĭng nŭn mơ̆ng môt mơi hlŭn ih? 16R̂ăng bĭ pha br̂ơi mơi dr̂ăng dŏng tah, nŭn gơñu laĭ, “Br̂ơi ngă ĕt wŏ!” Nêne dŏng r̂ăng teh mơi hlŭn ih, plai klơi ne, nă plơi lan ih pô yơh ngă glaĭ.» 17Pharon til glaĭ: «Gih mơnuih alah, gih alah jat! Yua nĭng nŭn yơh, gih laĭ, “Br̂ơi mơi biă nao ngă Yang Yêhôwa.” 18Nêne br̂ơi gih wŏt glaĭ, ngă buă wŏ. R̂ăng bĭ br̂ơi gih dr̂ăng dŏng tah, br̂ơi gih ngă ĕt tôm dơm nŏ hađăp.» 19Nĭng nŭn yơh, môt ba kŏ môt hlŭn nă čo Israel ƀôh laĭ gơñu hmâo klơi kơnap-tap boih, yua pơtao laĭ, br̂ơi gơñu ngă ĕt hla ti gơñu juăt ngă r̂ĭm r̂ơi, ñu bĭ pơtr̂ŭn br̂ơi ôh. 20Tơl môt gơñu biă đuĕ mơ̆ng Pharon, gơñu pŏ Môsê dua ñu Ơrô̆n dŏ yong môt gơñu. 21Môt gơñu pơhiăp hr̂ŏm Môsê dua ñu Ơrô̆n: «Gô-ih ngă br̂ơi Pharon dăp môt khua ngă buă ñu hơ-ŏp mơi,#5:21 Gô-ih ngă br̂ơi Pharon dăp môt khua ngă buă ñu hơ-ŏp mơi Hêbrơ laĭ «Gô-ih ngă br̂ơi mơi ƀâo br̂ŭ ti năp Pharon dăp môt khua ngă buă ñu.» nŭn hla ti gô-ih čr̂oh đao mơ̆ng ngan gơñu čiăng pơdjai lôi mơi. Yua nŭn yơh, br̂ơi Yêhôwa ep tr̂ŭn gô-ih, jr̂ŏng nŭn tr̂ĕ kơđi gô-ih wŏ.» 22Jr̂ŏng nŭn Môsê wŏt glaĭ pơ Yêhôwa, ñu pơhiăp laĭ: «Ơ Khua Yang, yua yĕt ih ngă set mơ̆ng nă plơi lan ne? Yua yĕt ih pơđơi kâo r̂ai pơ ane? 23Tô̆ mơ̆ng kâo nao pơhiăp hr̂ŏm Pharon, mơ̆ng ƀŏ ih, nŭn ñu ngă set mơ̆ng nă plơi lan ne, plai ih dŏng, ih bĭ pơklaih jr̂a nă plơi lan ih.»

Currently Selected:

Biă 5: JKB

Highlight

Copy

Compare