Biă 32
32
Hup mo a ngă mơ̆ng maih
(Juăt 9:6-29)
1Tơl nă plơi lan ƀôh laĭ, Môsê kaih tr̂ŭn glaĭ mơ̆ng kŏ čĭ,#An Biă 24:18. nŭn môt gơñu r̂ai pơtŭm gŏp gơñu ti năp Ơrô̆n, gơñu laĭ: «Ngă br̂ơi mơi hup yang wŏ, čiăng ñu ba glan mơi, yua ƀŏk a Môsê nŭn, pô ba mơi biă mơ̆ng čal Êjĭp, mơi bĭ thâo kr̂ăn laĭ ñu pŏ klơi yĕt ôh.» 2Nŭn Ơrô̆n pơhiăp til glaĭ pơ gơñu: «Br̂ơi gô-ih toh kơčon maih mơ̆ng amăng ngai bơnai gô-ih, dăp mơ̆ng amăng ngai nă đahkơi nă đahmơi gô-ih, ba r̂ai pơ kâo.» 3Nŭn bih nă plơi lan toh kơčon maih mơ̆ng amăng ngai gơñu, ba nao pơ Ơrô̆n. 4Jr̂ŏng nŭn Ơrô̆n tô̆ maih mơ̆ng ngan môt gơñu, ngă bơlêk lôi, tuh ngă hup nă mo kơno. Jr̂ŏng nŭn môt gơñu pơhiăp laĭ: «Ơ Israel, ne yơh yang gô-ih ba gô-ih biă mơ̆ng čal Êjĭp!»#An Biă 20:3-5, 23. 5Tơl Ơrô̆n ƀôh buă nĭng nŭn, ñu ngă pr̂a ngă yang ti năp hup nŭn, jr̂ŏng nŭn ñu pơhiăp đĭ: «R̂ơi gla ta ti ngă yang Yêhôwa dăp ƀŏng mơñŭm!» 6Sêng-ƀr̂êng mơ̆ng guah, nă plơi lan gŭ đĭ nao tô̆ čĭm-br̂ĭm pơanah ngă yang čuh lôi bih blao, dăp ba nao čĭm-br̂ĭm pơanah dŏng ngă yang klơi nŭk-nua, jr̂ŏng nŭn gơñu dŏ ben ƀŏng mơñŭm, nŭn gơñu gŭ đĭ ngui ngŏl tă-tăn.
7Nŭn Yêhôwa pơhiăp hr̂ŏm Môsê: «Tr̂ŭn glaĭ wŏ, yua nă plơi lan ih ba biă mơ̆ng čal Êjĭp nŭn, gơñu ngă set boih. 8Môt gơñu tăñ weh đuĕ mơ̆ng glan kâo pơtă môt gơñu, môt gơñu ngă hup nă mo kơno, jr̂ŏng nŭn bon ti năp hup nŭn, dăp ngă yang hup nŭn, wŏt pơhiăp laĭ, “Ơ Israel, ne yơh yang gô-ih ba gô-ih biă mơ̆ng čal Êjĭp.”»#An Biă 20:3-5. 9Jr̂ŏng nŭn Yêhôwa pơhiăp hr̂ŏm Môsê: «Kâo ƀôh laĭ nă plơi lan ne mơnuih găng kŏ.#32:9 Găng kŏ Hêbrơ laĭ «Găng tơkoi.» 10Nêne čr̂oh br̂ơi kâo wŏ, nŭn klơi hêl kâo ti khang đĭ ƀŏng lôi gơñu goh blao, jr̂ŏng nŭn kâo ti ngă br̂ơi djuoi ih jr̂ŏng sô̆n-sat pr̂ŏng.»
11Plai Môsê dueh alôm Yêhôwa Yang ñu: «Ơ Yêhôwa, yua yĕt klơi hêl ih khang đĭ mơ̆ng nă plơi lan ih? Môt gơñu nŭn yơh, ih ba biă mơ̆ng čal Êjĭp, mơ̆ng klơi kơtang myang pr̂ŏng, dăp mơ̆ng ngan kơtang myang ih. 12Dueh mơ̆ng ih, anăm br̂ơi môt sô̆n-sat Êjĭp pơhiăp laĭ, ih ba biă nă plơi lan ih mơ̆ng klơi khư̆t set, čiăng pơdjai lôi môt gơñu pơ kŏ čĭ, dăp bơr̂ăm lôi gơñu br̂ơi ñă bih blao mơ̆ng lŏn kơnah. Dueh mơ̆ng ih wih lôi klơi hêl ih, dăp pơlih bŭt-tai mơ̆ng klơi ih čiăng ngă bơr̂ăm lôi nă plơi lan ih. 13Br̂ơi ih hĕng kơčăng glaĭ mơ̆ng Abrahăm, Isă, dăp Israel, môt ngă buă ih,#An Biă 2:24. yua ih tô̆ ƀŏ ih pô uăn hr̂ŏm môt gơñu,#32:13 Ih tô̆ ƀŏ ih pô uăn hr̂ŏm môt gơñu Hêbrơ laĭ «Ih uăn mơ̆ng ih pô hr̂ŏm môt gơñu.» ih laĭ, ih ti ngă br̂ơi djuoi gơñu lal đĭ lô-lĭn, hla ti pơtŭ mơ̆ng adai dih, dăp ih laĭ ih ti mop br̂ơi djuoi gơñu bih lŏn-ia ih uăn hr̂ŏm gơñu, nŭn môt gơñu ti hmâo lŏn-ia nŭn jr̂ŏng dr̂ăm pơđŏk gơñu hayoh.»#Klơi ne ñu tô̆ mơ̆ng Phŭn 22:16-17. An Phŭn 12:2-3; 15:1-21; 17:4-8; 18:10-15; 26:2-5; 46:3-4 mơ̆n. 14Nŭn yơh, Yêhôwa pơlih bŭt-tai mơ̆ng klơi ñu laĭ ti ngă bơr̂ăm lôi nă plơi lan ñu.
15Nŭn Môsê wih r̂ŏng tr̂ŭn glaĭ mơ̆ng kŏ čĭ, djă ba hơđang bohtâo klơi uăn bơgop dua pŏk tăm ngan ñu, hơđang bohtâo nŭn, a čih boh hr̂ă dua gah, gah năp dăp gah r̂ŏng. 16Hơđang bohtâo dua pŏk nŭn, buă Ơi Adai yơh, wŏt boh hr̂ă a čih nŭn, boh hr̂ă Ơi Adai pô mơ̆n čr̂ăk.#An Biă 24:12; 31:18. 17Tơl Yôsuê#An Biă 24:13. hmĭ jua nă plơi lan ôl, ñu r̂ă thâo Môsê: «Hmĭ jua a bơblah-wang pơ ƀon sang seng tŏng!» 18Plai Môsê til glaĭ:
«Ne bĭ djơ̆ jua ôl môt jai bơblah ôh,
Ne bĭ djơ̆ jua ôl môt bĭ jai le,
Jua kâo hmĭ ne jua a če đơč.»
19Pah ñu tơl nao jĕ ƀon sang seng tŏng, nŭn ñu ƀôh hup nă mo kơno, dăp ƀôh nă plơi lan suang yŭn, jr̂ŏng nŭn klơi hêl Môsê khang đĭ, jr̂ŏng nŭn ñu glŏm pơčah lôi hơđang bohtâo mơ̆ng ngan ñu, ti tơkai čĭ. 20Nŭn Môsê tô̆ hup nă mo kơno môt gơñu ngă, čuh tăm phui, čŏm pơphĕč lôi hla ti pŭng, jr̂ŏng nŭn jai tăm ia, nŭn ñu pơđơi nă čo Israel ñŭm.
21Jr̂ŏng nŭn Môsê kơña Ơrô̆n: «Nă plơi lan ngă yĕt hr̂ŏm ih, tơl ih mơ̆ng ba br̂ơi gơñu ngă klơi glaĭ dr̂ă nĭng nŭn lĕ?» 22Ơrô̆n til glaĭ: «Ơ khua, dueh mơ̆ng ih, anăm br̂ơi klơi hêl ih khang đĭ ôh. Ih thâo yơh nă plơi lan ne, mơnuih hăt ngă set jat. 23Môt gơñu pơhiăp hr̂ŏm kâo, “Ngă br̂ơi mơi hup yang wŏ, čiăng ñu ba glan mơi, yua ƀŏk a Môsê nŭn, pô ba mơi biă mơ̆ng čal Êjĭp, mơi bĭ thâo kr̂ăn laĭ ñu pŏ klơi yĕt ôh.” 24Kâo r̂ă br̂ơi môt gơñu, “Lơi hmâo maih, toh wŏ,” nŭn gơñu ba r̂ai mop br̂ơi kâo, jr̂ŏng nŭn kâo glŏm tăm phui, nŭn hup nă mo kơno ne biă r̂ai!»#An Biă 32:4.
25Môsê ƀôh laĭ, nă plơi lan nŭn ngă tui bŭt gơñu hăt, yua Ơrô̆n poi lôi br̂ơi gơñu lơngai, nĭng nŭn yơh, môt ayăt hmâo klơi hiăp pơmat gơñu. 26Nŭn Môsê nao dŏ dŏng ti bah amăng jang ƀon sang seng tŏng, ñu pơhiăp laĭ: «Lơi pô dŏ gah Yêhôwa, r̂ai pơ kâo wŏ!» Nŭn bih nă čo Lêwi, gơñu nao pơtŭm gŏp gơñu pơ Môsê. 27Nŭn Môsê pơhiăp hr̂ŏm gơñu:
«Ne yơh klơi pơhiăp Yêhôwa yang Israel, ñu laĭ:
“Br̂ơi bih môt gô-ih dr̂ăng đao tăm kơdjăng, bat mơ̆ng ane nao pơ amăng jang gah dih, jr̂ŏng nŭn wŏt glaĭ pơ amăng jang gah ne dŏng tăm ƀon sang seng tŏng. Pah gô-ih bat nao r̂ai, pơdjai lôi yŏng dơi gô-ih, gŏp juăt gô-ih, dăp mơnuih jŭm dăl gô-ih mơ̆n.”»
28Nă čo Lêwi ngă tui klơi Môsê pơđơi, mơnuih djai r̂ơi nŭn, ai-ñu klâo bâo r̂ăng. 29Môsê pơhiăp laĭ: «R̂ơi ne gô-ih bĭ pơanĕñ nă dăp yŏng dơi gô-ih pô ôh, yua nĭng nŭn yơh, Yêhôwa pha br̂ơi gô-ih klơi nŭk-nua, tô̆ mơ̆ng r̂ơi ne ñu bơdŏ br̂ơi gô-ih ngă buă ñu.»
30Tơl r̂ơi dơdơi, Môsê pơhiăp hr̂ŏm nă plơi lan: «Gô-ih ngă glaĭ dr̂ă jat, nêne kâo ti đĭ nao pơ Yêhôwa. Ai-ñu kâo ti thâo pơsĭl lôi klơi glaĭ gô-ih mơ̆n thâo.» 31Nĭng nŭn yơh, Môsê glaĭ nao pơ Yêhôwa, jr̂ŏng nŭn pơhiăp hr̂ŏm ñu: «Nă plơi lan ne ngă glaĭ dr̂ă jat, môt gơñu tô̆ maih ngă hup yang pr̂ăp pô gơñu. 32Nêne, dueh mơ̆ng ih klaih lôi klơi glaĭ gơñu wŏ, jơ̆ laĭ ih bĭ ngă nĭng nŭn ôh, dueh mơ̆ng ih lŏm lôi ƀŏ kâo mơ̆ng hla hr̂ă ih čih čr̂oh nŭn#32:32 Bih nă mơnuih dŏ dĭp nŭn pơyap hla ti ƀŏ gơñu dŏ hmâo tăm hla hr̂ă Ơi Adai čih čr̂oh. Jơ̆ laĭ Ơi Adai lŏm lôi ƀŏ mơnuih ha r̂ăng mơ̆ng hla hr̂ă ñu, nŭn čiăng laĭ mơnuih nŭn djai boih. wŏ.» 33Plai Yêhôwa til glaĭ pơ Môsê: «Lơi pô ngă glaĭ mơ̆ng kâo, ƀŏ pô nŭn yơh kâo ti lŏm lôi mơ̆ng hla hr̂ă kâo. 34Nêne, nao wŏ, ba nao nă plơi lan ne pơ ƀon kâo laĭ br̂ơi ih,#An Biă 3:17. ling-jang kâo ti nao ba glan ih. Plai tơl r̂ơi kâo r̂ai tr̂ĕ kơđi, nŭn kâo ti tr̂ĕ kơđi môt gơñu, yua mơ̆ng klơi glaĭ môt gơñu ngă.»
35Nĭng nŭn yơh, Yêhôwa ba r̂ai klơi djai klin pơ nă plơi lan, yua môt gơñu pơđơi Ơrô̆n ngă hup nă mo kơno nŭn.
Currently Selected:
Biă 32: JKB
Highlight
Copy
Compare
Share
Want to have your highlights saved across all your devices? Sign up or sign in
© 2024, Wycliffe Bible Translators, Inc.
Biă 32
32
Hup mo a ngă mơ̆ng maih
(Juăt 9:6-29)
1Tơl nă plơi lan ƀôh laĭ, Môsê kaih tr̂ŭn glaĭ mơ̆ng kŏ čĭ,#An Biă 24:18. nŭn môt gơñu r̂ai pơtŭm gŏp gơñu ti năp Ơrô̆n, gơñu laĭ: «Ngă br̂ơi mơi hup yang wŏ, čiăng ñu ba glan mơi, yua ƀŏk a Môsê nŭn, pô ba mơi biă mơ̆ng čal Êjĭp, mơi bĭ thâo kr̂ăn laĭ ñu pŏ klơi yĕt ôh.» 2Nŭn Ơrô̆n pơhiăp til glaĭ pơ gơñu: «Br̂ơi gô-ih toh kơčon maih mơ̆ng amăng ngai bơnai gô-ih, dăp mơ̆ng amăng ngai nă đahkơi nă đahmơi gô-ih, ba r̂ai pơ kâo.» 3Nŭn bih nă plơi lan toh kơčon maih mơ̆ng amăng ngai gơñu, ba nao pơ Ơrô̆n. 4Jr̂ŏng nŭn Ơrô̆n tô̆ maih mơ̆ng ngan môt gơñu, ngă bơlêk lôi, tuh ngă hup nă mo kơno. Jr̂ŏng nŭn môt gơñu pơhiăp laĭ: «Ơ Israel, ne yơh yang gô-ih ba gô-ih biă mơ̆ng čal Êjĭp!»#An Biă 20:3-5, 23. 5Tơl Ơrô̆n ƀôh buă nĭng nŭn, ñu ngă pr̂a ngă yang ti năp hup nŭn, jr̂ŏng nŭn ñu pơhiăp đĭ: «R̂ơi gla ta ti ngă yang Yêhôwa dăp ƀŏng mơñŭm!» 6Sêng-ƀr̂êng mơ̆ng guah, nă plơi lan gŭ đĭ nao tô̆ čĭm-br̂ĭm pơanah ngă yang čuh lôi bih blao, dăp ba nao čĭm-br̂ĭm pơanah dŏng ngă yang klơi nŭk-nua, jr̂ŏng nŭn gơñu dŏ ben ƀŏng mơñŭm, nŭn gơñu gŭ đĭ ngui ngŏl tă-tăn.
7Nŭn Yêhôwa pơhiăp hr̂ŏm Môsê: «Tr̂ŭn glaĭ wŏ, yua nă plơi lan ih ba biă mơ̆ng čal Êjĭp nŭn, gơñu ngă set boih. 8Môt gơñu tăñ weh đuĕ mơ̆ng glan kâo pơtă môt gơñu, môt gơñu ngă hup nă mo kơno, jr̂ŏng nŭn bon ti năp hup nŭn, dăp ngă yang hup nŭn, wŏt pơhiăp laĭ, “Ơ Israel, ne yơh yang gô-ih ba gô-ih biă mơ̆ng čal Êjĭp.”»#An Biă 20:3-5. 9Jr̂ŏng nŭn Yêhôwa pơhiăp hr̂ŏm Môsê: «Kâo ƀôh laĭ nă plơi lan ne mơnuih găng kŏ.#32:9 Găng kŏ Hêbrơ laĭ «Găng tơkoi.» 10Nêne čr̂oh br̂ơi kâo wŏ, nŭn klơi hêl kâo ti khang đĭ ƀŏng lôi gơñu goh blao, jr̂ŏng nŭn kâo ti ngă br̂ơi djuoi ih jr̂ŏng sô̆n-sat pr̂ŏng.»
11Plai Môsê dueh alôm Yêhôwa Yang ñu: «Ơ Yêhôwa, yua yĕt klơi hêl ih khang đĭ mơ̆ng nă plơi lan ih? Môt gơñu nŭn yơh, ih ba biă mơ̆ng čal Êjĭp, mơ̆ng klơi kơtang myang pr̂ŏng, dăp mơ̆ng ngan kơtang myang ih. 12Dueh mơ̆ng ih, anăm br̂ơi môt sô̆n-sat Êjĭp pơhiăp laĭ, ih ba biă nă plơi lan ih mơ̆ng klơi khư̆t set, čiăng pơdjai lôi môt gơñu pơ kŏ čĭ, dăp bơr̂ăm lôi gơñu br̂ơi ñă bih blao mơ̆ng lŏn kơnah. Dueh mơ̆ng ih wih lôi klơi hêl ih, dăp pơlih bŭt-tai mơ̆ng klơi ih čiăng ngă bơr̂ăm lôi nă plơi lan ih. 13Br̂ơi ih hĕng kơčăng glaĭ mơ̆ng Abrahăm, Isă, dăp Israel, môt ngă buă ih,#An Biă 2:24. yua ih tô̆ ƀŏ ih pô uăn hr̂ŏm môt gơñu,#32:13 Ih tô̆ ƀŏ ih pô uăn hr̂ŏm môt gơñu Hêbrơ laĭ «Ih uăn mơ̆ng ih pô hr̂ŏm môt gơñu.» ih laĭ, ih ti ngă br̂ơi djuoi gơñu lal đĭ lô-lĭn, hla ti pơtŭ mơ̆ng adai dih, dăp ih laĭ ih ti mop br̂ơi djuoi gơñu bih lŏn-ia ih uăn hr̂ŏm gơñu, nŭn môt gơñu ti hmâo lŏn-ia nŭn jr̂ŏng dr̂ăm pơđŏk gơñu hayoh.»#Klơi ne ñu tô̆ mơ̆ng Phŭn 22:16-17. An Phŭn 12:2-3; 15:1-21; 17:4-8; 18:10-15; 26:2-5; 46:3-4 mơ̆n. 14Nŭn yơh, Yêhôwa pơlih bŭt-tai mơ̆ng klơi ñu laĭ ti ngă bơr̂ăm lôi nă plơi lan ñu.
15Nŭn Môsê wih r̂ŏng tr̂ŭn glaĭ mơ̆ng kŏ čĭ, djă ba hơđang bohtâo klơi uăn bơgop dua pŏk tăm ngan ñu, hơđang bohtâo nŭn, a čih boh hr̂ă dua gah, gah năp dăp gah r̂ŏng. 16Hơđang bohtâo dua pŏk nŭn, buă Ơi Adai yơh, wŏt boh hr̂ă a čih nŭn, boh hr̂ă Ơi Adai pô mơ̆n čr̂ăk.#An Biă 24:12; 31:18. 17Tơl Yôsuê#An Biă 24:13. hmĭ jua nă plơi lan ôl, ñu r̂ă thâo Môsê: «Hmĭ jua a bơblah-wang pơ ƀon sang seng tŏng!» 18Plai Môsê til glaĭ:
«Ne bĭ djơ̆ jua ôl môt jai bơblah ôh,
Ne bĭ djơ̆ jua ôl môt bĭ jai le,
Jua kâo hmĭ ne jua a če đơč.»
19Pah ñu tơl nao jĕ ƀon sang seng tŏng, nŭn ñu ƀôh hup nă mo kơno, dăp ƀôh nă plơi lan suang yŭn, jr̂ŏng nŭn klơi hêl Môsê khang đĭ, jr̂ŏng nŭn ñu glŏm pơčah lôi hơđang bohtâo mơ̆ng ngan ñu, ti tơkai čĭ. 20Nŭn Môsê tô̆ hup nă mo kơno môt gơñu ngă, čuh tăm phui, čŏm pơphĕč lôi hla ti pŭng, jr̂ŏng nŭn jai tăm ia, nŭn ñu pơđơi nă čo Israel ñŭm.
21Jr̂ŏng nŭn Môsê kơña Ơrô̆n: «Nă plơi lan ngă yĕt hr̂ŏm ih, tơl ih mơ̆ng ba br̂ơi gơñu ngă klơi glaĭ dr̂ă nĭng nŭn lĕ?» 22Ơrô̆n til glaĭ: «Ơ khua, dueh mơ̆ng ih, anăm br̂ơi klơi hêl ih khang đĭ ôh. Ih thâo yơh nă plơi lan ne, mơnuih hăt ngă set jat. 23Môt gơñu pơhiăp hr̂ŏm kâo, “Ngă br̂ơi mơi hup yang wŏ, čiăng ñu ba glan mơi, yua ƀŏk a Môsê nŭn, pô ba mơi biă mơ̆ng čal Êjĭp, mơi bĭ thâo kr̂ăn laĭ ñu pŏ klơi yĕt ôh.” 24Kâo r̂ă br̂ơi môt gơñu, “Lơi hmâo maih, toh wŏ,” nŭn gơñu ba r̂ai mop br̂ơi kâo, jr̂ŏng nŭn kâo glŏm tăm phui, nŭn hup nă mo kơno ne biă r̂ai!»#An Biă 32:4.
25Môsê ƀôh laĭ, nă plơi lan nŭn ngă tui bŭt gơñu hăt, yua Ơrô̆n poi lôi br̂ơi gơñu lơngai, nĭng nŭn yơh, môt ayăt hmâo klơi hiăp pơmat gơñu. 26Nŭn Môsê nao dŏ dŏng ti bah amăng jang ƀon sang seng tŏng, ñu pơhiăp laĭ: «Lơi pô dŏ gah Yêhôwa, r̂ai pơ kâo wŏ!» Nŭn bih nă čo Lêwi, gơñu nao pơtŭm gŏp gơñu pơ Môsê. 27Nŭn Môsê pơhiăp hr̂ŏm gơñu:
«Ne yơh klơi pơhiăp Yêhôwa yang Israel, ñu laĭ:
“Br̂ơi bih môt gô-ih dr̂ăng đao tăm kơdjăng, bat mơ̆ng ane nao pơ amăng jang gah dih, jr̂ŏng nŭn wŏt glaĭ pơ amăng jang gah ne dŏng tăm ƀon sang seng tŏng. Pah gô-ih bat nao r̂ai, pơdjai lôi yŏng dơi gô-ih, gŏp juăt gô-ih, dăp mơnuih jŭm dăl gô-ih mơ̆n.”»
28Nă čo Lêwi ngă tui klơi Môsê pơđơi, mơnuih djai r̂ơi nŭn, ai-ñu klâo bâo r̂ăng. 29Môsê pơhiăp laĭ: «R̂ơi ne gô-ih bĭ pơanĕñ nă dăp yŏng dơi gô-ih pô ôh, yua nĭng nŭn yơh, Yêhôwa pha br̂ơi gô-ih klơi nŭk-nua, tô̆ mơ̆ng r̂ơi ne ñu bơdŏ br̂ơi gô-ih ngă buă ñu.»
30Tơl r̂ơi dơdơi, Môsê pơhiăp hr̂ŏm nă plơi lan: «Gô-ih ngă glaĭ dr̂ă jat, nêne kâo ti đĭ nao pơ Yêhôwa. Ai-ñu kâo ti thâo pơsĭl lôi klơi glaĭ gô-ih mơ̆n thâo.» 31Nĭng nŭn yơh, Môsê glaĭ nao pơ Yêhôwa, jr̂ŏng nŭn pơhiăp hr̂ŏm ñu: «Nă plơi lan ne ngă glaĭ dr̂ă jat, môt gơñu tô̆ maih ngă hup yang pr̂ăp pô gơñu. 32Nêne, dueh mơ̆ng ih klaih lôi klơi glaĭ gơñu wŏ, jơ̆ laĭ ih bĭ ngă nĭng nŭn ôh, dueh mơ̆ng ih lŏm lôi ƀŏ kâo mơ̆ng hla hr̂ă ih čih čr̂oh nŭn#32:32 Bih nă mơnuih dŏ dĭp nŭn pơyap hla ti ƀŏ gơñu dŏ hmâo tăm hla hr̂ă Ơi Adai čih čr̂oh. Jơ̆ laĭ Ơi Adai lŏm lôi ƀŏ mơnuih ha r̂ăng mơ̆ng hla hr̂ă ñu, nŭn čiăng laĭ mơnuih nŭn djai boih. wŏ.» 33Plai Yêhôwa til glaĭ pơ Môsê: «Lơi pô ngă glaĭ mơ̆ng kâo, ƀŏ pô nŭn yơh kâo ti lŏm lôi mơ̆ng hla hr̂ă kâo. 34Nêne, nao wŏ, ba nao nă plơi lan ne pơ ƀon kâo laĭ br̂ơi ih,#An Biă 3:17. ling-jang kâo ti nao ba glan ih. Plai tơl r̂ơi kâo r̂ai tr̂ĕ kơđi, nŭn kâo ti tr̂ĕ kơđi môt gơñu, yua mơ̆ng klơi glaĭ môt gơñu ngă.»
35Nĭng nŭn yơh, Yêhôwa ba r̂ai klơi djai klin pơ nă plơi lan, yua môt gơñu pơđơi Ơrô̆n ngă hup nă mo kơno nŭn.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2024, Wycliffe Bible Translators, Inc.