Biă 31

31:1-11

1-11Mơi ka ƀŏ pr̂e ôh 31:1-11. Čran 31 ne, Môsê dŏ nŏng dŏ ngŏ kŏ čĭ hr̂ŏm Yêhôwa. Jlan 1-11 Yêhôwa r̂ih đahkơi ha r̂ăng a iâo ƀŏ ñu Ƀêt-saliel, čiăng ñu ba kŏ mơ̆ng buă ngă sang seng tŏng lơgoh hiam dăp tơgr̂ư̆ hnă pơkŏn-pơkŏn dŏ mơ̆ng sang nŭn. Yêhôwa laĭ ñu ti pha br̂ơi Yang Bơngăt ñu dŏ hr̂ŏm Ƀêt-saliel, čiăng ñu thâo ngă bih buă Yêhôwa pơtă čr̂oh br̂ơi Môsê.

R̂ơi saƀat dăp hơđang bohtâo klơi uăn bơgop

12Yêhôwa pơhiăp hr̂ŏm Môsê hla ne: 13«Br̂ơi ih r̂ă br̂ơi nă čo Israel: “Br̂ơi gô-ih djă čr̂oh gơjăp r̂ơi saƀat kâo, yua r̂ơi saƀat ne, kâo bơdŏ čr̂oh br̂ơi gô-ih tơgr̂ư̆ nôk nao-nao, čiăng gô-ih thâo kr̂ăn laĭ, kâo yơh Yêhôwa, pô ngă br̂ơi gô-ih lơgoh hiam.#An Biă 20:8-11. 14Nĭng nŭn yơh, br̂ơi gô-ih djă čr̂oh wŏ r̂ơi saƀat ne, yua r̂ơi ne r̂ơi lơgoh hiam. Lơi pô bĭ djă čr̂oh r̂ơi saƀat, pô nŭn a ti pơdjai lôi ñu, lơi ngă buă yĕt-yĕt mơ̆ng r̂ơi nŭn, pô nŭn a ti tr̂ĕ pôktĕ lôi ñu mơ̆ng nă plơi lan Israel.#An Yap 15:32-36. 15Br̂ơi gô-ih ngă buă năm r̂ơi, plai r̂ơi ti juh, r̂ơi nŭn r̂ơi saƀat, r̂ơi bơdơi, r̂ơi lơgoh hiam čr̂oh br̂ơi Yêhôwa. Lơi ngă buă nŏ yĕt mơ̆ng r̂ơi saƀat, pô nŭn a ti pơdjai lôi ñu. 16Nă čo Israel khŏm djă čr̂oh r̂ơi saƀat, čiăng gơñu ngă tui klơi pơtă mơ̆ng r̂ơi saƀat tơgr̂ư̆ nôk nao-nao, čiăng hơdŏl glaĭ klơi uăn bơgop nao-nao hayoh. 17Nĭng nŭn yơh, r̂ơi saƀat ne, ti pơthâo br̂ơi nă čo Israel thâo kr̂ăn kâo nao-nao hayoh, yua kâo Yêhôwa, pô bơjr̂ŏng adai dăp lŏn kơnah năm r̂ơi, tơl r̂ơi ti juh kâo bĭ ngă buă yĕt ôh, kâo bơdơi#31:17 Kâo bơdơi Hêbrơ laĭ «Kâo bơdơi pr̂an.».”»#An Phŭn 2:1-3.

18Jr̂ŏng Ơi Adai pơhiăp hr̂ŏm Môsê mơ̆ng kŏ čĭ Sinai jr̂ŏng boih, nŭn Ơi Adai br̂ơi hơđang bohtâo klơi uăn bơgop dua pŏk pơ Môsê, hơđang bohtâo nŭn Ơi Adai čih mơ̆ng ngan ñu pô.#An Biă 24:12.

Currently Selected:

Biă 31: JKB

Highlight

Copy

Compare