Biă 12
12
Pơkr̂a klơi ƀŏng huă r̂ơi klơi gao phŭn blŭng
1 Yêhôwa pơhiăp hr̂ŏm Môsê dua ñu Ơrô̆n mơ̆ng čal Êjĭp: 2«Br̂ơi gô-ih yap blan ne, blan phŭn blŭng, blan kŏ thŭn gô-ih. 3R̂ă br̂ơi wŏ bih-tih nă plơi lan Israel, mơ̆ng r̂ơi ti pluh, blan ne, br̂ơi tơgr̂ư̆ đahkơi kŏ sang tô̆ nă triw lơ nă be ha dr̂ơi, pr̂ăp čr̂oh sang-nŏ gơñu pô, ha boh sang, ha dr̂ơi nă triw lơ nă be. 4Jơ̆ sang pă hmâo mơnuih sĕt đơi, bĭ anăm ƀŏng bih ha dr̂ơi nă triw lơ nă be, nŭn br̂ơi gơñu dăp mơnuih dŏ sang jĕ gơñu tô̆ ha dr̂ơi nă triw lơ nă be tui kŏ mơnuih gơñu. Br̂ơi gô-ih khư̆t tui kŏ mơnuih găl ƀŏng bih. 5Br̂ơi gô-ih tô̆ nă triw kơno lơ nă be kơno hiam bĭ hmâo wă-nuă jr̂a,#An Juăt 15:21. hmâo ayŭ ha thŭn. 6Br̂ơi gô-ih r̂ong čr̂oh čĭm nŭn tơl r̂ơi ti pluh pă tăm blan ne. Tơl yang r̂ơi lĕ,#12:6 Yang r̂ơi lĕ lơ «Jĕ klăm.» br̂ơi bih-tih nă plơi lan Israel pơdjai lôi čĭm nŭn.#An Yap 9:1-5. 7Jr̂ŏng nŭn br̂ơi nă plơi lan tô̆ dr̂ah ñu sôt sŏng bơdŏng dua gah bah amăng, dăp sŏng bơgăn bah amăng, mơ̆ng sang gơñu ti ƀŏng djăm nŭn. 8Mlăm nŭn br̂ơi gơñu phang djăm, ƀŏng hr̂ŏm nŭmpăng a bĭ čĕ pơi,#12:8 Nŭmpăng a bĭ čĕ pơi ñu lơpih đơč. dăp hla mr̂ơ̆k phĭ. 9Gô-ih anăm ƀŏng dŏ tah lơ tô̆k ôh, br̂ơi phang găl hr̂ŏm kŏ hr̂ŏm le dăp nŏ yĕt-yĕt tăm čian ñu he mơ̆n. 10Anăm br̂ơi dŏ lơbeh tơl guah ôh, jơ̆ dŏ lơbeh tơl guah, br̂ơi čuh glŏm lôi. 11Br̂ơi gô-ih ƀŏng hla ne, kơdjăng gô-ih dr̂ăng mơ-eo, le gô-ih buh klĭ juă, ngan gô-ih djă gai jr̂a, jr̂ŏng nŭn br̂ơi gô-ih ƀŏng gơbal,#12:11 Ơi Adai pơđơi nă čo Israel ƀŏng huă klơi gao phŭn blŭng nĭng nŭn, yua mlăm gơñu ƀŏng huă nŭn, Pharon ti pơpŏl đuĕ gơñu br̂ơi biă mơ̆ng čal Êjĭp tăñ-tăñ. ne yơh r̂ơi ƀŏng huă klơi gao Yêhôwa. 12Mlăm nŭn kâo ti bat yô jŏp-jang mơ̆ng čal Êjĭp, kâo ti pơdjai lôi bih nă đahkơi phŭn tăm čal Êjĭp, dăp mơnuih dăp čĭm, kâo ti tr̂ĕ kơđi bih-tih yang tăm čal Êjĭp, kâo yơh Yêhôwa. 13Dr̂ah a sôt mơ̆ng sang gô-ih dŏ nŭn ti pơthâo br̂ơi kâo, tơl kâo ƀôh dr̂ah nŭn, kâo ti gao lôi gô-ih, nŭn bĭ hmâo klơi pơkơnap pă r̂ai bơr̂ăm lôi gô-ih, mơ̆ng mông kâo bơr̂ăm lôi čal Êjĭp nŭn ôh.
14«Br̂ơi gô-ih tô̆ r̂ơi ne, pr̂ăp čr̂oh r̂ơi hơdŏl glaĭ, r̂ơi ne gô-ih ti ngă Yang Yêhôwa dăp ƀŏng mơñŭm, br̂ơi gô-ih djă čr̂oh r̂ơi ne, jr̂ŏng klơi juăt tơgr̂ư̆ nôk mơnuih nao-nao hayoh. 15Br̂ơi gô-ih ƀŏng nŭmpăng a bĭ čĕ pơi juh r̂ơi. R̂ơi blŭng, br̂ơi gô-ih mă lôi pơi mơ̆ng sang gô-ih. Lơi ƀŏng nŭmpăng hmâo pơi mơ̆ng juh r̂ơi nŭn, tô̆ mơ̆ng r̂ơi blŭng tơl pơ r̂ơi nŭč, pô nŭn a ti tr̂ĕ pôktĕ lôi ñu mơ̆ng môt sô̆n-sat Israel. 16R̂ơi blŭng, br̂ơi pơtŭm gŏp gô-ih mơ̆ng klơi lơgoh hiam, jr̂ŏng nŭn tơl pơ r̂ơi nŭč dŏng, br̂ơi pơtŭm gŏp gô-ih mơ̆ng klơi lơgoh hiam ha wŏt dŏng. R̂ơi blŭng mơ̆ng r̂ơi nŭč, dua r̂ơi nŭn, gô-ih anăm ngă buă yĕt-yĕt ôh, ngă ha tô̆ nŏ ƀŏng huă đơč. 17Br̂ơi gô-ih djă čr̂oh r̂ơi ƀŏng nŭmpăng a bĭ čĕ pơi ne, yua mơ̆ng r̂ơi nŭn kâo ba gô-ih biă mơ̆ng čal Êjĭp, hla ti phung tơhan. Nĭng nŭn yơh, br̂ơi gô-ih djă čr̂oh r̂ơi ne, jr̂ŏng klơi juăt gô-ih tơgr̂ư̆ nôk mơnuih nao-nao hayoh. 18Mơ̆ng blan sa tô̆ mơ̆ng r̂ơi ti pluh pă jĕ klăm, khă tơl r̂ơi ti dua pluh sa jĕ klăm tăm blan nŭn, br̂ơi gô-ih ƀŏng nŭmpăng a bĭ čĕ pơi. 19Mơ̆ng juh r̂ơi nŭn, bĭ br̂ơi hmâo pơi dŏ tăm sang gô-ih ôh, jơ̆ laĭ lơi ƀŏng nŏ yĕt hmâo pơi, pô nŭn a ti tr̂ĕ pôktĕ lôi ñu mơ̆ng phung wang sô̆n-sat Israel, wŏt mơnuih tuai lơ nă plơi lan pô ơ mơ̆n. 20Tơl gô-ih ƀŏng huă, anăm ƀŏng nŏ yĕt hmâo pơi ôh, wŏt ƀon pă gô-ih dŏ ơ mơ̆n, br̂ơi gô-ih ƀŏng nŭmpăng a bĭ čĕ pơi đơč.»#An Biă 23:15; 34:18; Lêwi 23:6-8; Yap 28:16-25; Juăt 16:1-8.
21Nŭn yơh, Môsê iâo r̂ai bih môt kŏng-tha Israel, jr̂ŏng nŭn pơhiăp laĭ: «Nao r̂ih nă triw lơ nă be ha dr̂ơi pr̂ăp čr̂oh khŭl-khap gô-ih pô, jr̂ŏng nŭn pơdjai lôi ñu ngă klơi ƀŏng huă r̂ơi klơi gao. 22Tô̆ hla hisŭp ha čăp ñŭk tăm dr̂ah mơ̆ng thông, sôt sŏng bơgăn dăp sŏng bơdŏng dua gah bah amăng sang. Tăm môt gô-ih, wŏt ha dr̂ơi bĭ br̂ơi biă nao gah ia-wang bah amăng sang ñu le, khă tơl guah. 23Yua Yêhôwa ti bat yô jŏp-jang mơ̆ng čal, čiăng pơdjai lôi môt sô̆n-sat Êjĭp, tơl ñu ƀôh dr̂ah mơ̆ng sŏng bơgăn dăp sŏng bơdŏng dua gah, nŭn ñu ti gao lôi bah amăng sang nŭn, bĭ br̂ơi pô bơr̂ăm, mŭt nao pơdjai lôi gô-ih ôh. 24Br̂ơi gô-ih djă čr̂oh klơi pơtă ne jr̂ŏng klơi juăt gô-ih, dăp tr̂uh pơ nă čo gô-ih nao-nao hayoh. 25Tơl gô-ih mŭt nao tăm lŏn-ia Yêhôwa ti pha br̂ơi gô-ih, hla ti ñu uăn,#An Biă 3:17. nŭn br̂ơi gô-ih djă čr̂oh klơi gao ne dơdi. 26Tơl nă čo gô-ih kơña:
“Yua yĕt gô-ih ngă buă ne?”
27Nŭn gô-ih ti laĭ glaĭ:
“Buă ne ta ngă yang Yêhôwa dăp ƀŏng huă klơi gao, yua Yêhôwa gao lôi sang nă čo Israel mơ̆ng čal Êjĭp, pah ñu pơdjai lôi môt sô̆n-sat Êjĭp, plai sang môt ta, ñu pơklaih lôi.”»
Nŭn nă plơi lan bon kô̆p kŏ. 28Jr̂ŏng nŭn nă čo Israel biă nao, dăp ngă tui klơi Yêhôwa pơtă br̂ơi Môsê dua ñu Ơrô̆n. Môt gơñu ngă tui hla nŭn yơh.
Klơi pơkơnap ti pluh: Klơi pơdjai lôi nă đahkơi phŭn
29Tơl iăl mlăm, Yêhôwa pơdjai lôi bih nă đahkơi phŭn tăm čal Êjĭp, tô̆ mơ̆ng nă phŭn Pharon pô dŏ ben mơ̆ng gr̂e pơtao, khă tơl nă phŭn mơnuih djơ̆ khŭk, wŏt bih nă phŭn čĭm-br̂ĭm he mơ̆n.#An Biă 4:22-23. 30Mlăm nŭn, Pharon bơdih đĭ, wŏt bih môt khua ngă buă ñu, dăp bih môt sô̆n-sat Êjĭp bơdih đĭ mơ̆n, nŭn hmĭ ñi čŏk hia hơmr̂ač tăm čal Êjĭp, yua bĭ hmâo sang pă ôh bĭ hmâo mơnuih djai. 31Pah anŭn Pharon iâo r̂ai Môsê dua ñu Ơrô̆n dăng mlăm, jr̂ŏng nŭn ñu pơhiăp laĭ: «Gŭ đĭ, biă đuĕ mơ̆ng nă plơi lan kâo wŏ, dăp gô-ih, dăp bih nă čo Israel he mơ̆n, biă nao ngă buă Yêhôwa hla ti gô-ih dueh nŭn wŏ! 32Dăp phung triw, phung be, phung mo, br̂ơi gô-ih djă ba nao hr̂ŏm mơ̆n, hla ti gô-ih dueh nŭn. Dueh mơ̆ng gô-ih pha br̂ơi kâo klơi nŭk-nua he!»
Biă mơ̆ng plơi Ramseh nao pơ ƀon Sukôt
33Môt sô̆n-sat Êjĭp pơtr̂ŭt nă čo Israel biă đuĕ mơ̆ng čal gơñu tăñ, yua gơñu pơhiăp laĭ: «Bih ta iă ti djai yơh.» 34Nĭng nŭn yơh, nă plơi lan Israel tô̆ pŭng a lŭk lôi ka čĕ pơi, dăp tô̆ thông a lŭk pŭng, pŏn mơ̆ng ao gơñu, jr̂ŏng nŭn glăm biă đuĕ. 35Nă čo Israel ngă tui klơi Môsê pơtă, gơñu dueh dr̂ăm a ngă mơ̆ng maih, dăp dr̂ăm a ngă mơ̆ng pr̂ăk, wŏt khô ao mơ̆ng môt sô̆n-sat Êjĭp. 36Yêhôwa ngă br̂ơi bŭt môt sô̆n-sat Êjĭp thâo kơmah mơ̆ng nă plơi lan Israel, nŭn môt sô̆n-sat Êjĭp mop br̂ơi tui dr̂ăm yĕt gơñu dueh. Hla nŭn yơh, nă čo Israel mă tô̆ dr̂ăm-gơnăm môt sô̆n-sat Êjĭp.#An Biă 3:21-22.
37Nă čo Israel biă mơ̆ng plơi Ramseh bat le nao pơ ƀon Sukôt dŏng, a yap tô̆ đahkơi, ai-ñu hmâo năm sen r̂ăng, bĭ yap môt đahmơi dăp nă muai ôh.#An Phŭn 12:2. 38Hmâo lô mơnuih sô̆n-sat pơkŏn đĭ nao hr̂ŏm gơñu mơ̆n, hmâo dăp phung čĭm lô-lĭn mơ̆n, phung triw phung be dăp phung mo he mơ̆n. 39Gơñu tô̆ pŭng a lŭk lôi boih, pŭng gơñu djă ba mơ̆ng čal Êjĭp, jr̂ŏng nŭn ŏm ngă nŭmpăng lơpih, gơñu bĭ hmao čĕ pơi yua r̂ăng puh pơđuĕ gơñu br̂ơi biă mơ̆ng čal Êjĭp tăñ-tăñ, gơñu bĭ thâo dŏ kaih ôh, nŭn yơh, gơñu bĭ hmao pr̂ăp-pr̂e hnă ƀŏng.
40Nă čo Israel dŏ mơ̆ng čal Êjĭp 430 thŭn.#An Phŭn 15:13; Kal 3:17. 41Tơl kloh lôi 430 thŭn boih, mơ̆ng r̂ơi nŭn yơh, bih phung tơhan Yêhôwa#12:41 Bih phung tơhan Yêhôwa nŭn a pơyap môt đahkơi sô̆n-sat Israel hla ti môt tơhan. biă đuĕ mơ̆ng čal Êjĭp. 42Mlăm nŭn yơh, Yêhôwa dŏ kr̂ŏng wai nă čo Israel čiăng ba biă gơñu mơ̆ng čal Êjĭp, nĭng nŭn yơh, r̂ĭm thŭn bih-tih nă čo Israel tơgr̂ư̆ nôk mơnuih nao-nao hayoh, gơñu mơ̆ng dŏ kr̂ŏng ti năp Yêhôwa mơ̆ng mlăm nŭn.#12:42 R̂ĭm thŭn môt sô̆n-sat Israel juăt dŏ kr̂ŏng mơ̆ng mlăm nŭn čiăng hơdŏl glaĭ mơ̆ng buă Yêhôwa dŏ kr̂ŏng wai môt gơñu pah gơñu biă đuĕ mơ̆ng čal Êjĭp.
Yêhôwa pơtă čr̂oh r̂ơi ƀŏng huă klơi gao
43Yêhôwa pơhiăp hr̂ŏm Môsê dua ñu Ơrô̆n: «Ne yơh klơi kâo pơtă čr̂oh r̂ơi ƀŏng huă klơi gao: Bĭ br̂ơi mơnuih sô̆n-sat pơkŏn ƀŏng huă klơi gao ne ôh, 44plai hlŭn gô-ih blơi, gơñu thâo ƀŏng mơ̆n, tơl gô-ih tr̂ĕ klĭ gơñu ƀơĭ.#An Phŭn 17:12-13. 45Gah mơnuih sô̆n-sat pơkŏn dŏ dăng hr̂ŏm gô-ih, lơ mơnuih sô̆n-sat pơkŏn ngă kơli gô-ih, bĭ br̂ơi gơñu ƀŏng ôh. 46Br̂ơi gô-ih ƀŏng tăm sang đơč, anăm djă djăm biă gah ia-wang sang ôh, klang ñu dŏng, ha ƀĕ bĭ br̂ơi ngă bơjoh lôi le.#An Doh 34:20; Yôh 19:36. 47Bih-tih nă plơi lan Israel khŏm ngă klơi gao ne. 48Jơ̆ laĭ mơnuih tuai dŏ hr̂ŏm gô-ih, gơñu čiăng ngă klơi gao pơyŏl Yêhôwa mơ̆n, nŭn br̂ơi r̂ăng tr̂ĕ klĭ môt đahkơi-đahkơi gơñu hlâo ƀơĭ, nŭn yơh gơñu mơ̆ng thâo mŭt ngă hr̂ŏm klơi gao ne, a ti yap môt gơñu hla ti nă plơi lan gô-ih pô mơ̆n. Plai môt bĭ tr̂ĕ klĭ, bĭ br̂ơi gơñu ƀŏng huă klơi gao ne ôh. 49Bih klơi ne, kâo pơtă čr̂oh br̂ơi nă plơi lan gô-ih pô, dăp môt tuai dŏ hr̂ŏm gô-ih he mơ̆n, bĭ hmâo phar̂a ôh.»
50Jr̂ŏng nŭn, nă čo Israel ngă tui klơi Yêhôwa pơtă br̂ơi Môsê dua ñu Ơrô̆n. Môt gơñu ngă tui hla nŭn yơh. 51Mơ̆ng r̂ơi nŭn yơh, Yêhôwa ba nă čo Israel biă mơ̆ng čal Êjĭp, pĕn-phung-pĕn-phung hla ti môt tơhan.
Currently Selected:
Biă 12: JKB
Highlight
Copy
Compare
Share
Want to have your highlights saved across all your devices? Sign up or sign in
© 2024, Wycliffe Bible Translators, Inc.
