Buă Ngă 7
7
Stêphan pơhiăp ti năp môt khua tr̂ĕ kơđi
1Nŭn pô khua ngă yang kơña Stêphan: «Djơ̆ nĭng nŭn dơdi mơ̆n?»
2Stêphan til glaĭ: «Ơ yŏng dơi, ơ môt ma, dueh mơ̆ng gô-ih hmĭ kâo ho. Ơi Adai Yang gơdr̂ih-gơdr̂ŏng, ñu pơƀôh br̂ơi Abrahăm ơi don ta ƀôh ñu, pah Abrahăm dŏ mơ̆ng ƀon Mêsôpô-tamie, hlâo ñu ka nao dŏ pơ plơi Kharan,#An Phŭn 11:31; 15:7. 3nŭn Ơi Adai pơhiăp nao pơ Abrahăm, ñu laĭ: “Br̂ơi ih biă mơ̆ng lŏn-ia ih dŏ, biă mơ̆ng yŏng dơi ih, nao pơ lŏn-ia kâo ti pơƀôh br̂ơi ih.”#An Phŭn 12:1. 4Jr̂ŏng nŭn ñu biă đuĕ mơ̆ng plơi môt sô̆n-sat Khălđê, nao dŏ pơ plơi Kharan. Tơl ma ñu djai lôi, nŭn Ơi Adai ba ñu biă mơ̆ng ƀon nŭn, r̂ai dŏ mơ̆ng lŏn-ia gô-ih dŏ r̂ĭm r̂ơi ne.#An Phŭn 12:4-5. 5Ơi Adai bĭ pha br̂ơi ñu hmâo dr̂ăm pơđŏk tăm lŏn-ia ne ôh, wŏt kơnah ha wŏt yă, bĭ hmâo le. Plai dŏng, Ơi Adai uăn laĭ ti pha br̂ơi lŏn-ia ne, jr̂ŏng dr̂ăm pơđŏk ñu, dăp djuoi ñu nôk dơdơi he mơ̆n, wŏt dah ñu ka hmâo nă ơ mơ̆n.#An Phŭn 12:7; 13:15; 15:18; 17:8. 6Ơi Adai pơhiăp hla ne, ñu laĭ, “Djuoi ih ti jr̂ŏng tuai dŏ mơ̆ng čal bĭ djơ̆ čal gơñu pô, gah nă plơi lan čal nŭn, gơñu ti mă djuoi ih br̂ơi ngă hlŭn, dăp bơjăm bơjuă ngă pơkơnap gơñu pă tuh thŭn.”#An Phŭn 15:13. 7Ơi Adai pơhiăp dŏng, ñu laĭ, “Kâo ti tr̂ĕ kơđi môt sô̆n-sat čal gơñu ngă hlŭn nŭn, jr̂ŏng nŭn gơñu ti biă glaĭ r̂ai ngă buă kâo ti ƀon ne.”#An Phŭn 15:14; Biă 3:12. 8Ơi Adai pơtă čr̂oh br̂ơi Abrahăm buă tr̂ĕ klĭ, pah Ơi Adai kă klơi uăn bơgop hr̂ŏm ñu.#An Phŭn 17:9-14. Nĭng nŭn yơh, Abrahăm hmâo r̂ai nă ñu Isă, jr̂ŏng nŭn tr̂ĕ br̂ơi klĭ ñu mơ̆ng r̂ơi ti păn.#An Phŭn 21:2-4. Isă pơpôn Yakô̆p,#An Phŭn 25:26. jr̂ŏng nŭn Yakô̆p pơpôn môt ơi don ta pluh dua r̂ăng.#An Phŭn 29:31—30:24; 35:16-18.
9«Môt ơi don ta, gơñu hmâo bŭt nač, yua nŭn yơh, gơñu ƀuo lôi Yôsep br̂ơi r̂ăng ba nao pơ čal Êjĭp,#An Phŭn 37:11, 28. plai dŏng, Ơi Adai dŏ hr̂ŏm Yôsep.#An Phŭn 39:2, 21-23. 10Nĭng nŭn yơh, Ơi Adai pơklaih ñu mơ̆ng tơgr̂ư̆ klơi kơnap-tap, wŏt pha br̂ơi ñu klơi lơgơi, dăp ngă br̂ơi Pharon pơtao čal Êjĭp bŏ bŭt mơ̆ng ñu, nŭn Pharon bơdŏ br̂ơi ñu wai-lăng čal Êjĭp dăp bih-tih nŏ yĕt-yĕt dŏ mơ̆ng sang Pharon.#An Phŭn 41:37-43. 11Pah anŭn, hmâo klơi ĭ lơpa bŏ tăm čal Êjĭp dăp lŏn-ia Kanan, jr̂ŏng nŭn hmâo klơi kơnap-tap kơtang jat, nŭn môt ơi don ta sem nŏ ƀŏng, bĭ hmâo tah. 12Tơl Yakô̆p hmĭ a laĭ, pơ čal Êjĭp hmâo dai, nŭn ñu pơđơi môt ơi don ta nao pơ anŭn tăl sa.#An Phŭn 41:54; 42:1-2. 13Tơl gơñu nao tăl dua dŏng, nŭn Yôsep r̂ă br̂ơi yŏng dơi ñu thâo kr̂ăn ñu,#An Phŭn 45:1-4. dăp Pharon thâo kr̂ăn khŭl-khap Yôsep mơ̆n.#An Phŭn 45:16. 14Pah anŭn Yôsep pơđơi r̂ăng nao iâo r̂ai Yakô̆p ma ñu, dăp bih-tih khŭl-khap ñu, bih môt nao nŭn 75 r̂ăng.#An Phŭn 45:9-11; 46:27. 15Nĭng nŭn yơh, Yakô̆p tr̂ŭn nao dŏ pơ čal Êjĭp, jr̂ŏng nŭn ñu djai, dăp môt ơi don ta djai mơ̆n.#An Phŭn 46:1-7; 49:33; Biă 1:6. 16Nŭn r̂ăng ba nao dr̂ơi-jĕn gơñu pơ plơi Sigem, jr̂ŏng nŭn dŏl lôi tăm kơnah Abrahăm blơi mơ̆ng len pr̂ăk mơ̆ng nă čo Hamâo tăm plơi Sigem nŭn.#An Phŭn 23:3-20; 33:18-19; 50:7-13; Yôs 24:32.
17«Iă ti tơl r̂ơi Ơi Adai ti bơjr̂ŏng lôi klơi ñu uăn hr̂ŏm Abrahăm, nŭn nă plơi lan pơpôn r̂ai nă-bă lal đĭ lô-lĭn mơ̆ng čal Êjĭp, 18khă tơl hmâo pơtao phr̂âo ha r̂ăng đĭ wai-lăng mơ̆ng čal Êjĭp, pơtao nŭn bĭ thâo kr̂ăn Yôsep ôh. 19Pơtao nŭn yua klơi lơgơi čiăng ngă set sô̆n-sat ta, dăp pơkhŏm môt ơi don ta klaih r̂aih lôi nă gơñu phr̂âo pơpôn, bĭ br̂ơi dŏ dĭp ôh.#An Biă 1:7-22. 20Pah anŭn a pơpôn r̂ai Môsê, ñu nă nge hiam ti năp Ơi Adai. Mĭ ma ñu r̂ong ñu tăm sang klâo blan,#An Biă 2:2. 21pah a ba nao klaih lôi ñu, nŭn nă bia pơtao Pharon mă đĭ ñu, r̂ong hla ti nă ñu pô.#An Biă 2:3-10. 22Môsê hyĕn bih-tih klơi lơgơi môt sô̆n-sat Êjĭp, ñu mơnuih thâo lơgơi klơi pơhiăp, dăp buă ngă he mơ̆n.
23«Tơl ñu hmâo ayŭ pă pluh thŭn boih, bŭt ñu hăt nao čuă ngui môt nă čo Israel, nă plơi lan ñu pô.#7:23 Nă plơi lan ñu pô Krĭk laĭ «Yŏng dơi ñu pô.» 24Tơl ñu ƀôh r̂ăng ngă set nă plơi lan ñu ha r̂ăng, nŭn ñu nao dŏng pô r̂ăng ngă pơkơnap nŭn, čiăng gŭ nua br̂ơi pô nŭn, nĭng nŭn yơh, ñu pơdjai lôi mơnuih sô̆n-sat Êjĭp nŭn. 25Ñu khư̆t laĭ nă plơi lan ñu ti thâo kr̂ăn laĭ Ơi Adai pha br̂ơi gơñu klơi pơklaih, yua mơ̆ng ngan ñu, plai dŏng, gơñu bĭ hông hla nŭn ôh. 26Tơl r̂ơi dơdơi dŏng, ñu pŏ#7:26 Pŏ Krĭk laĭ «Pơƀôh pô.» môt Israel dua r̂ăng dŏ pơdjơ̆ gŏp gơñu, nŭn ñu čiăng pơsah-pơsĭl br̂ơi môt gơñu, ñu laĭ, “Dua gô-ih ne yŏng dơi, yua yĕt gô-ih ngă pơkơnap duă gŏp gô-ih nĭng nŭn lĕ?” 27Plai dŏng, pô dŏ ngă pơkơnap gŏp ñu, ñu klĭ lôi Môsê, dăp pơhiăp laĭ, “Lơi bơdŏ br̂ơi ih ngă khua wai-lăng mơi, dăp ngă khua tr̂ĕ kơđi br̂ơi mơi? 28Hiư̆m, ih čiăng pơdjai lôi kâo, hla ti ih pơdjai đahkơi sô̆n-sat Êjĭp r̂ơi klăm-br̂ơi nŭn ah?” 29Tơl Môsê hmĭ klơi nŭn, ñu đuĕ dŏp pơ čal Mađien. Mơ̆ng čal nŭn ñu hmâo nă đahkơi dua r̂ăng.#An Biă 2:11-22; 18:3-4.
30«Tơl pă pluh thŭn dơdơi mơ̆ng anŭn, hmâo ling-jang pơƀôh br̂ơi Môsê ƀôh ñu tăm glah phui dŏ ƀŏng pôm jr̂ơi, tăm čol dơdang jĕ kŏ čĭ Sinai. 31Pah Môsê ƀôh, ñu tuêl mơ̆ng nŏ ñu ƀôh nŭn, jr̂ŏng nŭn ñu nao jĕ čiăng ep, nŭn ñu hmĭ hiăp Khua Yang hla ne: 32“Kâo Yang ơi don ih, Yang Abrahăm, Yang Isă, dăp Yang Yakô̆p.” Môsê huĭ tơtĭ-djĭl bĭ khĭn ep ôh. 33Khua Yang pơhiăp nao pơ Môsê, ñu laĭ, “Toh lôi klĭ juă mơ̆ng le ih wŏ, yua ƀon ih dŏ dŏng ne kơnah lơgoh hiam. 34Kâo ƀôh dơdi yơh klơi kơnap-tap nă plơi lan kâo dŏ mơ̆ng čal Êjĭp, wŏt hmĭ jua gơñu ôl hơmr̂ač he mơ̆n. Nŭn yơh, kâo tr̂ŭn r̂ai čiăng pơklaih môt gơñu. Nêne dŏng, nah! Kâo ti pơđơi ih nao pơ čal Êjĭp.”#An Biă 3:1-10.
35«Môsê ne yơh, gơñu hơngah lôi, dăp pơhiăp laĭ, “Lơi bơdŏ br̂ơi ih ngă khua wai-lăng, dăp ngă khua tr̂ĕ kơđi?”#Biă 2:14. Pô ne yơh, Ơi Adai pơđơi nao ngă khua wai-lăng dăp ngă pô song tô̆, yua mơ̆ng ngan ling-jang, pô pơƀôh br̂ơi ñu ƀôh tăm pôm jr̂ơi. 36Pô ne yơh, ba biă gơñu, yua mơ̆ng klơi kơtang myang dăp buă myang mơsêh ñu ngă tăm čal Êjĭp, mơ̆ng Ia Sĭ Myah, dăp mơ̆ng čol dơdang pă pluh thŭn.#An Biă 11:10; Biă 14:16-21, 26-27; Yap 14:33-34. 37Môsê ne yơh, pơhiăp nao pơ nă čo Israel, ñu laĭ, “Ơi Adai ti bơdŏ đĭ pô ba pơhiăp ha r̂ăng br̂ơi gô-ih hla ti kâo, mơ̆ng môt yŏng dơi gô-ih.”#An Juăt 18:15, 18. 38Pah nă plơi lan jnŭm hr̂ŏm gŏp gơñu pơ čol dơdang, Môsê ne yơh dŏ hr̂ŏm môt ơi don ta, dăp dŏ hr̂ŏm ling-jang he mơ̆n, pô pơhiăp hr̂ŏm ñu mơ̆ng kŏ čĭ Sinai. Môsê tô̆ klơi pơhiăp hơdĭp#7:38 Klơi pơhiăp hơdĭp ne čiăng laĭ klơi juăt Ơi Adai pha br̂ơi môt Israel mơ̆ng kŏ čĭ Sinai. An Lêwi 18:5. ba nao mop br̂ơi môt ta.#An Biă 19:17; 24:3; Juăt 32:45-47. 39Ơi don môt ta bĭ phom ngư̆ tui ñu ôh, gơñu klĭ lôi Môsê, jr̂ŏng nŭn bŭt gơñu wih glaĭ pơ čal Êjĭp dŏng,#An Biă 16:3. 40nĭng nŭn yơh, gơñu pơhiăp hr̂ŏm Ơrô̆n, gơñu laĭ, “Ngă br̂ơi mơi hup yang wŏ, čiăng ñu ba glan mơi, yua ƀŏk a Môsê nŭn, pô ba mơi biă mơ̆ng čal Êjĭp, mơi bĭ thâo kr̂ăn laĭ ñu pŏ klơi yĕt ôh.”#An Biă 32:1. 41Pah anŭn, gơñu ngă hup nă mo, jr̂ŏng nŭn ba nao čĭm ngă yang ti hup nŭn, dăp hôk-blôk mơ̆ng buă ngan gơñu ngă.#An Biă 32:2-6. 42Pah anŭn, Ơi Adai wih lôi mơ̆ng gơñu, dăp poi lôi gơñu br̂ơi kơkuh pơpô̆ yang r̂ơi yang blan dăp pơtŭ ngŏ adai,#7:42 Yang r̂ơi yang blan dăp pơtŭ ngŏ adai Krĭk laĭ «Phung tơhan ngŏ adai.» An Yêr 19:13. hla ti klơi a čih čr̂oh tăm hla hr̂ă môt ba pơhiăp Ơi Adai, ñu laĭ:
“Ơ phung-wang Israel,
Pă pluh thŭn gô-ih dŏ mơ̆ng čol dơdang,
Gô-ih pơdjai čĭm-br̂ĭm ngă yang,
Gô-ih bĭ pơyŏl pơ kâo ôh.
43Gô-ih djă ba sang seng tŏng yang Môlok,
Dăp pơtŭ yang Rêmphăn,
Hup yang nŭn gô-ih ngă čiăng kơkuh pơpô̆.
Yua nĭng nŭn yơh kâo mơ̆ng pơpŏl lôi gô-ih,
Nao hloh lôi mơ̆ng čal Ƀaƀilôn dŏng.”#Klơi ne tô̆ mơ̆ng Êmôh 5:25-27.
44«Môt ơi don ta hmâo sang seng tŏng klơi uăn bơgop mơ̆ng čol dơdang, gơñu ngă sang seng tŏng nŭn hla ti Ơi Adai pơto br̂ơi Môsê, dăp pơtă br̂ơi ñu ngă hla tui hup sang seng tŏng ñu ƀôh nŭn.#An Biă 25:8-9; 40:16-33. 45Ơi don ta tô̆ sang seng tŏng nŭn, djă ba mŭt tăm lŏn-ia hr̂ŏm Yôsuê, lŏn-ia nŭn gơñu mă tô̆ mơ̆ng sô̆n-sat pơkŏn-pơkŏn, môt sô̆n-sat Ơi Adai pơpŏl đuĕ ti năp môt ơi don ta. Sang seng tŏng nŭn dŏ khă tơl nôk Đawit.#An Yôs 3:14-17; 18:1; 23:9. 46Ơi Adai bŏ bŭt mơ̆ng Đawit, jr̂ŏng nŭn Đawit dueh ngă sang ha boh br̂ơi Ơi Adai Yang Yakô̆p.#An 2Săm 7:1-16. 47Plai dŏng, Salômôn yơh, pô ngă sang br̂ơi Ơi Adai.#An 1Pơtao 6:1-38. 48Plai Ơi Adai Yang Glong Hloh, ñu bĭ dŏ tăm sang ngan nă mơnuih ngă ôh,#An 1Pơtao 8:27. hla ti pô ba pơhiăp Ơi Adai r̂ă čr̂oh hlâo, ñu laĭ:
49“Khua Yang pơhiăp laĭ,
‘Adai yơh gr̂e pơtao kâo,
Lŏn kơnah, gôl đăl plă le kâo.
Gô-ih ti ngă sang hiư̆m pă br̂ơi kâo,
Lơ ƀon hiư̆m pă kâo ti bơdơi?
50Hiư̆m, bĭ djơ̆ ngan kâo ôh,
Bơjr̂ŏng bih-tih nŏ nŭn?’”#Klơi ne tô̆ mơ̆ng Êsai 66:1-2. An 1Pơtao 8:27 mơ̆n.
51«Ơ mơnuih găng kŏ,#7:51 Găng kŏ Krĭk laĭ «Găng tơkoi.» An Biă 32:9. gih mơnuih hmâo bŭt-tai hmâo amăng ngai bĭ tr̂ĕ klĭ!#An Juăt 10:16; Yêr 4:4; 6:10. Gih bơgăng glaĭ mơ̆ng Yang Bơngăt Hiam nao-nao, gih bĭ phar̂a mơ̆ng môt ơi don gih ôh! 52Hiư̆m, hmâo mơ̆n pô ba pơhiăp Ơi Adai ha r̂ăng, môt ơi don gih bĭ bơjăm bơjuă ngă set? Bĭ hmâo ôh! Môt ơi don gih pơdjai lôi bih mơnuih r̂ă lôi hlâo, mơ̆ng buă pô kơpă-hnŏng ti r̂ai. Nêne dŏng, gih mop lôi pô nŭn, dăp pơdjai lôi ñu he mơ̆n. 53Gih tô̆ klơi juăt tui tam môt ling-jang pơtă čr̂oh, plai dŏng, gih bĭ ngă tui ôh!»
R̂ăng jiah pơdjai lôi Stêphan mơ̆ng bohtâo
54Tơl môt khua tr̂ĕ kơđi hmĭ nĭng nŭn, bŭt gơñu hêl Stêphan kơtang jat, nŭn gơñu kĕ mŏñ. 55Plai Stêphan dŏng, ñu bŏ mơ̆ng Yang Bơngăt Hiam, jr̂ŏng nŭn ñu ep đĭ pơ adai dih, ñu ƀôh klơi gơdr̂ih-gơdr̂ŏng Ơi Adai, dăp ƀôh Yêsu dŏ dŏng gah nuă Ơi Adai he mơ̆n. 56Ñu pơhiăp laĭ: «Ep dih wŏ! Kâo ƀôh adai pih,#An Mat 3:16. dăp ƀôh Nă Mơnuih dŏ dŏng gah nuă Ơi Adai.» 57Plai dŏng, môt gơñu ôl đĭ kơtang, dăp đŏt lôi amăng ngai gơñu, jr̂ŏng nŭn bih gơñu kluh nao pơ Stêphan, 58nŭn gơñu dui biă lôi Stêphan gah ia-wang plơi, jr̂ŏng nŭn tô̆ bohtâo jiah ñu. Môt hmĭ kơđi nŭn, gơñu toh lôi ao phyông gơñu, čr̂oh ti le dơdăm ha r̂ăng a iâo ƀŏ ñu Sôl.#7:58 Tui tam klơi juăt Môsê, jơ̆ laĭ mơnuih hmâo kơđi a ti pơdjai lôi ñu, nŭn môt hmĭ jel kơđi nŭn, djơ̆ gơñu yơh ti tô̆ bohtâo jiah mơnuih ngă glaĭ nŭn hlâo r̂ăng (an Juăt 17:6-7). Hla nŭn yơh, môt hmĭ kơđi Stêphan mơ̆ng toh lôi ao phyông gơñu, čiăng huai hơki tô̆ bohtâo jiah pơdjai lôi Stêphan. 59Pah gơñu dŏ jiah Stêphan mơ̆ng bohtâo, nŭn Stêphan iâo đĭ Khua Yang: «Ơ Khua Yang Yêsu, dueh mơ̆ng ih hăp tô̆ bơngăt kâo he!»#An Lŭk 23:46. 60Jr̂ŏng nŭn ñu tŏ ŭt, dăp iâo đĭ kr̂aih, ñu laĭ: «Ơ Khua Yang! Dueh mơ̆ng ih, anăm djă čr̂oh klơi gơñu ngă glaĭ ne ôh.»#An Lŭk 23:34. Tơl ñu pơhiăp nĭng nŭn jr̂ŏng boih, nŭn ñu djai hĕ.#7:60 Ñu djai hĕ Krĭk laĭ «Ñu pĕt hĕ.» An Mat 9:24.
Currently Selected:
Buă Ngă 7: JKB
Highlight
Copy
Compare
Share
Want to have your highlights saved across all your devices? Sign up or sign in
© 2024, Wycliffe Bible Translators, Inc.