Buă Ngă 3
3
Pêtrôih pơhuai mơnuih lơwen
1Hmâo ha r̂ơi, Pêtrôih dua ñu Yôhan đĭ nao pơ sang yang, mông klâo jĕ klăm, mông nŭn mông a iâo-laĭ. 2Ti amăng jang sang yang, a iâo “Amăng Jang Hiam,” hmâo đahkơi ha r̂ăng lơwen mơ̆ng r̂ơi a pơpôn ñu, r̂ĭm r̂ơi r̂ăng kông ba nao ñu, čr̂oh ti amăng nŭn, čiăng ñu dueh len mơ̆ng mơnuih mŭt nao tăm lan sang yang. 3Tơl ñu ƀôh Pêtrôih dua ñu Yôhan ti mŭt nao tăm lan sang yang, nŭn ñu dueh len mơ̆ng gơñu. 4Pêtrôih dua ñu Yôhan ep pơčŏng nao pơ ñu, nŭn Pêtrôih pơhiăp laĭ: «Ep r̂ai pơ mơi wŏ!» 5Pô lơwen nŭn ep nao, yua ñu khư̆t laĭ ti hmâo nŏ yĕt mơ̆ng môt gơñu. 6Nŭn Pêtrôih pơhiăp laĭ: «Pr̂ăk maih kâo bĭ hmâo ôh, plai dŏng nŏ kâo hmâo, kâo ti br̂ơi ih. Mơ̆ng ƀŏ Yêsu Krih plơi Nasaret, br̂ơi ih gŭ đĭ bat wŏ!» 7Pêtrôih mă ngan gah nuă ñu, jr̂ŏng nŭn dui đĭ. Pah anŭn he boih, plă le ñu, dăp boh kĕñ le ñu găng đĭ tăñ. 8Pyut, ñu gŭ đĭ, jr̂ŏng nŭn bat. Nŭn ñu mŭt nao tăm lan sang yang hr̂ŏm gơñu, ñu bat he, kơplŏng he, dăp pơpô̆ bơni Ơi Adai he mơ̆n. 9Bih-tih nă plơi lan ƀôh ñu bat he, pơpô̆ bơni Ơi Adai he, 10nŭn gơñu hr̂ŭk-hr̂ăk tăm bŭt, dăp tuêl mơ̆ng buă nŭn, yua gơñu thâo kr̂ăn laĭ, ñu mơnuih juăt dŏ ben dueh len ti amăng jang sang yang a iâo “Amăng Jang Hiam.”
Pêtrôih pơto tăm lan sang yang
11Pah đahkơi nŭn dŏ djă ngan Pêtrôih dua ñu Yôhan, nŭn bih-tih nă plơi lan hr̂ŭk-hr̂ăk tăm bŭt, dăp kluh nao hyom dŏ jŭm dăl môt gơñu, ti he a iâo “He Salômôn.” 12Tơl Pêtrôih ƀôh nĭng nŭn, ñu pơhiăp nao pơ gơñu: «Ơ môt Israel, yua yĕt gô-ih tuêl mơ̆ng buă ne? Yua yĕt gô-ih ep mơi, hla ti mơi hmâo klơi kơtang myang mơi pô, lơ klơi kơpă hiam mơi pô, ngă br̂ơi mơnuih ne thâo bat? 13Ơi Adai, Yang Abrahăm, Isă, dăp Yakô̆p, Yang ơi don môt ta,#An Biă 3:15. ñu nŭn yơh pô̆ đĭ Yêsu, pô ngă buă ñu, br̂ơi hmâo klơi gơdr̂ih-gơdr̂ŏng. Gô-ih mop lôi Yêsu pơ Pilat, jr̂ŏng nŭn, tơl Pilat ti klaih lôi ñu, gô-ih laĭ, gô-ih bĭ phom tô̆ ñu ôh. 14Gô-ih bĭ phom tô̆ pô lơgoh hiam, dăp kơpă-hnŏng, nŭn gô-ih dueh mơ̆ng Pilat čiăng ñu klaih br̂ơi gô-ih, pô pơdjai mơnuih.#An Mat 27:15-26; Mak 15:6-15; Lŭk 23:1-25; Yôh 18:28—19:16. 15Gô-ih pơdjai lôi Khua Klơi Hơdĭp, plai dŏng Ơi Adai bơdĭp glaĭ ñu mơ̆ng môt djai. Mơi ne yơh, môt ƀôh jel mơ̆ng buă Ơi Adai bơdĭp glaĭ ñu.#An Buă 1:8. 16Ƀŏ Yêsu yơh, ngă br̂ơi le đahkơi gô-ih ƀôh, dăp thâo kr̂ăn ne, găng đĭ, klơi nŭn r̂ai mơ̆ng klơi mơi ngư̆ ƀŏ Yêsu. Klơi ngư̆ r̂ai mơ̆ng Yêsu nŭn ngă br̂ơi ñu huai hla ne, ti năp bih-tih gô-ih.
17«Plai dŏng, ơ yŏng dơi, kâo thâo kr̂ăn laĭ, gô-ih dăp môt khua gô-ih pơdjai lôi Yêsu, r̂ai mơ̆ng gô-ih bĭ thâo hông ôh.#An Lŭk 23:34. 18Plai Ơi Adai dŏng, ñu bơjr̂ŏng lôi klơi ñu r̂ă čr̂oh hlâo mơ̆ng amăng bah môt ba pơhiăp Ơi Adai, tui tam buă gô-ih ngă nŭn, ñu laĭ, Yang Krih ñu r̂ih ne,#3:18 Yang Krih ñu r̂ih ne Krĭk laĭ «Yang Krih ñu.» ti tô̆ klơi kơnap-tap. 19Nĭng nŭn yơh, br̂ơi gô-ih pơlih bŭt-tai wŏ, dăp wŏt glaĭ pơ Ơi Adai, čiăng ñu lŏm lôi klơi glaĭ gô-ih, 20čiăng gô-ih hmâo r̂ơi mông bơdơi r̂ai mơ̆ng Khua Yang,#3:20 Čiăng gô-ih hmâo r̂ơi mông bơdơi r̂ai mơ̆ng Khua Yang Krĭk laĭ «Čiăng r̂ơi mông bơdơi r̂ai mơ̆ng ƀŏ Khua Yang.» čiăng ñu pơđơi r̂ai Yêsu, Yêsu nŭn yơh mơnuih Ơi Adai r̂ih jr̂ŏng Yang Krih br̂ơi gô-ih. 21Ñu ti dŏ pơ adai dih khă tơl Ơi Adai pơkr̂a glaĭ bih-tih nŏ yĕt-yĕt, hla ti Ơi Adai pơhiăp tui tam amăng bah môt ba pơhiăp lơgoh hiam ñu, tô̆ mơ̆ng tha đim. 22Môsê pơhiăp laĭ: “Ơi Adai Khua Yang gô-ih, ñu ti bơdŏ đĭ pô ba pơhiăp ha r̂ăng br̂ơi gô-ih hla ti kâo, mơ̆ng môt yŏng dơi gô-ih. Br̂ơi gô-ih hmĭ tui bih-tih klơi ñu pơhiăp hr̂ŏm gô-ih wŏ. 23Lơi pô bĭ hmĭ tui ñu ôh, pô nŭn a ti bơr̂ăm lôi ñu mơ̆ng môt nă plơi lan.”#Klơi ne tô̆ mơ̆ng Juăt 18:15, 18-19. 24Bih-tih môt ba pơhiăp Ơi Adai, tô̆ mơ̆ng Sămyu-el tr̂uh pơ môt dơdơi ñu dŏng, gơñu r̂ă r̂oi mơ̆ng nôk ne mơ̆n. 25Gô-ih yơh nă čo môt ba pơhiăp Ơi Adai, dăp nă čo klơi uăn bơgop Ơi Adai kă hr̂ŏm ơi don gô-ih, hla ti Ơi Adai pơhiăp hr̂ŏm Abrahăm: “Bih-tih khŭl-khap mơ̆ng lŏn kơnah ti hmâo klơi nŭk-nua yua mơ̆ng djuoi ih.”#Klơi ne tô̆ mơ̆ng Phŭn 12:3; 22:18. 26Ơi Adai bơdŏ đĭ Yêsu,#3:26 Ơi Adai bơdŏ đĭ Yêsu lơ «Ơi Adai bơdĭp glaĭ Yêsu.» pô ngă buă ñu, nŭn ñu pơđơi Yêsu r̂ai pơ gô-ih hlâo,#An Rôm 1:16. čiăng pơwih br̂ơi tơgr̂ư̆ gô-ih weh lôi mơ̆ng glan set gô-ih ngă, nĭng nŭn yơh ñu mơ̆ng pha br̂ơi gô-ih klơi nŭk-nua.»
Currently Selected:
Buă Ngă 3: JKB
Highlight
Copy
Compare
Share
Want to have your highlights saved across all your devices? Sign up or sign in
© 2024, Wycliffe Bible Translators, Inc.