Buă Ngă 28
28
Pôl dŏ mơ̆ng kuăl Mêlit
1Tơl mơi tr̂uh nao pơ hang mơ̆ng klơi nŭk-nua boih, nŭn mơi thâo kr̂ăn laĭ kuăl nŭn a iâo “Kuăl Mêlit.” 2Mơnuih dŏ mơ̆ng kuăl nŭn ngă hiam jat hr̂ŏm mơi. Gơñu r̂ŏm phui jr̂ŏng nŭn iâo nao bih-tih môt mơi, yua adai jan dăp ŏt. 3Pôl yô môč lơñăm kơyâo ha pi, ba r̂ai pơ ƀon a r̂ŏm phui. Pah ñu dŏ plĕ lơñăm tăm phui, nŭn hmâo alua biă r̂ai, yua ñu pơđao, jr̂ŏng nŭn alua nŭn čoh kơđit ngan Pôl. 4Tơl môt dŏ mơ̆ng kuăl nŭn ƀôh alua dĭl-dŭl mơ̆ng ngan Pôl, gơñu pơhiăp nao r̂ai gŏp gơñu: «Mơnuih ne pơdjai r̂ăng yơh, wŏt dah ñu bĭ djai mơ̆ng ia sĭ ơ mơ̆n, yang klơi kơpă#28:4 Môt sô̆n-sat Krĭk mơ̆ng đim ngư̆ laĭ, hmâo yang ha tô̆ a iâo ñu Yang Klơi Kơpă. Jơ̆ laĭ mơnuih pơdjai r̂ăng, yang nŭn bĭ br̂ơi ñu dŏ dĭp ôh. dŏ nŏng bĭ br̂ơi ñu dŏ dĭp le.» 5Plai Pôl hơdjah lôi alua nŭn tăm phui, ñu bĭ wă-nuă jr̂a.#An Lŭk 10:19. 6Gơñu khư̆t laĭ Pôl ti bơbr̂ah, lơ ñu ti djai dĭng dŏng tăñ. Plai dŏng, tơl gơñu dŏ gon wĭ boih, gơñu bĭ ƀôh Pôl ngă hiư̆m-hiư̆m le, nŭn gơñu khư̆t kr̂a dŏng, gơñu laĭ, ñu yang yơh.
7Jĕ ƀon nŭn hmâo kơnah ha ƀon, kơnah nŭn kơnah khua kuăl, a iâo ƀŏ ñu Puplieh, ñu hăp tô̆ mơi, mơ̆ng klơi ak-oi, br̂ơi mơi dŏ mơ̆ng sang ñu klâo r̂ơi. 8Pah anŭn, ma Puplieh duăm dăp wă čian dit he, nŭn Pôl mŭt nao tăm nih ñu, jr̂ŏng nŭn iâo-laĭ ah ngan ngŏ ñu, pơhuai br̂ơi ñu huai. 9Jr̂ŏng nŭn, bih mơnuih wă-nuă dŏ mơ̆ng kuăl Mêlit, gơñu nao pơ Pôl, jr̂ŏng nŭn Pôl pơhuai br̂ơi gơñu huai. 10Gơñu pơpô̆ bơyom mơi jat. Jr̂ŏng nŭn, tơl mơi ti đĭ kŏmpăn biă đuĕ, gơñu pha br̂ơi mơi tơgr̂ư̆ hnă mơi tŏng-kan.
Pôl tr̂uh pơ plơi Rôm
11Hmâo kŏmpăn r̂ai mơ̆ng plơi Alĕk-santrie, kŏmpăn nŭn bơdơi mơ̆ng kuăl Mêlit pah yan ŏt mơ̆n. Mơi dŏ mơ̆ng kuăl Mêlit klâo blan, jr̂ŏng nŭn mơi đĭ kŏmpăn nŭn biă đuĕ mơ̆ng kuăl nŭn. Kŏmpăn nŭn hmâo hup yang Nă Ta Pă. 12Tơl mơi tr̂uh pơ plơi Sirakuh, mơi dŏ pơ anŭn klâo r̂ơi. 13Jr̂ŏng nŭn, mơi biă đuĕ mơ̆ng anŭn, nao tr̂uh pơ plơi Rêkiem. Ha r̂ơi dơdơi mơ̆ng anŭn dŏng, hmâo angĭn bă r̂ai mơ̆ng ping gah nuă, nŭn mơi bat nao tr̂uh pơ plơi Puti-yôli dua r̂ơi đơč. 14Pơ anŭn, mơi pŏ môt yŏng dơi, nŭn gơñu jak mơi dŏ hr̂ŏm gơñu juh r̂ơi. Jr̂ŏng nŭn, mơi bat nao pơ plơi Rôm dŏng. 15Môt yŏng dơi dŏ pơ plơi Rôm, gơñu hmĭ laĭ mơi iă ti tơl boih, nŭn gơñu r̂ai tơkă mơi gơi plơi a ƀuo bơdr̂o a iâo “Aphieh,” dăp plơi a iâo “Plơi Sang Klâo Boh.” Tơl Pôl ƀôh gơñu, ñu bơni Ơi Adai, nŭn jai ñu hmâo pr̂an.
16Tơl mơi tr̂uh nao pơ plơi Rôm boih, r̂ăng br̂ơi Pôl dŏ sang ha dr̂ơi ñu, hr̂ŏm tơhan ha r̂ăng gak ñu.
Pôl pơhiăp hr̂ŏm môt ba kŏ sô̆n-sat Yuđa mơ̆ng plơi Rôm
17Klâo r̂ơi dơdơi mơ̆ng anŭn, Pôl iâo r̂ai môt ba kŏ sô̆n-sat Yuđa dŏ mơ̆ng plơi Rôm. Tơl gơñu pơtŭm gŏp gơñu boih, Pôl pơhiăp nao pơ gơñu: «Ơ yŏng dơi, kâo bĭ ngă glaĭ nŏ yĕt hr̂ŏm sô̆n-sat ta ôh, lơ bơgăng glaĭ mơ̆ng klơi juăt môt ơi don ta le, plai dŏng, r̂ăng mă kâo mơ̆ng plơi Yêrusalĕm, jr̂ŏng nŭn mop nao kâo tăm ngan môt sô̆n-sat Rôm.#An Buă 21:27-35; 23:23-24. 18Tơl môt sô̆n-sat Rôm kơña kâo jr̂ŏng boih, gơñu čiăng klaih lôi kâo, yua kâo bĭ hmâo kơđi găl ti djai ôh.#An Buă 26:31-32. 19Plai dŏng, môt sô̆n-sat Yuđa bơjah glaĭ, nĭng nŭn yơh, kâo mơ̆ng ba r̂ai kơđi ne pơ Sêsa, bĭ djơ̆ kâo hăt phong kơđi sô̆n-sat kâo pô ôh.#An Buă 25:10-11. 20Yua nĭng nŭn yơh, kâo mơ̆ng iâo r̂ai gô-ih, čiăng ƀôh gô-ih dăp pơhiăp hr̂ŏm gô-ih. Yua kâo čang-mang klơi hơdĭp glaĭ, hla ti môt sô̆n-sat Israel čang-mang mơ̆n, yua nŭn yơh, r̂ăng mơ̆ng kă kâo mơ̆ng čơwăk ne.»#An Buă 23:6; 26:6-7. 21Gơñu til glaĭ: «Mơi bĭ hmâo hla hr̂ă yĕt r̂ai mơ̆ng čal Yuđa r̂ă r̂oi mơ̆ng ih ôh, dăp bĭ hmâo yŏng dơi pă r̂ai r̂ă br̂ơi mơi lơ pơhiăp yĕt set mơ̆ng ih le. 22Plai dŏng, mơi čiăng hmĭ mơ̆ng ih mơ̆n, hiư̆m pă klơi ih ngư̆, yua mơi hmĭ laĭ, r̂ăng bơgăng glaĭ mơ̆ng môt ngư̆ klơi ne tơgr̂ư̆ ƀon.»
Pôl r̂ă r̂oi klơi phr̂âo hiam mơ̆ng plơi Rôm
23Gơñu pơkă r̂ơi čiăng nao pơ Pôl dŏng. Tơl r̂ơi nŭn, hmâo mơnuih nao pơ sang Pôl lô hloh mơ̆ng ahlâo. Pôl bơblang br̂ơi gơñu, tô̆ mơ̆ng guah tơl klăm, ñu r̂ă pơthâo br̂ơi gơñu mơ̆ng klơi Ơi Adai wai-lăng, dăp alôm gơñu čiăng gơñu ngư̆ Yêsu, r̂ai mơ̆ng hla hr̂ă klơi juăt Môsê, dăp hla hr̂ă môt ba pơhiăp Ơi Adai. 24Mơnuih pơanah ngư̆ klơi ñu pơhiăp nŭn, mơnuih pơanah dŏng bĭ ngư̆ ôh. 25Gơñu iă ti biă đuĕ, dăp khư̆t phar̂a-phar̂a mơ̆ng gŏp gơñu, pah anŭn Pôl pơhiăp ha kho dŏng, ñu laĭ hla ne: «Djơ̆ yơh, klơi Yang Bơngăt Hiam pơhiăp nao pơ môt ơi don gô-ih,#28:25 Hla hr̂ă Buă hađăp jat mơ̆ng đim a čih mơ̆ng ngan laĭ gô-ih. Hla hr̂ă dơdơi iă pơanah laĭ «Ta.» tui tam Êsai pô ba pơhiăp Ơi Adai, ñu laĭ:
26“Br̂ơi ih nao pơ nă plơi lan ne wŏ dăp laĭ:
‘Gô-ih ti hmĭ dơdi, plai bĭ hông ôh,
Gô-ih ti ƀôh jel mơ̆n, plai bĭ thâo jr̂a.’
27Yua bŭt nă plơi lan ne kơpĭl boih,
Amăng ngai gơñu kơpal kơnap hmĭ,
Gơñu djĕp lôi săl ta gơñu,
Huĭ săl ta gơñu ƀôh,
Amăng ngai gơñu hmĭ,
Bŭt gơñu hông jr̂ŏng nŭn gơñu wŏt glaĭ,
Huĭ kâo ngă pơhuai br̂ơi gơñu huai.”#Klơi ne tô̆ mơ̆ng Êsai 6:9-10.
28Nĭng nŭn yơh, br̂ơi gô-ih thâo kr̂ăn laĭ, Ơi Adai pơđơi klơi pơklaih ne nao pơ môt sô̆n-sat pơkŏn dŏng, nŭn gơñu ti hmĭ tui yơh.»#An Buă 13:46. 29[Nĭng nŭn yơh, môt sô̆n-sat Yuđa mơ̆ng biă đuĕ, dăp bơjah gŏp gơñu kơtang-kơtĭt, yua mơ̆ng klơi Pôl pơhiăp nŭn.]#28:29 Hla hr̂ă Buă hađăp jat mơ̆ng đim a čih mơ̆ng ngan bĭ hmâo ôh jlan ne. Hla hr̂ă dơdơi iă pơanah hmâo, pơanah bĭ hmâo.
30Pôl dŏ pơ anŭn dua thŭn, sang ñu dŏ nŭn ñu br̂ơi len. Ñu hăp tô̆ bih-tih mơnuih nao pơ ñu. 31Ñu r̂ă r̂oi mơ̆ng klơi Ơi Adai wai-lăng, dăp pơto mơ̆ng Khua Yang Yêsu Krih mơ̆ng klơi khĭn, bĭ hmâo mơnuih lơi khă lôi ñu ôh.
© 2024, Wycliffe Bible Translators, Inc.