I Ttessalonicanaċ 1
1
Caibidil I
Ata díṫċeall na Dtessalonicanaċ, 6 ioná scaṫan do na huile Ċriosduiġiḃ.
1Pol, agus Silḃánus, agus Timotéus, ċum eagluise na Dtessalónicanaċ a Ndía Aṫar, agus sa Dtíġearna Iósa Críosd: Grása maille riḃ, agus síoṫċáin ó Ḋía ar Naṫair, agus ón Dtíġearna Iósa Críosd.
2Beirmíd buiḋeaċas ré Día do ṡíor ar ḃur sonsa uile, dá ḃur gcoiṁniuġaḋ ann ar núrnuiġiḃ; 3Gan sgur dá ḃeiṫ ag coiṁniuġaḋ ḃur nobair creidiṁ, agus sáoṫar carrṫannaċda, agus foíġide ḃur ṁuiniġne ann ar Dtíġearna Iósa Críosd, a bfíaḋnuisi Dé éaḋon ar Naṫair: 4Ar mbeiṫ fios ḃur ndoġasa aguinn, a ḋearḃráiṫre, as ionṁuin ré Día. 5Oír ní a mbréiṫir aṁáin do ḃí an soisgéul do rinneamar a ṡeanmóir ḋaóiḃse, aċd sa Sbiorad Náoṁ, agus a láindearḃṫaċd; do réir mar as aiṫniġ ḋíḃ an gléus ann a raḃamar ḃur measg ar ḃur sonsa. 6Agus do rinneaḋ luċd leanṁana ḋúinne, agus don Tíġearna ḋíḃ, ar ngaḃáil na breiṫre ċuguiḃ a mbuáiḋirt ṁóir, maille ré gairdeaċas an Sbiorad Naóiṁ: 7Ionnas go raḃaḃair ḃur neisiompláiriḃ don ṁéid agá ḃfuil creideaṁ a Macedónia agus a Naċaía. 8Oír do clós fuáim ḃréiṫre an Tíġearna uáiḃse amaċ, ní hé aṁáin a Macedónia agus a Naċaía, aċd do leaṫnuiḋ ḃur gcreideaṁ a Ndía sa nuile áit mar an gcéudna; ionnas naċ ḃfuil na ríaċdanas oruinne éinní laḃairt. 9Oír foillsiġid féin oruinn, cionnas do ċúaḋmar a steaċ ċuguiḃse, agus an gléus air ar ḟill siḃsé ó íoḋaluiḃ ċum Dé ċum seirḃíse do ḋéunaṁ don Día ḃéo ḟírinneaċ; 10Agus ċum fuireaċ ré na Ṁac ó neaṁ, noċ do ṫóg sé súas ó ṁarḃuiḃ, eaḋon Iósa, ṡáorus sinne ón ḃfearg atá ċum teaċda.
Currently Selected:
I Ttessalonicanaċ 1: BedellG
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society in 1817.
