التكوين 1

اليوم الأول

1في البدایة ﷲ خلق السما و الأرض. 2و ھجدي ﷲ بدأ، كانت الأرض ما لیھا شكل، فاضیة و ما فیھا حیاة. و الظلمة مغطية وجه الماي الغزیر، و روح ﷲ یرفرُف فوق الماي. 3و ﷲ قال: «كون نور» و صار نور. 4و ﷲ شاف أن النور روعة. و بعدین ﷲ فرّق بین النور و الظلمة. 5و سمّى ﷲ النور نھار، و الظلمة لیل. و صار في لیل و صار في نھار، و ھدا كان أوّل یوم في الخلق.

اليوم الثاني

6و في الیوّم الثاني ﷲ قال: كوني فضاوه في وسط الماي، 7عشان تفصل بین الماي إلا تحت و الماي إلا فوق في غیوم السما. و صار إلا قاله، و ﷲ سمّى الفضاوة سمّى. 8و خلق ﷲ جوف السما و فصل الماي إلا تحتھا عن الماي إلا فوقھا. و صار فيه لیل و صار في نھار، و ھدا ھو الیوّم الثاني.

اليوم الثالث

9و في الیوّم الثالث ﷲ قال: بنجمع الماي إلا على وجه الأرض في مكان واحد، عشان تبیّن الجھة الیّابسة. و صار إلا قاله. 10و ﷲ سمّى الجهة الیّابسة أرضّ. و الماي المُجمّع سماه بحر. و الله شافها كلھا روعة. 11بعدین قال ﷲ: «یا أرضّ، أنبِتي كل أنواع الشجر و النباتات: و طلعّ منھا بُدُور عشان تتكاثر من جدید.» 12و صار إلا قاله و نبتت الأرض أعشاب و بُقُول من نفس النوع. ﷲ شاف إنھا روعة. 13و صار في لیل و صار في نھار، و ھدا ھو الیوّم الثالث.

اليوم الرابع

14و ﷲ قال: بنحط أنوار في جوف السّماء یفصل بین النھار و اللیل، و الأنوار بتكون علامات تحدد أوقات الفُصول و الأیّام و السنین. 15و بنخلي ھدي الأنوار في جوف السّماء عشان تضوي الأرض. و چدي ﷲ خلقھم. 16أوّل شي خلق ﷲ نورین عظیمین: النور القويّ مسؤول عن النھار و النور الضّعیف مسؤول عن اللیل. و بعد خلق النجوم 17و ﷲ حطها في جوف السما عشان تنور الأرض. 18و تتحكم في النھار و اللیل و بعد تفصل بین النور و الظُلّمة. و ﷲ شاف إنھا روعة. 19و صار في لیل و صار في نھار، و ھدا ھو الیوّم الرّابع.

اليوم الخامس

20و ﷲ قال: بنعبي الماي مخلوقات حیّة. و طیور تطیر في الجو. 21و ﷲ خلق مخلوقات بحریّة ضخمة. و بعد ترس الماي مخلوقات حیة أشكال و ألوان تتحرك في الماي. و خلق طیور تطیر من كل نوع و فیھا أجّنحة. و شاف ﷲ إن شغله روعة. 22و بارَك ﷲ الحیوانات و خلاھم یتكاثروا و یترسوا ماي البحر. و خلى الطّیور تزید في الأرض. 23و صار في لیل و صار في نھار، و ھدا ھو الیوّم الخامس.

اليوم السادس

24و ﷲ قال: بخلق على الأرض أصناف مختلفة من الحشرات و الزواحف و الحیوانات بكل أنواعھا وصار إلا قاله. 25وخلق الله وحوش الأرض، والبهايم، وكل الزواحف، كل وحدة على نوعها. وشاف الله إلا سواه روعة. 26و بعدین قال بنخلق الإنسان على صورتنا و شبھنا عشان یتحكموا في السمچ إلا في البحر، و الطیور إلا في السما. و الحیوانات و الزواحف إلا على الأرض. 27و ﷲ خلق الإنسان على صورته، على صورته ﷲ خلقھم رجال و مَرَه. 28و باركھم و قال إلیھم: تزوجوا و جیبوا أولاد و إنتشروا في الأراضي، و الأرض تحت إیدكم. عندكم و ليكم كاملة على السمچ إلا في البحر و الطیور إلا في السّماء و على كل الحیوانات إلا عایشین على الأرض. 29و بعدین قال إلیھم: «ھدانا عطیتكم كل أنواع النباتات و الأشجار فیھا ثمر و بدور عشان تاكلوا و تشبعوا. 30و كل الحیوانات إلا على الأرض و كل الطّیور إلا في السما و كل نفس حیّة، یجوز ليها تاكل من العشب الأخضر.» 31وصار إلا قاله و ﷲ شاف شغله مرّة روعة. و صار في لیل و صار في نھار، و ھدا ھو الیوّم السّادس

Currently Selected:

التكوين 1: QNAV

Highlight

Compare

Copy