GYUNG: SOO" 36
36
Lo, xo' Bye: Myiyi: yi Da" Mid
1Gilead kung: mo yhoemkhung: voin mo, nghoid nyid da" Makhira da" yuggi zoo: yo' Yoseb da" yuggi zoo: Manashe da" myid: zoo: gi Moshe yo' vhujhung: goo" bang: jhang khyoo: yhe: ago". 2Nya: tang: gi «Aseing gi agyid asoo: moug: ri gamboem kho' wigi Israela byu yiri kho' gam byid: wa shid re" nanu" ri amyeing" byid: too" bye:. Nyang: gi ngoonu" bidnoem Zelopha da" ziyoo jonu" ri nya: myiyi: zoo: yiri byid: wa shid re" nanu" ri amyeing" byid: too" bye:. 3Nghoid loug we' nyangnu" gi gootu: akung: mo yuggi yi yo' lo, xo' nghoid rigi nyangnu" jonu" gi hau: akung: bang: seing: wa zi nghoid ziyo' ngoonu" da" gamboem joem gi neing: byug wa zi nghoid ziri boin: ge'. 4Doem tau" byid: da" zain ri oung" pyam bye: da" jonu" dangain" ri xang: shi" seing: da" bang: ri doem tau" byid: lang" Zelopha nya: zoomyi: zoo: yi da" jonu" gi nyangnu" lo, xo' yu da" akung: khyoo: khanham we' loung: byid: wigi ngoonu" akung: moo: gi mid mougmyid yoem" lo" byug wa zi nghoid.
5Houg: yoomo Moshe gi Aseing byid: da" vhoo: mo amyeing" dang: joem ri Israela byumyu" yiri byid: bye:. Nyang: gi «Manashe akung: mo mo, tid da" dang: gi jo da:. 6Houg: yoomo Aseing gi Zelopha da" nya: zoomyi: zoo: yigi nyangnu" vho: da" yug ri lo, yo" xo' wa. Nghoid loug we' nyangnu" akung: khoug: mo za: nghoid ca" da:. 7Israela byumyu" yugkhang" moo" da" jonu" gi nyang: nya: akung: moo: jo, ca" da:. 8Israela byumyu" kung: mo mid shau" seing: yu da" myiyi: yugkhang" moo" gi nyang: nya: akung: mo yuggi: ri nyang: lo, xo' yu ca" da:. Hid: khyo" wigi Israela byu yugkhang" moo" gi nya: phoug" phyid" da" jonu" mid ri yo" kham: yu wa zi nghoid. 9Houg: lho: jonu" ri dakung: mo zi dakung: khyoo: athoid byid: wa zi nghoid. Byumyu" kung: khang" moo" gi nyangnu" nya: jonu" ri xo' wigi seing: loo" goo" wa zi nghoid» ga: tid. 10-11Houg: yoomo Zelopha da" nya: myiyi: zoo: yi nghoid da" Mala- Tirza- Hogla- Milkha- Noa bang: gi Aseing wigi Moshe ri amyeing" byid: to" ziyo' dakhyo" koid lho: nyangnu" gi yhoem: vhoo: yhoem: tho' mo mang: nhung" yiri lo, xo' yu boem bye:. 12Nyangnu" gi Yoseb da" yuggi zoo: Manashe byumyu" kung: da" akung: ako'' khoug: mo lo, xo' boem ago". Houg: lho: nyangnu" da" jonu" gi nyangnu" da" nya: pho akung: moo: dajo, jo, da:. 13He: zigi Yerikho mo Yodan gyid lang gu: dab da" Moba jang: pa: moo: Moshe khyo" wigi Israela byumyu" yiri Aseing byid: to" da" tarha" yo' thung" ri: nghoid.
Currently Selected:
GYUNG: SOO" 36: LCL
Highlight
Share
Copy
Want to have your highlights saved across all your devices? Sign up or sign in
Lacid Bible © Bible Society of Myanmar, 2009.