GYUNG: SOO" 29
29
Zain Seig Pui" mo Xoin" Joem
(Xng 23:23-25)
1Lhammoo" nyhed khyab ein: khyab lhoo' xain" danyid" nyid" ri nanu" gi noku wa shid re" zeing: foem: nyid ge'. Moo" azei: goo". Hau: bidnyid moo: laboo" moid boem wa zi nghoid. 2Aseing ri ngei nhang: da" shoem: khyo" nghe' ngei" xoin" ri nyang: ri ngei" byid: we'. Hau: joem gi ce: noo dam abo da" nuloo: bam: dadu: yang loo: dadu: yo' dazain byeung" da" yang lo: nu" nyhed du: nghoid wa. 3Zhainloin: xu: yo' lheig to" da" cen: moin" shivoo: xoin" koem' gi nuloo: bam: dadu: yo' cen: moin" soem: kyen" jain" yang loo: dadu: yo' cen: moin" dajoid: jain" yo' 4yang nu" du: khang" moo" yo' cen: moin" dakyen" jain" ngei" byid: we'. 5Yooboo xoin" khyo" coidbaid loo: dadu: ri we' shugbyid: wigi byumyu" yiri laloem lakhoug: thung" khyo" kyeing sain' pyam byid: we'. 6He: joem ri hau: shivoo: xoin" yo' dage" lhammoo" xain" nyid" ri main: main: nghe' ngei" xoin" yo' shivoo: xoin" we' zabyid yhid: xoin" we' wigi nyid" khang" nyid" nghe' ngei" da" xoin" moo: lung: lho: ngei" byid: we'. He: zoo: noem xoin" gi Aseing ri vho: ngei nhang: da" shoem: nghoid.
Yooboo Khyoid Byid: Bidnyid mo Xoin" Joem
(Xng 23:26-32)
7Lhammoo" nyhed khyab daxi: nyid" nyid" ri noku wa shid re" zeing: foem: nyid ge'. Zoo: noem azoo: goo". Moo" we' azei: goo". 8Aseing ri vho ngei nhang: da" shoem: khyo" nghe' ngei" xoin" ri nyang: ri ngei" byid: we'. Hau: joem gi dam noo abo da" nuloo: bam: dadu: yang loo: dadu: yo' dazain byeung" da" yang nu" nyhed du: nghoid wa. 9Zhainloin: xu: yo' lheig to" da" cen: moin" shivoo: xoin" koem' gi nuloo: bam: dadu: yo' cen: moin" soem: kyen" jain" yang loo: dadu: yo' cen: moin" dajoid: jain" yo' 10yang nu" du: khang" moo" yo' cen: moin" dakyen" jain" ri ngei" byid: we'. 11Yooboo khyoid xoin" khyo" coidbaid loo: dadu: ri we' byumyu" yi shid re" laloem lakhoug: thung" ri: khyo" kyeing" sain' byid: coidbaid xoin" yo' nyid" khang" nyid" mo hau: shivoo: xoin" we' zabyid yhid: xoin" we' wigi nghe' ngei" xoin" moo lung: lho: ngei" byid: ge'.
Zoem" Pui" mo Xoin" Joem
(Xng 23:33-44)
12Lhammoo" nyhed khyab daxe: wim: nyid" nyid" ri noku wa shid re" zeing: foem: nyid we'. Aseing ri ngi: shab da" he: pui" ri nyhed nyid" koid wa. Moo" azei: goo". 13Xang: shi" nyid" ri Aseing ri vho: ngei nhang: da" shoem: zoo: noem xoin" nyang: ri ngei" byid: we'. Hau: joem gi ce: dam noo abo da" nuloo: bam: daxe: soem" du: yang loo: eig du: dazain byeung" yang nu" daxe: myid: du: nghoid wa. 14Zhainloin: xu: yo' lheig to" da" cen: moin" shivoo: xoin" ri koem gi nuloo: du: khang" moo" yo' cen: moin" soem: kyen" jain" yang loo: du: khang" moo" yo' cen: moin" dajoid: jain" yo' 15yang nu" du: khang" moo" yo' cen: moin" dakyen" jain" ri bo boo ca" da" zabyid yhid: xoin" ri ngei" byid: we'. 16Yooboo khyoid xoin" khyo" coidbaid loo: dadu: ri we' ngei" byid we'. He: joem ri nyid" khang" nyid" mo nghe' ngei" xoin" nghoid da" shivoo: xoin" yo' zabyid yhid: xoin" ri lung: lho: ngei" byid: we'.
17Eig nyid" ein: nyid" ri ce: dam noo abo da" nuloo: bam: daxe: eig du: yang loo: eig du: yo' dazain byeung" yang nu" daxe: myid: du: ri ngei" byid: we'. 18-19Hau: gu: yo' dage" xang: shi" nyid" moo ngei" byid: ca" da" gootu: xoin" dangain" ri we' bo ngei" byid: we'.
20Soem" nyid" ein: nyid" ri ce: dam noo abo da" nuloo: bam: daxe: dadu: yang loo: eig du: yo' dazain byeung" yang nu" daxe: myid: du: ri ngei" byid: we'. 21-22Hau: gu: yo' dage" xang: shi" nyid" moo ngei" byid: ca" da" gootu: xoin" dangain" ri we' bo ngei" byid: we'.
23Myid: nyid" ein: nyid" ri ce: dam noo abo da" nuloo: bam daxi: du: yang loo: eig du: yo' dazain byeung" yang nu" daxe: myid: du: ri ngei" byid we'. 24-25Hau: gu: yo' dage" xang: shi" nyid" moo ngei" byid: ca" da" gootu: xoin" dangain" ri we' bo ngei" byid: we'.
26Wim: nyid" ein: nyid" ri ce: dam no abo da" nuloo: bam goug: du: yang loo: eig du: yo' dazain byeung" yang nu" daxe: myid: du: ri ngei" byid: we'. 27-28Hau: gu: yo' dage" xang: shi" nyid" moo ngei" byid: ca" da" gootu: xoin" dangain" ri we' bo ngei" byid: we'.
29Khyug nyid" ein: nyid" ri ce: dam noo abo da" nuloo: bam: shed du: yang loo: eig du: yo' dazain byeung" yang nu" daxe: myid: du: ri ngei" byid: we'. 30-31Hau: gu: yo' dage" xang: shi" nyid" moo ngei" byid: ca" da" gootu: xoin" dangain" ri we' bo ngei" byid: we'.
32Nyhed nyid" ein: nyid" ri ce: dam noo abo da" nuloo: bam: nyhed du: yang loo: eig du: yo' dazain byeung" yang nu" daxe: myid: du: ri ngei" byid: we'. 33-34Hau: gu: yo' dage" xang: shi" nyid" moo ngei" byid: ca" da" gootu: xoin" dangain" ri we' bo ngei" byid we'. 35Shed nyid" ein: nyid" ri noku wa shid re" zeing: foem: nyid ge'. Moo" azei: goo". 36Aseing ri vho: ngei nhang: da" shoem: xoin" khyo" shivoo: xoin" ri nyang: ri nghe' ngei" byid: ge'. Hau: joem gi dam noo abo da" nuloo: bam: dadu: yang loo: dadu: yo' dazain byeung" da" yang nu" nyhed du: nghoid wa. 37-38Hau: gu: yo' dage" xang: shi" nyid" moo ngei" byid: ca" da" gootu: xoin" dangain" ri we' bo ngei" byid: ge'. 39He: da" nghe' ngei" xoin" shivoo: xoin" zabyid yhid: xoin" yo' zoem" khau: xoin" joem gi nanu" tu' to" da" pui" moo: Aseing ri nanu" koid byid: wa da" thung" ri: yo' sen: zi nghoid. He: gu: gi dang: theing ri pyeing byid: anghoid lang" myid bau" xoin" ngei" byid: da" tho' moo: lung: wigi ngei" byid: ca" zi nghoid da:. 40Houg: yoomo Moshe gi Aseing wigi nyang: ri amyeing" byid: to" zi ja: khang" moo" ri Israela byumyu" yiri tid kyoo" bye:.
Lacid Bible © Bible Society of Myanmar, 2009.