XOIN" NGEI" 3
3
Zoem" Khau: Da" Xoin" Joem
1Byu dayug yug gi nya: nu: dadu: ri zoem" khau: da" xoin" khyo" ngei" byid: wa nghoid uri hau: zigi ce: dam abo da" nuloo: anghoid lang" numoo" nghoid ca" da:. 2Hau: yug gi nya: lo, ri gougnyhoug da" vhuloem moo: ke" to" wigi Aseing shidkhoin" zoem" khoem" duang: moo said wa zi nghoid. Arun kung: mo khainjung yigi suid" ri phoin: myid: shoid goin" khyoo: foid sain" goo" wa zi nghoid. 3Houg: lho: vhoo: moo: tid to" da" gougnyhoug gung adu athang: joem rigi xoin" khyo" wigi Aseing ri ngei" byid: wa zi nghoid. Hau: joem gi khoug: loem khoug: seing" mo xu: dangain"- 4Jeingloem: yo' hau: jang" mo xu:- seing" mo ge thang da" du joem nghoid da:. 5Khainjung yigi he: gu: dangain" ziri myi: nghe' xoin" yo' dage" phoin: tho' moo: nghe' ngei" byid: wa zi nghoid. Hau: xoin" da" shoem: gi Aseing ri ngei bu: nhang: wa zi nghoid.
6Yang anghoid lang" coidbaid ri zoem" khau: xoin" khyo" ci: nghoid rigi ce: dam abo da" aloo: anghoid lang" amyhi' nghoid ca" da:. 7Yang dadu: ri ngei" byid: nghoid rigi 8Nyang: gi nya: lo, ri hau: vhuloem tho' moo ke" wigi zoem" shidkhoin" moo: said wa zi nghoid- khainjung yigi suid" ri phoin: myid: shoid goin" khyoo: foid sain" kaid wa zi nghoid. 9Houg: lho: vhoo: moo: tid to" da" gougnyhoug gung adu athang: joem rigi xoin" khyo" wigi Aseing ri ngei" byid: wa zi nghoid. Hau: joem gi xu:- jeingthung" nam mo phyid yu da" shoomyi: xu:- khoug: loem khoug: seing" ri thoeb to" da" xu: dangain"- 10jeingloem: yo' hougmoo: dab da" xu: yo' seing" mo ge thang da" du joem nghoid da:. 11Moo" eung: da" khainjung phoo gi Aseing shid re" zoo: shug xoin" phoin: tho' moo: hau: ziri nghe' ngei" wa zi nghoid.
12Byu dayug coidbaid ri ngei" byid: nghoid rigi 13Nyang: gi nya: lo, ri coidbaid vhuloem atho' moo: ke" to" wigi zoem" shidkhoin" moo hau: ziri said wa zi nghoid. Khainjung yigi suid" ri phoin: myid: shoid goin" khyoo: foid sain" kaid wa zi nghoid. 14Houg: lho: vhoo: moo: tid to" da" gung adu athang: joem rigi xoin" khyo" wigi Aseing ri ngei" byid: wa zi nghoid. Hau: joem gi khoug: loem khoug: seing" moo dab jo' da" xu: dangain"- 15Jeingloem: yo' hougmoo: dab da" xu: yo' seing" mo ge thang da" du joem nghoid da:. 16Khainjung phoo gi he: gu: dangain ri Aseing ri ngei nhang: da" zoo: shug xoin" khyo" phoin: tho' moo nghe' ngei" wa zi nghoid- xu: dangain" gi Aseing re" nghoid da:. 17Israela byu hang" we' xu: anghoid lang" suid" ri yo" zoo: wa zi anghoid. He: zigi joyoo khang" moo" moo nyid da" Israela byumyu" yi cang ca" da" tarha" nghoid da:.
Currently Selected:
XOIN" NGEI" 3: LCL
Highlight
Share
Copy
Want to have your highlights saved across all your devices? Sign up or sign in
Lacid Bible © Bible Society of Myanmar, 2009.