YOSHU 19
19
Simun Byumyu" Yiri Kho' Gam Byid: Da" Mougmyid
1Eig lheing: ein: lheing: ri Simun kung: mo yhoemkhung: yiri kho' gam byid: da:. Hau: mougmyid gi Yuda kung: bang: ri kho' gam byid: da" mougmyid ju" sho' nghoid da:. 2Hougmoo: Berasheba- Sheba- Molada- 3Hazara Shuala- Bala- Ezem- 4Elatola- Bethula- Horma- 5Ziklag- Bed Marakhabod- Haza Susa- 6Bed Lebaod- Sharuhem voomoo" joem nghoid. Hau: joem dangain" gi daxe: soem" loem: nghoid wigi hau: aqei: ayam mo voogung joem we' bo da:.
7Houg: lho: Ain- Rimon- Ethera- Ashan voomoo" joem nghoid. Hau: joem dangain" gi myid: loem: nghoid wigi hau: aqei: ayam mo voogung joem we' bo da:. 8He: voomoo" joem ri lheing khoem to" da" voogung joem dangain" zi bo wigi mougpyi: shoid Balad Bera (Rama) ju" sho' nghoid da:. He: zigi Simun kung: mo yhoemkhung: yi nyangnu" da" mougmyid jonu" khyo" kham: yu da" mougmyid nghoid da:. 9Yuda ri kho' gam byid: da" mougmyid gi ca" tho' je gyi: yoomo hau: mougmyid mo dadu ri Simun kung: bang: ri byid: pyam da:.
Zebulun Byumyu" Yiri Kho' Gam Byid: Da" Mougmyid
10Soem" lheing: ein: lheing: moo: Zebulun kung: mo yhoemkhung: yiri kho' gam byid: da:. Nyangnu" shau" yu da" mougmyid gi Sarid ju" sho' nghoid da:. 11Houg mo zi mougkyoo" gi bidvang shoid mo zi Mareala- Dabeshed yo' Yokanam bidthu shoid mo gyid zoo: lang khyoo: ju" da:. 12Sarid bidthu shoid mo zi goo" shoid nghoid da" Khislod Tabora mougkyoo" khyoo: ju" lo" da:. Houg: lho: Daberad ju" sho yo' Yaphia khyoo: ju" lo" da:. 13Houg: mo zi bidthu shoid Gad Hephera yo' Ethkezin khyoo: xo' yhe: lo" wigi Rimon khyoo: ju" da" khyoo deing moo jo, da" Nea khyoo: lheing yhe: lo" da:. 14Mougzhung: shoid mo mougkyoo" gi Hanathon khyoo: lheing: lo" wigi Iptahela janggyoin: moo: lo" thang da:. 15Hougmoo: Katad- Nahala- Shimron- Idala- yo' Bedlehem voomoo" joem nghoid. Hau: joem dangain" gi daxe: eig loem: nghoid wigi hau: aqei: ayam mo voogung joem we' bo da:. 16He: voomoo" joem yo' hau: da" voogung joem gi Zebulun kung: mo yhoemkhung: yi nyangnu" mougmyid jonu" khyo" shau" yu boem da" mougmyid joem nghoid.
Ishakha Byumyu" Yiri Kho' Gam Byid: Da" Mougmyid.
17Myid: lheing: ein: lheing: moo: Ishakha kung: mo yhoemkhung: yiri kho' gam byid: da:. 18Hau: mougmyid moo: Yezrela- Khesulod- Shunem 19Hapharum- Shion- Anaharad- 20Rabid- Kishion- Ebeza- 21Remed- Enganim- Enhada- Bethpaze joem bo da:. 22Mougkyoo" gi Tabora- Shahazuma- Bed Sheme joem khyo" wigi Yodan gyid lang moo: lo" thang da:. Hau: joyoo moo: voomoo" daxe: khyug voo yo' hau: aqei: ayam mo voogung joem bo da:. 23He: voomoo" joem yo' hau: da" voogung joem gi Ishakha kung: mo yhoemkhung: yi nyangnu" mougmyid jonu" khyo" shau" yu boem da" mougmyid joem nghoid.
Ashera Byumyu" Yiri Kho' Gam Byid: Da" Mougmyid
24Wim: lheing: ein: lheing: moo: Ashera kung: mo yhoemkhung: yiri kho' gam byid: da:. 25Hau: mougmyid moo: Helkad- Hali- Beten- Akhshab- 26Alam Meleg- Amad- Mishala voomoo" joem bo da:. Bidvang shoid moo: Khamela yo' Shihora Libnad ju" sho' nghoid da:. 27Mougkyoo" gi bidthu shoid khyoo: lheing: lo" wigi Bed Dagon khyoo: yhe: lo" wigi Zebulun yo' Iptahela janggyoin: moo: ju" lho: mougzhung: shoid Bethemeg yo' Niela khyoo: ju" da:. Hau: zigi xo' lho: mougzhung: shoid Khabula- 28Ebron- Rehob- Hamon- Kana- Sidon ju" sho' nghoid da:. 29Hau: thang: mougkyoo" gi Rama shoid khyoo: lheing: lo" wigi vang khyam: kyam' to" da" Turu voomoo" moo: lo" ju" da:. Houg: lho: hau: zigi Hosa khyoo: lheing: lo" wigi Meing: gung panglai: moo lo" thang da:. Hougmoo: Mahalaba- Akhzib- 30Uma- Apheg yo' Rehob voomoo" joem nghoid. Hau: joem dangain" gi eig xe: eig loem nghoid wigi hau: aqei: ayam mo voogung joem we' bo da:. 31He: voomoo" joem yo' hau: da" voogung joem gi Ashera kung: mo yhoemkhung: yi nyangnu" mougmyid jonu" khyo" shau" yu boem da" mougmyid joem nghoid.
Napthali Byumyu" Yiri Kho' Gam Byid: Da" Mougmyid
32Khyug lheing: ein: lheing: moo: Napthali kung: mo yhoemkhung: bang: ri kho' gam byid: da:. 33Houg: mo mougkyoo" gi Heleph mo zi Zananim joyoo mo shookhi" gam ju" sho' xo' wigi Adaminekeb ju" sho' xo' wigi Yamnia ju" sho' yo' Lakum ju" sho' nghoid wigi Yodan gyid lang moo lo" thang da:. 34Hougmo mougkyoo" gi bidvang shoid khyoo: lheing: lo" wigi Aznod Tabora ju" sho' houg mo zi Hukog- mougpyi: shoid Zebulun ju" wigi bidvang shoid Ashera ju" sho' lho: bidthu shoid moo: Yodan gyid lang nghoid da:. 35Vang khyam kyam' to" da" voomoo" joem gi Zidim- Zera- Hamad- Rakad- Khinered- 36Adama- Rama- Hazora 37Kedesha- Edrei- Enhazora- 38Yiron- Migdalela- Horem- Bethanad yo' Bed Sheme voomoo" joem nghoid. Hau: joem dangain" gi daxe: gau loem nghoid wigi hau: aqei: ayam mo voogung joem we' bo da:. 39He: voomoo" joem yo' hau: da" voogung joem gi Napthali kung: mo yhoemkhung: yi nyangnu" mougmyid jonu" khyo" shau" yu boem da" mougmyid joem nghoid.
Dan Byumyu" Yiri Kho' Gam Byid: Da" Mougmyid.
40Nyhed lheing: ein: lheing: moo: Dan kung: mo yhoemkhung: yiri kho' gam byid: da:. 41Hau: mougmyid moo Zora- Eshtaola- Irasheme- 42Shalabim- Aiyalon- Ithala 43Elon- Timna- Ekron 44Elateke- Gibethon- Balad 45Yehuda- Beneberag- Gathrimon- 46Meyarkon- Rakon yo' Yopa aqei ayam mo mougmyid joem we' bo da:. 47Dan byumyu" yi nyangnu" mougmyid ri soem" byug uri nyangnu" gi Laisha khyoo: gyi yhe: zain ago". Nyangnu" hau: ziri khaid oung: yu wigi houg: mo voobyu yiri said pyam da:. Houg: lho: nyangnu" mougmyid khyo" seing: yu ago". Nyangnu" houg: moo tam: nyid wigi voomoo" myeing Laisha ri Dan ga thid myheing pyam ago". Hau: myeing gi nyangnu" phoug" phyid" Dan ri cang wigi myheing to" zi nghoid. 48He voomoo" joem yo' hau: da" voogung joem gi Dan kung: mo yhoemkhung: yi nyangnu" mougmyid jonu" khyo" shau" yu boem da" mougmyid joem nghoid.
Lo" thang Moo Kho' Gam Da" Mougmyid
49Israela byumyu" yi mougmyid ri bain kho' gam lang" nyangnu" gi Num da" nya: yuggi zoo: Yoshu ri nya: mougmyid khyo" mougmyid dadu byid: ago". 50Aseing wigi amyeing" byid: ziyo' dakhyo" nyangnu" gi nyang: mho' da" voomoo" nghoid da" Ephrim boem moug: mo Timna Sora ri byid: ago". Yoshu gi voomoo" ri doem zhug wigi hougmoo: tam: nyid da:. 51Khainjung Eleaza- Nun da" nya: yuggi zoo: Yoshu yo' Israela byumyu" kung: mo yhoemkhung: vhujhung: yigi Shilo mo Aseing da" shidkhoin" Zoem" khoem" duang moo: me" lab khyo" Aseing yo' tid kyeing wigi he: mougmyid ri kho' gam zi nghoid ago". Hid: su" khyo" wigi mougmyid kho' gam khyoo: ri athang: said boem ago".
Lacid Bible © Bible Society of Myanmar, 2009.