ESAIA 62
62
1Ngoo gi Yerusalem ri yoem: byid: wa dang: tid thu kaid wa.
Nyang: khyoid yu ashoug" shoug" gi ngoo sam: zoo: anyid wa.
Houglho: nya: oung: doid zigi myen" ri bang da" myidoem yo' dakhyo" nghoid loo wa.
2Yerusalem we"- re" oung: doid khyoo: joem ri byumyu" yi myang loo goo" wa.
Re" phung" yoeb ri nyangnu" khokham yi dangain" myang boem goo" wa.
Nang gi myeing aseig myheing byid: zi shau" wa.
Hau: myeing ri Aseing nyang: myheing byid: wa.
3Nang gi Aseing shid re" yung" da" bidmug yhang: ti" nghoid da:.
4Nang ri «She: pyam' pyam' bye:» ga: tid loo goo" wa.
Re" mougmyid ri «She: pyam' too" shau" da" yhoem: seing: myhi'» ga: tid loo goo" wa.
Re" myeing seig gi «Mangsoo nyang: ri vho: ngei abye:» ga: zi nghoid loo wa.
Re" mougmyid gi «Ngei pyoo: tung" lo, xo' to" da» ga: myheing wa.
Ciwim ga: ri Aseing gi nang ri vho: ngei wigi
Nyang: gi re" mougmyid da" yhoem: seing: phoo yhang: ti" nghoid loo wa.
5Zoolu: phoo gi nya: myhi' seig khyo" zoomyi: gyeing" ri lo, xo' yhang: ti"
Nang ri gung khyang: koid byid: su: gi nang ri lo, xo' yu wa.
Phoo seig gi nya: myhi' seig ri jheddab yhang: ti"
Re" Mangsoo gi nang ri ngei wa.
6Yerusalem we"- re" vang joem adang moo gyi zung" bang: ri ngoo to" too" bye:.
Nyangnu" gi myen" ri nyid" ri khanham we' sam: zoo: age nyid boem wa.
Nyangnu" gi Aseing nya: da" dangsoo" joem ri tid poin" ca" goo" wa nghoid.
Nyangnu" ri nyang: wigi khanham we' ato" myhid nhang: wa.
7Yerusalem ri nyang: adoem so' koid de: byid: byid: gi nyangnu" nyang: ri doug anoo: nhang: wa.
Hau: voomoo" ri mougmyid goin" wigi coung" nghei sho' koid ago".
8 Aseing gi geing: teing da" dangsoo" koid too" bye:.
Hau: ziri nya: yoem: so' khyo" koid thu kaid bye:.
«Re" shivoo: gi re" gyivoo yi da" zoo: noem abui" loo: wa.
Houglho: tungbau byu yigi re" zabyid yhid: ri ashug loo goo" wa.
9Nghoid loug we' shivoo: ri sho" da" bang:- yhoem" yu da" bang: nanu" gi
Zooyho' ri zo: wigi Aseing ri coung" nghei boem wa.
Zabyid shi" ri coung: kaid lho: phyo' yu da" bang: nanu" gi
Nga" Noku Yhoem: Moo" moo zabyid yhid: shug loo goo" wa.
10Yerusalem byu yi we"- voomoo" mo thu yhe: wigi
Nanu" da" doem tau" lo nyid boem da" byumyu" yi shid re" khyoo: phang ge'.
Fu" moo" khyoo: ri so' koid ge'. houg: mo lugboem joem ri koid: pyam' ge'.
Byumyu" yi yo" si' wa shid re" laxoem" zeing zhug too' ge'.
11 Aseing gi mougmyid gyab goin" ri fu" byid: nyid.
Hau: zigi «Nanu" ri khyoid yu wa shid re" Aseing ju" lo nyid bye:.
Nyang: khyoid yu to" da" byu yiri nyang: yo' dage" shu" lo nyid da» ein: Yerusalem byu yiri tid kyoo" we'.
12Nang gi «Mangso da" gyeung" shang: byumyu"
Aseing wigi khyoid yu to" da" byumyu"» ga: myheing zi shau" boem wa.
Yerusalem gi «Mangso wigi jheddab da" voomoo"
Mangso wigi ashe: pyam' da" voomoo" ga: myheing zi shau" loo wa» ga: tid da:.
Lacid Bible © Bible Society of Myanmar, 2009.