GALATI 4

1Akhid" xo' tid shi" wa khyoo: boo shi"- nya: pho, jang" mo agyid asoo: kham: yu wa su: gi zoo shang: danghoid nyid shi" uri gi nyang: gi ziyoo jo, moo jo, ri seing: su: nghoid loug we' join, dayug yhang: ti" nyhed: to" zi shau" shi" 2Nya: pho, wigi phyed' to" da" ayo, ju" sho' nyang: ngi shi" da" ayo, moo nyang: ri zung" lhug mo, yo' nya: da" moozoo" dangain" ri yu" byid: da" yhoem: ri vhoeb khang" byu yi da" avhoo: moo danyid nyid. 3Houg: yo' dakhyoo" ti" ngoonu" we' Venyi khyoo: moo nheig boo ung: gyeung: da" byu yi abui" shi" uri mougmyid gyab, goin" ziri vhoeb khang" nyid da" yu join: soo" byoo joem da" join, bue" nyid boem. 4Nghoid loug we' ayo, bidnyid ju" loo lang" Mangsoo gi nya: zoo: ri nyang: nhang: kaid' bye- ngoonu" gi Mangso wigi nya: zoo: yi ga: yhen: yu jeju" yo" kham: yu boem baja" ga- 5Hau: da" nya: zoo: gi toung: to" da" tarha" khoug: moo loung" jo, da" byu yi ri khyoid khyi: yu wa shid re" xangsu nya: myhi' mo khu: lo wigi

6Yuda byu yi da" toung: da" tarha" khoug: moo nyid loo bye. Akhid" nanu" gi Mangso nya: zoo: yi nghoid nyid boem ziri sagsi: toin" shid' wa shid re" phoo we" nga" phoo we",, ga: wigi se' yoid, da" nya: zo: venyi ri ngoonu" da" ung: khoug: nheigloem: moo nyid nyid nhang: bye. 7Hougsu" nghoid yoomo nang gi join, anghoid loo: za: nya: zoo: gyeing" dayug nghoid nyid bye- nya: zoo: yi shid re" nyhang to" da" agyid asoo: jo, moo jo, we' nang ri byid: wam: bye: zi nghoid.

Galati Byu Yi Shi re" Polu gung Youg Yau da" khyoo:

8Lai loo" bye: da" ayo, moo nanu" gi Mangsoo ri ase' boem shi" yoomo adeung amain" da" phara" yi da" join, yi bue" nyid boem bye. 9Akhid" koem gi nanu" Mangsoo ri se' loo boem bye: tho' moo gootu- Mangsoo we' nanu" ri bain se' nyid thang: ri yoem: nu: ziyo' ashug" ajhen: nghoid nyid da" yu join, soo" byoo joem da" join, bui" wa shid mo, cikoid doem tau" loo" noug go". 10Nanu" gi bidnyid lhoo, khyab, ayo, akhyeing: yo' zain nyid dayham" ri gye" yhaug: gyen: koid nau, nyid boem shi". 11Ngoo nanu" jang" moo moo" zei: lo zigi akoem: danghoid byug la! ein: wigi nanu" khyoo: ngoo gung you, yau nyid.

12Mang nhung yi we" nanu" yhang: ti" ngoo nghoid nyid yoomo nanu" we' ngoo yhang: ti" nghoid nyid ge'. ein: wigi ngoo nanu" ri mho' tid nyid. 13Ngoo nanu" ri xang: shed" lheing: hau: ngei bu: lu dang: yo" kho" kyo" da" khyoo: gi gung shoo" moo noo phyoo" shau" nyid yoomo yo" kho" khyo" da" khyoo: ri nanu" se' nyid gu nghoid. 14Nga" da" yang" zain" khyoo: agi yoomo nanu" ri lhu: kyoo, lhu: keug khyo" bui" nhang: bye: nghoid loug we' nanu" ngoori aphoug" akhyoid' akoid- nheig ano pyam' tho' moo agoo"- moug khung: tho' mo moug: lagyoo: dayug ri yhang: ti" lhoem: kham: yu boem bye- gyeing" nyang: Khristu ri yhang: ti" ngoori lhoem: kham: yu boem bye. 15Hau: ayo, moo nanu" gi gye" gau, bu abye: go"- akhid" ciwim bye: go" lha". Hau" ayo, moo nanu" gi ge bue" nghoid rigi nyang: tu: nya: da" myo, loem: rilang" thoid yu lho: ngoori voem" byid: goo" wa ziri ngoo sagsi: yo" kham. 16Akhid" koem gi nanu" ri hau: deingmain" da' khyoo: ri tid kyoo" yoomo nanu" da" gyi voo bue" loo bye: la!

17Ngoori thougtheung nyid mo, gi nanu" da" atho' moo gye" ge da" nheigloem: ri toin" shid nyid wa nghoid boem ago- nghoid loug we' nyangnu" da" myid soin khyoo: yo' nyangnu" da" myid vho: khyoo: gi nyangnu" gi nanu" da" atho' moo ge, lho, da" nheigloem: toin" shid' ziyo' dakhyoo" ti"- nanu" jang" mo ge, lho da" nheigloem: yo" kham: yu boem sho' nanu" ri ngoo yo' gang: go" loo" nhang: nau boem yoomo koid nyid boem zi nghoid ago". 18Deungmain" da" soin' yeung khyoo: yo' ge, da" nheigloem: khyo" gung youg yau da" khyoo: gi ge zi nghoid- Ngoo nanu" yo' dage" nyid da" uri za: we' anghoid- khanham nghoid loug we' ge, lho, da" khyoo: ri gung youg yau, nyid wa zi nghoid. 19Jhiddab, da" myi yi: yug gi nu" yi we"- Khristu da" gung du: avoid nanu" moo joeb, byeung" lo da" ayo, moo ju" sho' ngoo gi zoonu" co' phyed da" myhi' zeing yhang: ti" nanu" shid re" zoo khu: noo dalheing doem no nyid. 20Nanu" ri ngoo jhau" mho' da" khyoo:- khoin" thui: yo" thed' pyam' sho' akhid" nyang: ngoo gi nanu" yo' dage" khayhi' gyeing" nghoid nyid nau, la! ngoo gi nanu" shid' re" gung youg yau, seing" gye" kho" nyid bye.

Hagra Yo' Sa: ra: Be" Da" Dangtu'

21Toung: to" da" tarha" khoug: moo nyid noug bang: ri ngoo myid: yu" shi" ba'- nanu" gi hau: toung: to" da" tarha" moo amyeing" byid: to" da" khyoo: ri agyo: yu" goo" la". 22Khasu" wim gari hau: jhoem: mougsoug" moo lhid" to" ziyo' dakhyoo" ti"- Abraham gi yug gi zoo: eig yug yo" jang" moo dayug gi join, myhi, da" nya: zoo: nghoid wigi dayug gi sara: nya: zoo: nghoid. 23Join, myhi, mo yo" yu da" nya: zoo: gi goo" nham, mo akhyoo" again khyo" wigi khu: re" da" zoo: shang: nghoid- sara: mo yo" yu da" zoo: shang: gi Mangso da" dang: soo" khoin" yo' dakhyoo" ti"- khu: re" zi nghoid 24He: khyoo: gi dang: tu, daloem: khyo" wigi se' gyoo: ge, nyid hau: myi: yi eig yug gi dang: thang" cab, eig loem: yo' du nyid nya: zoo: yi rijoin, pyaid moo khu: kaid' su: gi Hagara nghoid nyid Hagara gi Sina boem, moo byid: dang: thang cab, gung thid' nghoid. 25Hagara gi Arabi mung" moo jo, da" Sina boem, gung thid' nghoid nyid nyang: gi akhid" join, bue" nyid bye- Yerusalem voomoo" yo' voobyu yi dangain" bang: shid re" alhoo: again bui" byid: nyid. 26Nghoid loug we' moug: khung: moug: di yo' sen: da" Yerusalem gi loid byoin, zi yo" yu wigi ngoonu" da" nya: myhi' nghoid nyid. 27Khasu" wim gari jhoem: mougsoug" moo

Nya: zoo: akhu: da" boug dung: myhi yi we"-

gau, yi nyid ge'- zookhu: no, khanham we' ano yu" da" myi: yi: yi we"- nyho: phau: lho: gau, yi nyid boem ge'-

Khasu" wim gari byid: yen" myhi, gi

yug gi yo" da" myi: yi tho' moo nya: zoo: nya: myid: je" wigi yoo" wa zi nghoid,, ga: wigi lhid" to".

28Akhid" koem' gi mang nhung yi we"- nanu" gi Isag yhang: ti"- nya: da" dang: soo" khoin" yo' dakhyoo" ti"- yo" yu da" Mangso yug gi zoo: myi: yi: zoo: yi nghoid boem bye. 29Goonham, pyaid ri akhang: da" byu nyid akhyoo" khyo" khu: lo da" nya: zoo: gi Mangso venyi khyo" khu: lo da" zoo: ri pyi: sho: shen" yhen nyid akhid" uri we' houg: yo' dakhyoo" ti" bue" nyid. 30Nghoid loug we' jhoem: mougsoug" gi khasu" ga: tid nyid lha". he: da" join, myhi, yo' nya: zoo: ri khaid thu' pyam we' Khasu" wim gari join, myhi, da" nya: zoo: gi Mangso da" venyi khyo" khu: lo da" nya: zoo: ri pyi: sho" shen" yhen nyid join, myhi, anghoid da" loid byoin, myi: yi: da" nya: zoo: yi' dage" nya: pho, da" agyid aso muid' ri yo" bo seung: yu wa zi anghoid. 31Hougsu" nghoid yoomo mang nhung" yi we"- ngoonu" gi join, myhi, da" nya: zoo: anghoid - join, myi, anghoid da" sara: da" nya: zoo: yi danghoid boem.

Currently Selected:

GALATI 4: LCL

Highlight

Copy

Compare