1 KHOKHAM MHOOMYID: 2
2
Yuda da" Amyed Ashen Yi
1Yaku gi yuggi zoo: daxe: eig yug yo" da:. Houg: bang: gi Ruben- Simun- Levi- Yuda- Ishakha- Zebulun- 2Dan- Yoseb- Benyamin- Nabthali- Gad yo' Ashe ga: bang: nghoid da:.
3Yuda gi yuggi zoo: dangain" wim: yug yo" da:. Nya: yhoem: seing: myhi' Khanan myiyi Bathshua oung: mo gyo" zi yuggi zoo: soem" yug nghoid. Houg: bang: gi Era- Onan yo' Shela bang: nghoid. Nya: yuggi zoo: zooshid" yug Era gi gye" akhyeing" yoomo Aseing gi nyang: ri said pyam da:. 4Yuda gi nya: dumoo" Tama oung: mo gyo" da" Pereza yo' Zera ga: da" yuggi zoo: eig yug yo" da:.
5Pereza gi Hezron yo' Hamula ga: da" yuggi zoo: eig yug yo" da:. 6Nya: nhung" Zera gi Zimri- Ethan- Heman- Khalakola yo' Darda ga: da" yuggi zoo: wim yug yo" da:. 7#Yos 7:1. Zera da" amyed ashen mo dayug nghoid da" Karmi da" yuggi zoo: Akhan gi Aseing ri shugbyid: bye: da" lanyhoeb ri seing ci: da" khyo" wigi Israela byumyu" yi adang moo: yau: khi" bui" nhang: su: nghoid da:.
8Ethan gi Azaria ga: da" yuggi zoo: dayug yo" da:.
Khokham David da" Yhoemkhung: byu yi
9Hezron gi Yeramela- Ram yo' Khaleb ga: da" yuggi zoo: soem" yug yo" da:.
10Ram mo zi Yese ju" sho' yhoemkhung: joem gi vhoo mo ziyo' dayhang: ti" nghoid da:. Ram- Aminadab- Nashon (Yuda kung: moo myeing gyi: su:)- 11Salmon- Boza- 12Obed yo' Yese bang: nghoid ago".
13Yese gi yuggi zoo: nyhed yug yo" da:. Nyangnu" apyaid ri cang wigi Eliaba- Abinadab- Shama- 14Nethanela- Radai- 15Ozem yo' David. 16Yese gi Zeruia yo' Abigela ga: da" myi yi: zoo: eig yug we' yo" da:.
Yese da" myiyi: zoo: Zeruia gi yuggi zoo: yi soem" yug yo" da:. Houg: bang: gi Abishai- Yoab yo' Asahela bang: nghoid. 17Nyang: myiyi: zoo: gootu: dayug nghoid da" Abigela gi Ishmaela da" amyed ashen nghoid da" Yethera yo' lo, xo' wigi nya: tang: gi Amasa ga: da" yuggi zoo: dayug yo" da:.
Hezron da" Amyed Ashen Yi
18Hezron da" yuggi zoo: Khaleb gi Azuba yo lo, xo' yu lho: Yeriod ga: da" myiyi: zoo: dayug yo" da:. Nyang: gi Yeshera- Shoba- Ardon ga: da" yuggi zoo: soem" yug yo" da:. 19Azuba shid: thang: ri Khaleb gi Ephrad ri lo, xo' yu lho: Hura ga: da" yuggi zoo: dayug yo" da:. 20Hura nya: yuggi zoo: gi Uri nghoid wigi nya: myid: zoo: gi Bezalela nghoid da:.
21Hezron gi apyaid khyug xi: zain ju" uri nyang: gi Makhira da" myiyi: zoo: Gilead da" nhammoo" ri lo, xo' yu da:. Nya: tang: moo: Seguba ga: da" yuggi zoo: dayug yo" da:. 22Houg: lho: Seguba gi Yaira ga: da" yuggi zoo: dayug yo" da:. 23Nghoid loug we' Geshura yo' Aram mungdain: gi Yaira yo' Kenad da" voogung joem bo bo wigi houg mo voogung khyug xi: yo' hau: voogung joem aqei ayam ri oung: pyam ago". Houg moo: nyid boem da" byu yi dangain" gi Gilead da" nya: phoo Makhira da" amyed ashen yi nghoid ago". 24Hezron shid: lo" thang: ri nya: yuggi zoo: Khaleb gi nya: pho da" cougmoo" myhi' Ephrad ri lo, xo' yu da:. Nya: tang: gi Ashura ga: da" yuggi zoo: dayug yo" da:. Hau yuggi Tekoa voogung ri de: su nghoid..
Yeramela da" Amyed Ashen Yi
25Hezron da" zooshid" yuggi zoo: Yeramela gi yuggi zoo: wim: yug yo" da:. Houg: bang: gi zooshid" Ram- Buna- Oren- Ozem- Ahiya bang: nghoid. 26-27Ram gi Maza- Yamin- Ekera ga: da" yuggi zoo: soem" yug yo" da Yeramela gi Atara ga: da" yhoem: seing: myhi' gootu: dayug yo" wigi nya: tang: gi Onam ga: da" yuggi zoo: dayug yo" ago". 28Onam gi Shamai yo' Yada ga: da" yuggi zoo: eig yug yo" da:. Shamai we' Nadab yo' Abishura ga: da" yuggi zoo: eig yug yo" da:.
29Abishura gi Abihala ga: da" myiyi: ri lo, xo' yu da:. Nya: eig yug gi Aban yo' Molid ga: da" yuggi zoo: eig yug yo" da:. 30Abishura da" nya: mang: Nadab gi Seled yo' Apain ga: da" yuggi zoo: eig yug yo" da:. Nghoid loug we' Seled gi yuggi zoo: ayoo" loo za: shid: lo" byug da:. 31Apain gi Ishi da" nya: phoo- Ishi gi Sheshan da" nya: phoo- Sheshan gi Alai da" nya: phoo nghoid da:.
32Shamai da" nya: nhung" Yada gi Yethera yo' Yonathan ga: da" yuggi zoo: eig yug yo" da:. Nghoid loug we' Yethera gi yuggi zoo: yi ayoo" loo: za: shid: lo" byug da:.. 33Yonathan gi Pelad yo' Zaza ga: da" yuggi zoo: eig yug yo" da:. He: gu: dangain" gi Yeramela da" amyed ashen yi nghoid ago".
34Sheshan gi yuggi zoo: ayoo" nghoid da- myiyi zoo: yi khyeing" za: te: yo" da:. Nyang: gi Yaha ga: da" Egutu byu dei zoo: dayug yo" da:. 35Nya: myiyi: zoo: yi mo dayug ri hau: su: yo' lo, xo' byid: da:. Nya: tang: Atai ga: da" yuggi zoo: dayug yo" ago". 36Atai mo zi Elishama ju" sho' moo: yhoemkhung: cang wigi vhoo: mo yo' dakhyo" nghoid da:. Houg: bang: gi Atai- Nathan- Zabad 37Ephla- Obed- 38Yehu- Azaria- 39Hele- Eleasa- 40Sismai- Shalum- 41Yekamia- yo' Elishama bang: nghoid da:.
Khaleb da" Amyed Ashen yi gootu:
42Khaleb da" yuggi zoo: zooshid" Yeramela da" nya: nhung" gi Mesha ga: su: nghoid da:. Mesha gi Zipha da" nya: phoo- Zipha gi Meresha da" nya" phoo nghoid wigi nyang: gi Hebron da" nya: phoo nghoid. 43Hebron gi Kora- Tapua- Rekem- Shema ga: da" yuggi zoo: myid: yug yo" da:. 44Shema gi Raham da" nya: phoo nghoid wigi Yokeam da" nya: phoug" nghoid da:. Shema da" nya: mang: Rekem gi Shemai da" nya: phoo- 45Shemai gi Maon da" nya: phoo- Maon gi Bethzura da" nya: phoo nghoid da:.
46Khaleb gi Epha ga: da" dangcang: myhi' dayug yo" wigi myiyi: hau: yug wigi nyang: ri Haran, Moza yo' Gaze ga: da" yuggi zoo: soem" yug ri khu: byid: shi" da:. Haran moo: we' Gaze ga: da" yuggi zoo: dayug yo" da:.
( 47Yadai ga: da" yuggi phoo gi Regem- Yotham- Geshan- Peled- Ephe- Shapha ga: da" yuggi zoo: khyug yug yo" da:.)
48Khaleb gi Makha ga: da" dangcang: myhi' dayug we' yoo" shi" wigi hau: yug gi nyang: ri Shebera yo' Tirhana ga: da" yuggi zoo: eig yug khu: byid: da:. 49Hau: thang: Makha gi yuggi zoo: eig yug yo" ashi". Hau: tang: gi Madmana voogung ri de: su: Shapha yo' Makbena yo' Gibea voogung ri de: su: Sheva tang: nghoid da:.
Hau: tho' agoo"- Khaleb gi Aksa ga: da" myiyi: zoo: dayug yo" da:.
50Vhoo: mo bang: we' Khaleb da" amyed ashen yi nghoid da:.
Hura gi Khaleb da" zooshid" nghoid wigi nya: yhoem: seing: myhi' gi Ephrad nghoid da:. Hura da" yuggi zoo: Shobala gi Kiriad Yarim voogung ri de: wigi 51nya: yuggi zoo: eig yug ein: yug nghoid da" Salma gi Bedlehem voogung ri de: da:. Houg: lho: nya: yuggi zoo: soem" yug ein: yug nghoid da" Harepha gi Betgadera voogung ri de: da:.
52Kiriad Yarim ri de: su: Shobala gi Haroe byumyu" yi da" phoug" phyid" nghoid wigi houg bang: gi Menuhod mougmyid moo: agung dayi" nyid nyid bang: nghoid. 53Houg: lho: vhoo: moo akung: ako' yi we' Kiriad Yarim moo: nyid bang: nghoid ago". Houg: bang: gi Ithri byu yi Puthi byu yi Shumathi byu yi Mishrai byu yi nghoid ago". (Zora yo' Esthaola voomoo" moo nyid boem da" byu yi we' hau: akung: ako' mo bang: nghoid ago".)
54Bedlehem ri te: su: Salma gi Netopha byu yi Atrod Bed Yoab byu yi yo' Zori byu yi da" phoug" phyid" nghoid wigi nyangnu" gi Manahad akung: ako' eig kung: mo dakung: bang: nghoid da:.
( 55Vhoo mo akung: ako'' yigi Yabed voogung moo: nyid wigi nyangnu" gi mougsoug" lhid" jhang: bang: yang: je: lhid" jhang: bang: nghoid ago". Houg: bang: gi Tirathi byu yi Shimethi byu yi yo' Sukhathi byu yi nghoid da:. Houg: bang: gi Rekhab byu yi yo' myi: byid: myi yu go" da" Keni byu yi nghoid ago".)
Currently Selected:
1 KHOKHAM MHOOMYID: 2: LCL
Highlight
Share
Copy
Want to have your highlights saved across all your devices? Sign up or sign in
Lacid Bible © Bible Society of Myanmar, 2009.