Romanos 9
9
Jajal Dios yéey le israelilo'obo'
1Táan in wa'alic u jaajil, tumen ti' yanen ti' Cristoe', ma' táan in tuus. Tumen in tuucule' nu'ucta'an u beel tumen Quili'ich Pixane', cu ya'alic teen jach u jaajil. 2Jach okom in wóol yéetel mantadz yaan yaayaj óolal tin pucsi'ikal. 3Tumen tene' in káat yantal tu yáanal kaakas t'aan, jun páaycunta'an ti' Cristo, wa lela' je'el u suut utzil ti' in sucu'uno'ob, le máaxo'ob in wéet ki'ikelo'obo'. 4Leti'obe' u ch'i'ibalo'ob Israel, j kamo'ob tumen Jajal Dios bey u paalalo'obe'. Jajal Diose' j anji ichilo'ob yéetel u nojbe'enil, bey xan tu dzaj ti'ob le nup t'aano'obo', u ya'almaj t'aan Moisés, u kultajil le temploo' yéetel le dzaabil t'aano'obo'. 5Leti'obe' u ch'i'ibalo'ob le c úuchben taataobo', ti' leti'ob tu ch'a'aj Cristo u wíinclil; Cristoe' Jajal Dios tu yóokol tuláacal ba'al, qui'iqui' t'anta'ac tu yo'olal kiino'ob mina'an u xuul. Amén.
6Ba'ale' ma' u káat u ya'ale' wa ma' dzo'ocbesa'ab u dzaabil t'aan Jajal Dios ti' Israeli', ba'ax ucha'ane' ma' tuláacal u ch'i'ibal Israel jach tu jaajil u caajal Israeli'. 7Mix tuláacal u ch'i'ibal Abraham jach tu jaajil u paalalo'obi'; tumen Jajal Diose' tu ya'alaj ti': Tu yo'olal Isaac cun antal a ch'i'ibal. 8Lela' cu dzáic c na'ate' mix máac u paal Jajal Dios chéen tu yo'olal le ki'ik iquil u síijilo'; ba'ale' chéen cu páajtal u ya'ala'al jach tu jaajil u ch'i'ibalo'obe' le máaxo'ob paalalo'ob tu yo'olal u dzo'ocpajal u dzaabil t'aan Jajal Dioso'. 9Tumen le dzaabil t'aan tu ya'alaj Jajal Dios ti' Abrahame' leti' lela': Ti' le kiin a'alano' bíin taalaquen, Sara túune' bíin yanac u paal. 10Lela' ma' tuláacali'. Le ca'a túul u paalal Rebecae' jun túulili' u taatao', c úuchben taata Isaac; 11tumen ma'ili' síijico'obe' mix u beeto'ob mix ba'ali', mix utz mix kaas, u ti'al ca p'áatac u yóolal le Jajal Dios tu yéeyajo', ma' tu yo'olal ba'ax cu beetic máaqui' ba'ale' tu yo'olal le máax t'anico', 12j a'ala'ab ti' Rebeca: Le u asab nojochilo' yaan u meyajtic le asab chichano'. 13Lela' queet yanil yéetel le Quili'ich Dzíib cu ya'alic: Tin yaabiltaj Jacob ba'ale' tin p'ectaj Esaú.
14¿Ba'ax túun je'el c a'alique'? ¿Ma' toj ba'ax cu beetic Jajal Diosi? ¡Tu jaajile' ma' táan c a'alic lelo'! 15Tumen tu ya'alaj ti' Moisés: Bíin in ch'a'a óotzilil ti' le máax in káat in ch'a'a óotzilil ti'o', yéetel bíin p'éecnac in wóol tu yo'olal le máax in káat in p'eques in wóole'. 16Bey túuno' ma' tu yúuchul tumen u káat máac wa tu yo'olal u mukul muukil, ba'ale' tu yo'olal u ch'a'a óotzilil Jajal Dios. 17Tumen ti' le Quili'ich Dzíibo' cu ya'alic ti' u ajawil Egipto: Tin beetajech ajaw u ti'al ca in we'es ti' teech in páajtalil, yéetel tia'al in dzáic kaj óoltbil in kaaba' ti' tuláacal u yóokolcaab. 18Bey túuno' Jajal Diose' cu ch'a'ic óotzilil ti' le máax u káat u ch'a'a óotzililo', bey xan cu chichcuntic u pucsi'ikal le máax u káat u chichicunt u pucsi'ikalo'.
19Ba'ale' je'el a wa'alic teen túune': Wa beyo', ¿ba'axten túun cu si'ipilcunta'al máac tumen Jajal Dios?, tumen ¿máax je'el u páajtal u bin tu contra ba'ax u káate'? 20¡Ba'ale', máac! ¿Máaxech teech u ti'al a kakat núuctic u t'aan Jajal Dios? ¿Je'el wa u páajtal u ya'alic le cuum kat ti' máax beeto'? ¿Ba'axten ta beetajen beya'? 21Tumen le j pat kato' yaan u páajtalil ti' u beetic yéetel le kato' je'el ba'ax u káate'; cu páajtal u beetic yéetel le kato' jun p'éel cuum u ti'al j meyaj ti' wa ba'ax jun páaycunta'an, bey xan cu páajtal u beetic u láak u ti'al j meyaj ti' je'el ba'alaque'.
22¿Ba'ax túun, wa Jajal Dios, u ti'al u dzáic ilbil bix u jaadz, yéetel u ti'al u ye'esic u páajtalile' tu mukyajtaj yéetel chuca'an óolal le máaxo'ob cu najmatico'ob ca'ach le jaadzo', yéetel yaan u xu'ulsa'alo'ob ca'acho'? 23Tu beetaje' u ti'al u ye'esa'al u ayikalil u nojbe'enil ti' le máaxo'ob tu ch'a'aj óotzililo', máaxo'ob xan tu nu'uctaj tu yáax chuun u ti'al u kamo'ob le nojbe'enila'. 24Tumen Jajal Diose' tu t'anajo'on, ma' chéen ichil le judíobo', ba'ale' tac ichil xan le máaxo'ob ma' judíobo'. 25Je'el bix cu ya'alic ti' u libroil Oseas: Le máaxo'ob ma' in caajalo', yaan in wa'alic tio'ob in caajal, yéetel le máax ma' yabilta'an ca'acho', yaan in wa'alic ti' in yaabiltmaj. 26Ti' le cúuchil tu'ux a'ala'ab tio'ob: Te'exe' ma' in caajale'exi', ti' cun a'albil ti'ob u paalalo'ob le cuxa'an Jajal Dioso'. 27Ba'ale' tu yo'olal le Israelitao'obo', Isaíase' tu ya'alaj: Quex u ch'i'ibal Israel jach táaj ya'ab je'el bix u sa'am lu'umil le ka'anabo' chéen u yalabo'ob bíin to'ococo'ob, 28tumen séeba'an yéetel chuca'an bíin u dzo'ocbes Yuumtzil u t'aan yóokolcaab. 29Je'el bix tu ya'alaj xan Isaíase': Wa le Yuumtzil ti' máax yaan tuláacal páajtlil ma' u p'atic to'on ch'i'ibale', je'el bix u caajilo'ob Sodoma yéetel Gomorra bíin p'áataco'on ca'acho'.
Le judíobo' yéetel le ma'alob péectzilo'
30¿Ba'ax bin c a'al túun? Le máaxo'ob ma' judíob mix táan u caxtico'ob u dza'abalo'ob ma'alob tu táan Jajal Dioso', leti'ob máax dzo'oc u dza'abalo'ob ma'alob tu táan Jajal Dios tu yo'olal le ocsaj óolalo'. 31Ba'ale' le Israelitaob cu caxtico'ob u yantalo'ob ma'alob tu táan Jajal Dios iquil u bino'ob tu paach jun p'éel a'almaj t'aane' ma' páatac u dzo'ocbesico'ob le a'almaj t'aano'. 32¿Ba'axten? Tumen ma' tu dzaj yóolo'ob u dzabalo'ob tu táan Jajal Dios tu yo'olal le ocsaj óolalo', ba'ale' tu yo'olal le ba'ax cu beetico'ob leti'obo'. Le o'olale' j t'óochpajo'ob ti' le u tuunichil t'óochpajal 33cu ya'ala'al ti' le Quili'ich Dzíibo': Tene' táan in dzáic ti' Sión jun túul máax u tuunichil t'óochpajal yéetel nojoch tuunich cu beetic u lúubul máac; le máax cu yocsic u yóol ti'e', ma' bíin lúubuc u yóoli'.
Currently Selected:
Romanos 9: YUA04
Highlight
Share
Copy
Want to have your highlights saved across all your devices? Sign up or sign in
Maya de YucatánTumben Nupt'an NT © Sociedad Bíblica de Mexico, 2004.
Romanos 9
9
Jajal Dios yéey le israelilo'obo'
1Táan in wa'alic u jaajil, tumen ti' yanen ti' Cristoe', ma' táan in tuus. Tumen in tuucule' nu'ucta'an u beel tumen Quili'ich Pixane', cu ya'alic teen jach u jaajil. 2Jach okom in wóol yéetel mantadz yaan yaayaj óolal tin pucsi'ikal. 3Tumen tene' in káat yantal tu yáanal kaakas t'aan, jun páaycunta'an ti' Cristo, wa lela' je'el u suut utzil ti' in sucu'uno'ob, le máaxo'ob in wéet ki'ikelo'obo'. 4Leti'obe' u ch'i'ibalo'ob Israel, j kamo'ob tumen Jajal Dios bey u paalalo'obe'. Jajal Diose' j anji ichilo'ob yéetel u nojbe'enil, bey xan tu dzaj ti'ob le nup t'aano'obo', u ya'almaj t'aan Moisés, u kultajil le temploo' yéetel le dzaabil t'aano'obo'. 5Leti'obe' u ch'i'ibalo'ob le c úuchben taataobo', ti' leti'ob tu ch'a'aj Cristo u wíinclil; Cristoe' Jajal Dios tu yóokol tuláacal ba'al, qui'iqui' t'anta'ac tu yo'olal kiino'ob mina'an u xuul. Amén.
6Ba'ale' ma' u káat u ya'ale' wa ma' dzo'ocbesa'ab u dzaabil t'aan Jajal Dios ti' Israeli', ba'ax ucha'ane' ma' tuláacal u ch'i'ibal Israel jach tu jaajil u caajal Israeli'. 7Mix tuláacal u ch'i'ibal Abraham jach tu jaajil u paalalo'obi'; tumen Jajal Diose' tu ya'alaj ti': Tu yo'olal Isaac cun antal a ch'i'ibal. 8Lela' cu dzáic c na'ate' mix máac u paal Jajal Dios chéen tu yo'olal le ki'ik iquil u síijilo'; ba'ale' chéen cu páajtal u ya'ala'al jach tu jaajil u ch'i'ibalo'obe' le máaxo'ob paalalo'ob tu yo'olal u dzo'ocpajal u dzaabil t'aan Jajal Dioso'. 9Tumen le dzaabil t'aan tu ya'alaj Jajal Dios ti' Abrahame' leti' lela': Ti' le kiin a'alano' bíin taalaquen, Sara túune' bíin yanac u paal. 10Lela' ma' tuláacali'. Le ca'a túul u paalal Rebecae' jun túulili' u taatao', c úuchben taata Isaac; 11tumen ma'ili' síijico'obe' mix u beeto'ob mix ba'ali', mix utz mix kaas, u ti'al ca p'áatac u yóolal le Jajal Dios tu yéeyajo', ma' tu yo'olal ba'ax cu beetic máaqui' ba'ale' tu yo'olal le máax t'anico', 12j a'ala'ab ti' Rebeca: Le u asab nojochilo' yaan u meyajtic le asab chichano'. 13Lela' queet yanil yéetel le Quili'ich Dzíib cu ya'alic: Tin yaabiltaj Jacob ba'ale' tin p'ectaj Esaú.
14¿Ba'ax túun je'el c a'alique'? ¿Ma' toj ba'ax cu beetic Jajal Diosi? ¡Tu jaajile' ma' táan c a'alic lelo'! 15Tumen tu ya'alaj ti' Moisés: Bíin in ch'a'a óotzilil ti' le máax in káat in ch'a'a óotzilil ti'o', yéetel bíin p'éecnac in wóol tu yo'olal le máax in káat in p'eques in wóole'. 16Bey túuno' ma' tu yúuchul tumen u káat máac wa tu yo'olal u mukul muukil, ba'ale' tu yo'olal u ch'a'a óotzilil Jajal Dios. 17Tumen ti' le Quili'ich Dzíibo' cu ya'alic ti' u ajawil Egipto: Tin beetajech ajaw u ti'al ca in we'es ti' teech in páajtalil, yéetel tia'al in dzáic kaj óoltbil in kaaba' ti' tuláacal u yóokolcaab. 18Bey túuno' Jajal Diose' cu ch'a'ic óotzilil ti' le máax u káat u ch'a'a óotzililo', bey xan cu chichcuntic u pucsi'ikal le máax u káat u chichicunt u pucsi'ikalo'.
19Ba'ale' je'el a wa'alic teen túune': Wa beyo', ¿ba'axten túun cu si'ipilcunta'al máac tumen Jajal Dios?, tumen ¿máax je'el u páajtal u bin tu contra ba'ax u káate'? 20¡Ba'ale', máac! ¿Máaxech teech u ti'al a kakat núuctic u t'aan Jajal Dios? ¿Je'el wa u páajtal u ya'alic le cuum kat ti' máax beeto'? ¿Ba'axten ta beetajen beya'? 21Tumen le j pat kato' yaan u páajtalil ti' u beetic yéetel le kato' je'el ba'ax u káate'; cu páajtal u beetic yéetel le kato' jun p'éel cuum u ti'al j meyaj ti' wa ba'ax jun páaycunta'an, bey xan cu páajtal u beetic u láak u ti'al j meyaj ti' je'el ba'alaque'.
22¿Ba'ax túun, wa Jajal Dios, u ti'al u dzáic ilbil bix u jaadz, yéetel u ti'al u ye'esic u páajtalile' tu mukyajtaj yéetel chuca'an óolal le máaxo'ob cu najmatico'ob ca'ach le jaadzo', yéetel yaan u xu'ulsa'alo'ob ca'acho'? 23Tu beetaje' u ti'al u ye'esa'al u ayikalil u nojbe'enil ti' le máaxo'ob tu ch'a'aj óotzililo', máaxo'ob xan tu nu'uctaj tu yáax chuun u ti'al u kamo'ob le nojbe'enila'. 24Tumen Jajal Diose' tu t'anajo'on, ma' chéen ichil le judíobo', ba'ale' tac ichil xan le máaxo'ob ma' judíobo'. 25Je'el bix cu ya'alic ti' u libroil Oseas: Le máaxo'ob ma' in caajalo', yaan in wa'alic tio'ob in caajal, yéetel le máax ma' yabilta'an ca'acho', yaan in wa'alic ti' in yaabiltmaj. 26Ti' le cúuchil tu'ux a'ala'ab tio'ob: Te'exe' ma' in caajale'exi', ti' cun a'albil ti'ob u paalalo'ob le cuxa'an Jajal Dioso'. 27Ba'ale' tu yo'olal le Israelitao'obo', Isaíase' tu ya'alaj: Quex u ch'i'ibal Israel jach táaj ya'ab je'el bix u sa'am lu'umil le ka'anabo' chéen u yalabo'ob bíin to'ococo'ob, 28tumen séeba'an yéetel chuca'an bíin u dzo'ocbes Yuumtzil u t'aan yóokolcaab. 29Je'el bix tu ya'alaj xan Isaíase': Wa le Yuumtzil ti' máax yaan tuláacal páajtlil ma' u p'atic to'on ch'i'ibale', je'el bix u caajilo'ob Sodoma yéetel Gomorra bíin p'áataco'on ca'acho'.
Le judíobo' yéetel le ma'alob péectzilo'
30¿Ba'ax bin c a'al túun? Le máaxo'ob ma' judíob mix táan u caxtico'ob u dza'abalo'ob ma'alob tu táan Jajal Dioso', leti'ob máax dzo'oc u dza'abalo'ob ma'alob tu táan Jajal Dios tu yo'olal le ocsaj óolalo'. 31Ba'ale' le Israelitaob cu caxtico'ob u yantalo'ob ma'alob tu táan Jajal Dios iquil u bino'ob tu paach jun p'éel a'almaj t'aane' ma' páatac u dzo'ocbesico'ob le a'almaj t'aano'. 32¿Ba'axten? Tumen ma' tu dzaj yóolo'ob u dzabalo'ob tu táan Jajal Dios tu yo'olal le ocsaj óolalo', ba'ale' tu yo'olal le ba'ax cu beetico'ob leti'obo'. Le o'olale' j t'óochpajo'ob ti' le u tuunichil t'óochpajal 33cu ya'ala'al ti' le Quili'ich Dzíibo': Tene' táan in dzáic ti' Sión jun túul máax u tuunichil t'óochpajal yéetel nojoch tuunich cu beetic u lúubul máac; le máax cu yocsic u yóol ti'e', ma' bíin lúubuc u yóoli'.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Maya de YucatánTumben Nupt'an NT © Sociedad Bíblica de Mexico, 2004.