Romanos 8
8
Le cuxtal cu taal ti' le Quili'ich Pixano'
1Bejela'a' túune' mina'an mix jun p'éel xot kiin u ti'al le máaxo'ob nupa'ano'ob ti' Cristo Jesuso', le máaxo'ob ma' tu cuxtalo'ob je'el bix u ya'alic u lu'umcabil wíinclilo'obo' ba'ale' cu cuxtalo'ob je'el bix u ya'alic le Quili'ich Pixano'. 2Tumen u ya'almaj t'aan Pixan cu dzáic cuxtal tu yo'olal le nup óolal yéetel Cristo Jesusuo', dzo'oc u toquiquen ti' u ya'almaj t'aan le keban cu taasic quíimilo'. 3Tumen Jajal Diose' dzo'oc u beetic le ba'ax ma' páatji u beetic u ya'almaj t'aan Moiseso', tumen le a'almaj t'aano' j lúub u muuk tu yo'olal le lu'umcabil wíinclilo'. Jajal Diose' tu beetaj lela' iquil tu túuxtilac u Paal beeta'an máaquil je'el bix jun p'éel quiimsbil siibal tu yo'olal le kebano'; u káat u ya'ale' tu túuxtaj u Paal chica'an ti' keban máac, bey túuno' tu xot kintaj le kebano' ti' le lu'umcabil wíinclilo'. 4Le je'ela' tu beetaje' u ti'al ca páatac c beetic le ba'axo'ob cu ya'alic le ya'almaj t'aano', tumen ma' táan c xíimbal je'el bix u ya'alic le lu'umcabil wíinclilo' ba'ale'; je'el bix u ya'alic le Quili'ich Pixano'.
5Tumen le máaxo'ob cu cuxtalo'ob je'el bix u ya'alic le lu'umcabil wíinclilo' chéen ti' u ba'alubáilo'ob le wíinclilo'ob cu dzáic u yóolo'obo'; ba'ale' le máaxo'ob cuxa'ano'ob je'el bix cu ya'alic le Quili'ich Pixano' cu dzáic u yóolo'ob ti' u ba'alo'obil le Pixano'. 6U dzáic u yóol máac chéen ti' u ba'alo'obil le wíinclilo' cu bisic máac ti' quíimil; ba'ale' u dzáic u yóol máac ti' u ba'alo'obil le Pixano' cu bisic máac ti' cuxtal yéetel ti' jéedzel óolal. 7Le máaxo'ob cu dzáic u yóolo'ob chéen ti' u ba'alo'obil le wíinclilo' u p'ecmajo'ob Jajal Dios, tumen ma' u káato'ob mix tu páajtal u yantalo'ob yáanal u ya'almaj t'aan Jajal Diosi. 8Le o'olale' le máaxo'ob cuxa'ano'ob chéen u ti'al le lu'umcabil wíinclilo' ma' tu páajtal u lúubulo'ob utzil ti' Jajal Dios. 9Ba'ale' te'exe' ma' cuxa'ane'ex chéen u ti'al le lu'umcabil wíinclilo', tumen nupa'ane'ex ti' le Quili'ich Pixano', wa tu jaajil cuxa'an ti' te'ex u Quili'ich Pixan Junab Jajal Dios. Le máax mina'an u Quili'ich Pixan Cristo ti'e', ma' u ti'al Cristoi'. 10Ba'ale' wa cuxa'an Cristo ti' te'exe', le pixano' cuxa'an tumen dzo'oc u dza'abal ma'alob tu táan Jajal Dios quex dzo'oc u quíimsa'al le wíinclil tumen le kebano'. 11Wa cuxa'an ti' te'ex u Quili'ich Pixan le máax tu ca'a púut cuxquintaj Cristo Jesús ti' le quíimilo', le Jajal Dios ca'a púut cuxquinto' leti' cun u dzáa túumben cuxtal ti' a wíinclile'ex cu quíimilo' tu yo'olal le u Quili'ich Pixan caja'an ti' te'exo'. 12Bey túuno' sucu'une'ex yaan to'on jun p'éel cuuch, ba'ale' ma' u ti'al ca cuxlaco'on je'el bix cu ya'alic le lu'umcabil wíinclilo'. 13Tumen wa te'ex ca cuxtale'ex chéen je'el bix cu ya'alic le lu'umcabil wíinclilo', yaan a quíimile'ex, ba'ale' wa tu yo'olal le Quili'ich Pixan ca beetique'ex u quíimil le ba'ax cu beetic le lu'umcabil wíinclilo', yaan a cuxtale'ex. 14Tuláacal le máaxo'ob cu nu'ucta'al u beelo'ob tumen u Quili'ich Pixan Jajal Diose' leti'obe' u paalalo'ob Jajal Dios. 15Tumen le Quili'ich Pixan ta kamaje'exo' ma' u pixanil palitzilil ca u beet a ch'a'ique'ex sajaquil tu ca'a téeni', ba'ale' le Quili'ich Pixan cu beetique'ex u paalale'ex Jajal Dioso'. Le Quili'ich Pixana' cu beetic c a'alic: ¡“C Taata” ti' Jajal Dios! 16Le Quili'ich Pixana' cu nupicubáa yéetel c pixane' u ti'al u ya'alic to'one' u paalalo'on Jajal Dios. 17Tumen u paalalo'one', yaan xan ba'al c il yéetel le ayikalil u ya'almaj Jajal Dios u dzáic ti' to'ono', lela' bíin c kam jun múuch' yéetel Cristo, wa c mukyaj bejela'a' tu yéetel u ti'al ca páatac c antal tu nojbe'enil. 18Bejela'e' túune' quin tucultique' le ba'ax c mukyajtic ti' le kiino'oba' mix ba'al wa c quetic yéetel le nojbe'enil bíin chíicbesa'ac ti' to'ono'. 19Yéetel ya'ab dzíibolal yéetel alab óolale', tuláacal le ba'alo'ob u beetmaj Jajal Dioso' táan u pa'atico'ob u kiinil le quéen páatac u kaj óolta'al u paalal Jajal Dios. 20Tumen tuláacal ba'ax beeta'ane' xot kinta'ab u ti'al kastal, lelo' ma' tumen bey tu yóoltilaqui', ba'ale' tumen bey tu ya'aljilac Jajal Dios; ba'ale' yaan mantadz alab óolalil. 21Tuláacal ba'ax beeta'ane' yaan u to'ocol ti' le palitzililo' yéetel ti' le xu'ulsajilo', u ti'al ca yanac ba'al u yil ti' u nojbe'en jáalkabtajil u paalalo'ob Jajal Dios. 22C ojel tac bejela'e' tuláacal le ba'alo'ob u beetmaj Jajal Dioso' cu yáacan yéetel cu mukyaj je'el bix jun túul co'olel táan u síijsaje'. 23Ma' chéen le ba'alo'ob beeta'an cu mukyajo', ba'ale' tac to'on quex yaan to'on le Quili'ich Pixan je'el bix le yáax jaatz ti' le ba'axo'ob bin c kamo'. C u'uyic jun p'éel ki'inamil jach taam, yéetel c pa'atic u kiinil le quéen ka'amaco'on je'el bix u paalalo'ob Jajal Dioso', yéetel lelo' cu jáalkabta'al c wíinclil. 24Tumen tu yóokol alab óolal j to'oco'on; ba'ale' wa yaan máax táan u yilic ba'ax cu pa'atique', lelo' ma' alab óolali'. Ba'ax táan u yila'ale', mina'an ba'ax óolal u pa'ta'al. 25Ba'ale' wa táan c pa'atic jun p'éel ba'al ma' táan u páajtal c ilique'; yaan c pa'atic yéetel chuca'an óolal.
26Bey xano' le Quili'ich Pixano' cu yáantico'on ti' c ma' muuk óolalil. Tumen ma' c ojel payalchi' je'el bix unaje', ba'ale' le Quili'ich Pixano' cu káat óolal ti' Jajal Dios t o'olal, yéetel áacamo'ob ma' tu páajtal u ya'ala'al yéetel t'aano'ob. 27Jajal Dios máax cu xakaltic le pucsi'ikalo'obo', u yojel ba'ax u káat u ya'al le Quili'ich Pixano'; tumen le Quili'ich Pixano' cu káat óolal je'el bix u káat Jajal Diose' tu yo'olal le máaxo'ob u ti'alo'obo'.
U tuucul yéetel u yaacunaj Jajal Dios
28C ojel Jajal Diose' cu beetic tuláacal ba'ale' u ti'al u yutzil le máaxo'ob yaabiltique', máaxo'ob dzo'oc u t'anic je'el bix u tucultmajile'. 29Tumen le máaxo'ob kajóolta'anilo'ob tumen Jajal Dios tu yáax chuuno', j dzaabo'ob tu yáax chuun tumen leti'e' u ti'al ca béeychajco'ob bey je'el bixili' u Paale', u ti'al beyo' u Paale' ca p'áatac yáaxil ichil ya'abcach sucu'untzilo'ob. 30Le máaxo'ob tu yéeymaili' Jajal Dios tu yáax chuune', tu t'anajo'ob xan; le máaxo'ob tu t'anajo'obe', bey xan tu dzajo'ob ma'alob tu táan; le máaxo'ob tu dzajo'ob ma'alob tu táane', tu nojbe'encunsajo'ob xan.
31¿Ba'ax túun je'el c a'alic tu yo'olal lela'? Wa Junab Jajal Dios ti' yaan t éetele', ¿máax je'el u páajtal u yantal t contrae'? 32Jajal Diose' ma' tu ya'alaj to'on ma' u dzaíc u Paali', ba'ale' tu kubaj u ti'al j quíimil t o'olal tuláacalilo'on; ¿bix túun ma' u dzáic to'on xan tuláacal ba'al yéetel u Paal? 33¿máax je'el u páajtal u taquic u pool le máaxo'ob yéeya'anilio'ob tumen Jajal Dioso'? Jajal Dios máax a'al mina'an u si'ipilo'ob; 34¿máax túun je'el u páajtal u xot kintico'obe'? Cristo máax quíimi, bey xan leti' máax ca'a púut cuxquinta'abi' yéetel ti' yaan tu x no'oj kab Jajal Diose', táan u káat óolal t o'olal. 35¿máax túun je'el u páajtal u tzelico'on ti' u yaacunaj Cristoe'? ¿Je'el wa u páajtal u beetic le mukyajo', wa le talam ba'alo'obo', wa le ch'a'apachtajilo', wa le wi'ijilo', wa le x ma' nookilo', wa le sajbe'entzililo', wa le quíimilo'? 36Je'el bix u ya'alic le Quili'ich Dzíibo': Ta wo'olale' ti' yano'on tu táan quíimil bul kiine'; c táan óolta'al je'el bix j tamano'ob cu bisa'alo'ob u ti'al quiimsbilo'obe'. 37Ba'ale' ti' tuláacal le ba'alo'oba' c jóokol yéetel máan tip'a'anil utz tu yo'olal le máax tu yaabiltajo'ono'.
38Bey túuno', ma'alob in wojelil mina'an mix ba'al cu páajtal u tzelico'on ti' u yaacunaj Jajal Dios. Mix le quíimilo', mix le cuxtalo', mix le ángelo'obo', mix ca'anilbe'en páajtalilo'ob yéetel muuko'obo', mix le bejla'abe'en ba'alo'oba', mix le ba'alo'ob bíin taalaco', 39mix le ca'analo', mix le taamilo', mix u láak ti' le ba'alo'ob beeta'ano'ob tumen Jajal Dioso' cu páajtal u tzelico'on, ti' le yaacunaj tu ye'esaj to'on ti' Cristo Jesús c Yuumtzil.
Currently Selected:
Romanos 8: YUA04
Highlight
Share
Copy
Want to have your highlights saved across all your devices? Sign up or sign in
Maya de YucatánTumben Nupt'an NT © Sociedad Bíblica de Mexico, 2004.
Romanos 8
8
Le cuxtal cu taal ti' le Quili'ich Pixano'
1Bejela'a' túune' mina'an mix jun p'éel xot kiin u ti'al le máaxo'ob nupa'ano'ob ti' Cristo Jesuso', le máaxo'ob ma' tu cuxtalo'ob je'el bix u ya'alic u lu'umcabil wíinclilo'obo' ba'ale' cu cuxtalo'ob je'el bix u ya'alic le Quili'ich Pixano'. 2Tumen u ya'almaj t'aan Pixan cu dzáic cuxtal tu yo'olal le nup óolal yéetel Cristo Jesusuo', dzo'oc u toquiquen ti' u ya'almaj t'aan le keban cu taasic quíimilo'. 3Tumen Jajal Diose' dzo'oc u beetic le ba'ax ma' páatji u beetic u ya'almaj t'aan Moiseso', tumen le a'almaj t'aano' j lúub u muuk tu yo'olal le lu'umcabil wíinclilo'. Jajal Diose' tu beetaj lela' iquil tu túuxtilac u Paal beeta'an máaquil je'el bix jun p'éel quiimsbil siibal tu yo'olal le kebano'; u káat u ya'ale' tu túuxtaj u Paal chica'an ti' keban máac, bey túuno' tu xot kintaj le kebano' ti' le lu'umcabil wíinclilo'. 4Le je'ela' tu beetaje' u ti'al ca páatac c beetic le ba'axo'ob cu ya'alic le ya'almaj t'aano', tumen ma' táan c xíimbal je'el bix u ya'alic le lu'umcabil wíinclilo' ba'ale'; je'el bix u ya'alic le Quili'ich Pixano'.
5Tumen le máaxo'ob cu cuxtalo'ob je'el bix u ya'alic le lu'umcabil wíinclilo' chéen ti' u ba'alubáilo'ob le wíinclilo'ob cu dzáic u yóolo'obo'; ba'ale' le máaxo'ob cuxa'ano'ob je'el bix cu ya'alic le Quili'ich Pixano' cu dzáic u yóolo'ob ti' u ba'alo'obil le Pixano'. 6U dzáic u yóol máac chéen ti' u ba'alo'obil le wíinclilo' cu bisic máac ti' quíimil; ba'ale' u dzáic u yóol máac ti' u ba'alo'obil le Pixano' cu bisic máac ti' cuxtal yéetel ti' jéedzel óolal. 7Le máaxo'ob cu dzáic u yóolo'ob chéen ti' u ba'alo'obil le wíinclilo' u p'ecmajo'ob Jajal Dios, tumen ma' u káato'ob mix tu páajtal u yantalo'ob yáanal u ya'almaj t'aan Jajal Diosi. 8Le o'olale' le máaxo'ob cuxa'ano'ob chéen u ti'al le lu'umcabil wíinclilo' ma' tu páajtal u lúubulo'ob utzil ti' Jajal Dios. 9Ba'ale' te'exe' ma' cuxa'ane'ex chéen u ti'al le lu'umcabil wíinclilo', tumen nupa'ane'ex ti' le Quili'ich Pixano', wa tu jaajil cuxa'an ti' te'ex u Quili'ich Pixan Junab Jajal Dios. Le máax mina'an u Quili'ich Pixan Cristo ti'e', ma' u ti'al Cristoi'. 10Ba'ale' wa cuxa'an Cristo ti' te'exe', le pixano' cuxa'an tumen dzo'oc u dza'abal ma'alob tu táan Jajal Dios quex dzo'oc u quíimsa'al le wíinclil tumen le kebano'. 11Wa cuxa'an ti' te'ex u Quili'ich Pixan le máax tu ca'a púut cuxquintaj Cristo Jesús ti' le quíimilo', le Jajal Dios ca'a púut cuxquinto' leti' cun u dzáa túumben cuxtal ti' a wíinclile'ex cu quíimilo' tu yo'olal le u Quili'ich Pixan caja'an ti' te'exo'. 12Bey túuno' sucu'une'ex yaan to'on jun p'éel cuuch, ba'ale' ma' u ti'al ca cuxlaco'on je'el bix cu ya'alic le lu'umcabil wíinclilo'. 13Tumen wa te'ex ca cuxtale'ex chéen je'el bix cu ya'alic le lu'umcabil wíinclilo', yaan a quíimile'ex, ba'ale' wa tu yo'olal le Quili'ich Pixan ca beetique'ex u quíimil le ba'ax cu beetic le lu'umcabil wíinclilo', yaan a cuxtale'ex. 14Tuláacal le máaxo'ob cu nu'ucta'al u beelo'ob tumen u Quili'ich Pixan Jajal Diose' leti'obe' u paalalo'ob Jajal Dios. 15Tumen le Quili'ich Pixan ta kamaje'exo' ma' u pixanil palitzilil ca u beet a ch'a'ique'ex sajaquil tu ca'a téeni', ba'ale' le Quili'ich Pixan cu beetique'ex u paalale'ex Jajal Dioso'. Le Quili'ich Pixana' cu beetic c a'alic: ¡“C Taata” ti' Jajal Dios! 16Le Quili'ich Pixana' cu nupicubáa yéetel c pixane' u ti'al u ya'alic to'one' u paalalo'on Jajal Dios. 17Tumen u paalalo'one', yaan xan ba'al c il yéetel le ayikalil u ya'almaj Jajal Dios u dzáic ti' to'ono', lela' bíin c kam jun múuch' yéetel Cristo, wa c mukyaj bejela'a' tu yéetel u ti'al ca páatac c antal tu nojbe'enil. 18Bejela'e' túune' quin tucultique' le ba'ax c mukyajtic ti' le kiino'oba' mix ba'al wa c quetic yéetel le nojbe'enil bíin chíicbesa'ac ti' to'ono'. 19Yéetel ya'ab dzíibolal yéetel alab óolale', tuláacal le ba'alo'ob u beetmaj Jajal Dioso' táan u pa'atico'ob u kiinil le quéen páatac u kaj óolta'al u paalal Jajal Dios. 20Tumen tuláacal ba'ax beeta'ane' xot kinta'ab u ti'al kastal, lelo' ma' tumen bey tu yóoltilaqui', ba'ale' tumen bey tu ya'aljilac Jajal Dios; ba'ale' yaan mantadz alab óolalil. 21Tuláacal ba'ax beeta'ane' yaan u to'ocol ti' le palitzililo' yéetel ti' le xu'ulsajilo', u ti'al ca yanac ba'al u yil ti' u nojbe'en jáalkabtajil u paalalo'ob Jajal Dios. 22C ojel tac bejela'e' tuláacal le ba'alo'ob u beetmaj Jajal Dioso' cu yáacan yéetel cu mukyaj je'el bix jun túul co'olel táan u síijsaje'. 23Ma' chéen le ba'alo'ob beeta'an cu mukyajo', ba'ale' tac to'on quex yaan to'on le Quili'ich Pixan je'el bix le yáax jaatz ti' le ba'axo'ob bin c kamo'. C u'uyic jun p'éel ki'inamil jach taam, yéetel c pa'atic u kiinil le quéen ka'amaco'on je'el bix u paalalo'ob Jajal Dioso', yéetel lelo' cu jáalkabta'al c wíinclil. 24Tumen tu yóokol alab óolal j to'oco'on; ba'ale' wa yaan máax táan u yilic ba'ax cu pa'atique', lelo' ma' alab óolali'. Ba'ax táan u yila'ale', mina'an ba'ax óolal u pa'ta'al. 25Ba'ale' wa táan c pa'atic jun p'éel ba'al ma' táan u páajtal c ilique'; yaan c pa'atic yéetel chuca'an óolal.
26Bey xano' le Quili'ich Pixano' cu yáantico'on ti' c ma' muuk óolalil. Tumen ma' c ojel payalchi' je'el bix unaje', ba'ale' le Quili'ich Pixano' cu káat óolal ti' Jajal Dios t o'olal, yéetel áacamo'ob ma' tu páajtal u ya'ala'al yéetel t'aano'ob. 27Jajal Dios máax cu xakaltic le pucsi'ikalo'obo', u yojel ba'ax u káat u ya'al le Quili'ich Pixano'; tumen le Quili'ich Pixano' cu káat óolal je'el bix u káat Jajal Diose' tu yo'olal le máaxo'ob u ti'alo'obo'.
U tuucul yéetel u yaacunaj Jajal Dios
28C ojel Jajal Diose' cu beetic tuláacal ba'ale' u ti'al u yutzil le máaxo'ob yaabiltique', máaxo'ob dzo'oc u t'anic je'el bix u tucultmajile'. 29Tumen le máaxo'ob kajóolta'anilo'ob tumen Jajal Dios tu yáax chuuno', j dzaabo'ob tu yáax chuun tumen leti'e' u ti'al ca béeychajco'ob bey je'el bixili' u Paale', u ti'al beyo' u Paale' ca p'áatac yáaxil ichil ya'abcach sucu'untzilo'ob. 30Le máaxo'ob tu yéeymaili' Jajal Dios tu yáax chuune', tu t'anajo'ob xan; le máaxo'ob tu t'anajo'obe', bey xan tu dzajo'ob ma'alob tu táan; le máaxo'ob tu dzajo'ob ma'alob tu táane', tu nojbe'encunsajo'ob xan.
31¿Ba'ax túun je'el c a'alic tu yo'olal lela'? Wa Junab Jajal Dios ti' yaan t éetele', ¿máax je'el u páajtal u yantal t contrae'? 32Jajal Diose' ma' tu ya'alaj to'on ma' u dzaíc u Paali', ba'ale' tu kubaj u ti'al j quíimil t o'olal tuláacalilo'on; ¿bix túun ma' u dzáic to'on xan tuláacal ba'al yéetel u Paal? 33¿máax je'el u páajtal u taquic u pool le máaxo'ob yéeya'anilio'ob tumen Jajal Dioso'? Jajal Dios máax a'al mina'an u si'ipilo'ob; 34¿máax túun je'el u páajtal u xot kintico'obe'? Cristo máax quíimi, bey xan leti' máax ca'a púut cuxquinta'abi' yéetel ti' yaan tu x no'oj kab Jajal Diose', táan u káat óolal t o'olal. 35¿máax túun je'el u páajtal u tzelico'on ti' u yaacunaj Cristoe'? ¿Je'el wa u páajtal u beetic le mukyajo', wa le talam ba'alo'obo', wa le ch'a'apachtajilo', wa le wi'ijilo', wa le x ma' nookilo', wa le sajbe'entzililo', wa le quíimilo'? 36Je'el bix u ya'alic le Quili'ich Dzíibo': Ta wo'olale' ti' yano'on tu táan quíimil bul kiine'; c táan óolta'al je'el bix j tamano'ob cu bisa'alo'ob u ti'al quiimsbilo'obe'. 37Ba'ale' ti' tuláacal le ba'alo'oba' c jóokol yéetel máan tip'a'anil utz tu yo'olal le máax tu yaabiltajo'ono'.
38Bey túuno', ma'alob in wojelil mina'an mix ba'al cu páajtal u tzelico'on ti' u yaacunaj Jajal Dios. Mix le quíimilo', mix le cuxtalo', mix le ángelo'obo', mix ca'anilbe'en páajtalilo'ob yéetel muuko'obo', mix le bejla'abe'en ba'alo'oba', mix le ba'alo'ob bíin taalaco', 39mix le ca'analo', mix le taamilo', mix u láak ti' le ba'alo'ob beeta'ano'ob tumen Jajal Dioso' cu páajtal u tzelico'on, ti' le yaacunaj tu ye'esaj to'on ti' Cristo Jesús c Yuumtzil.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Maya de YucatánTumben Nupt'an NT © Sociedad Bíblica de Mexico, 2004.