SAAM HLABU 14
14
Milai Ih ṭhatlonak #David Ih Hla
(Saam 53)
1Mi aa cun a thinlung in,
“Pathian a um lo,” a ti.
Milai cu an siat ṭheh a si;
Ningsinza thil tampi an tuah.
Thil ṭha a tuahtu pakhat hman
an um lo.
2Minung lakah fimnak a neitu le
Pathian a hawl ih a biatu an um
maw? ti theih duh ah,
Bawipa in minung pawl cu,
Vancung ihsin a run zoh.
3Asinain an zatein an pial ṭheh;
An thinlung sung tiangin
a thu ṭheh a si.
Zohman thilṭha tuahtu an um lo,
Pakhatte hman an um lo.
4 Bawipa in, “Hi mi ṭha lo
pawl hi theihthiamnak zianghman
a nei lomi maw an si?
saang an ei vekin ka minung pawl
an ei baar ṭheh a si.
Ka hnenah thla an cam fawn lo,”
a ti.
5Asinain annih cu ṭih phang in
an um ding;
Ziangahtile a dingfelmi hnen
lawngah Pathian cu a um.
6Mi lungnem ih khawkhannak cu
nan siatsuah,
Sikhalsehla annih ih beunak cu
Bawipa a si.
7Israel mi runnak cu Zion ihsin
ra suak sehla ka va duh so!
Bawipa in a minung pawl mal
a sawm sal tikah,
Jakob ih tesinfa pawl cu an lung
a awi ding ih Israel mi pawl cu
an ai a puang ding.
Currently Selected:
SAAM HLABU 14: FCL
Highlight
Copy
Compare
Share
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.
