SAAM HLABU 12
12
Bomnak Hrang Thlacamnak #David Ih Phuahmi Hla
1Maw Bawipa, i bawm hram aw.
Mi ṭha zohman an um nawn lo.
Mifel pawl hmuh an theih nawn lo.
2Mi hmuahhmuah in thuphan an
sim-aw ton ih,
Porh awknak thawn an bum-aw
ton rero a si.
3Maw Bawipa, a porh-aw reromi
lei pawl cu hlep awla,
Tluang a khawng reromi kaa pawl
cu phit aw.
4Annih in, “Kan ṭongkam in mi
kan neh ding,
Ka kaa hi kanmah ih ta a sisi;
Zoso kan tlunah lal a ṭuan thei
ding?” an ti.
5Cun Bawipa in, “Mi farah
zonzai pawl an namthlak ih,
An hremmi pawl harnak tuar in
an hui an aihram ruangah,
Atu cu ka ra ding.
An hiarhal zetmi humhimnak cu
ka pe ding,” a ti.
6 Bawipa ih thukamnak cu
rintlak a si.
A thiangmi a si ih somei ih voi
sarih tiang sermi ngun eerlet
bangtuk a si.
7-8Mi ṭha lo pawl khuazakip ah
an vakdarh ih,
Zozo khal in ṭhat lonaktu sawn
hi an uar a si.
Maw Bawipa, nangmah in
in kilveng awla,
Cubangtuk minung hnen ihsin in
hum hram aw.
Currently Selected:
SAAM HLABU 12: FCL
Highlight
Copy
Compare
Share
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.
