MIPUM SIARNAK 36
36
1Josef ih fapa Manasseh ih fapa Makhir ih fapa Gilead hrin pawl innsang fingfingih hotu ciar cu Moses le a dang hruaitu pawl hnenah an feh ih, 2an hnenah, “Bawipa in hi ram cu Israel mi hnen ah camcawhfung zukin zem dingah thu a lo pek a si. Cuih tlunah kan unau Zelofehad ih ram cu a fanu pawl hnenih pek dingah thu a lo pek fawn a si. 3Sikhalsehla a fanu pawl in Israel miphun sungih hrin dangmi an pasal ahcun an ram cu cute hrinih ta ah a cang dingih kannih kan zate ih kan ngahmi ram cu a fiak vivo ding a si. 4Thilri le leiram zuar ciami hmuahhmuah a rak nei hmaisatu hnenih khirh sal kum a ra thlen hmanah Zelofehad fanu pawl ih ram cu a kumkhua in an pasal pawl hrinih leiram a si tata ding ih kannih hrin hrangah cun kan sung ngaingai ding a si,” tiah an ti.
5Curuangah Moses in Israel mi hnenah Bawipa ih fial bangtuk in thu a pek: “Josef hrin hotu pawl ih an simmi thu hi thudik a si. 6Curuangah Bawipa ih thupekmi cu hi bangtuk in a si: Zelofehad fanu pawl cun an duhmi zokhal an pasal thei ding. Asinain anmah ih hrin sungmi lawng an si pei. 7Israel mi kip in an ram neihmi cu anmah ih hrin lengah an fehter lo pei. 8Israel miphun sungah nunau in ram a neih a si ahcun amah ih hrin sung lawngah pasal a nei pei. Cuticun Israel mi kipin an pupa ih ram cu an co thei pei ih, 9leiram cu hrin khat in hrin khatah a feh lo pei. An hrin tinin an leiram ciar cu an co ringring pei,” a ti.
10Curuangah Zelofehad ih fanu pawl cun Bawipa in Moses hnenih thu a pek bangtuk in an tuah. 11Zelofehad fanu Mahlah, Tirzah, Hoglah, Milkah, le Noah pawl cun an pa-ih unau sungkhat ih fapa pawl an pasal a si. 12Josef fapa Manasseh hrin sungmi mipa pawl an pasal ih an ram cu an pa ih hrin sungah a um ringring.
13Hi daan pawl le thupekmi pawl cu Jerikho khua zawn, Jordan Tiva ral Moab hmunrawn ah Bawipa in Israel mi hrangah Moses hnenih a pekmi an si.
Currently Selected:
MIPUM SIARNAK 36: FCL
Highlight
Copy
Compare
Share
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.
