PUITHIAM HNAṬUANNAK 11

Eiṭha Ramsa Pawl

(Daan 14.3-21)

1 Bawipa in Israel miphun hrangah a tanglam daan pawl cu, 2Moses le Aaron hnenah a pek. Leilung tlun ramsa, 3ketin ṭeek nei le rawlret ṭhial nei hmuahhmuah nan ei pei. 4-6Sikhalsehla kalauk pawl, meingan pawl, le sabek pawl cu nan ei lo pei. Hi ramsa pawl cu ramsa thiang lo an si; ziangahtile rawlret an ṭhial naón ketin ṭeek an nei lo. 7Voksa nan ei lo pei; ketin ṭeek an nei naón rawlret an ṭhial lo. 8Hi ramsa pawl cu nan ei lo pei; an ruak khal nan tham lo pei. Ramsa thiang lo an si.

9Ṭeh le kep a neimi nga hmuahhmuah cu nan ei thei. 10Asinain ti sungih a ummi ṭeh le kep a nei lomi cu ei ding an si lo. 11Sa thiang lo-ah siar ding an si. Hi pawl cu nan ei lo pei; an ruak khal nan tham lo pei. 12Ti sungih a ummi ṭeh le kep a nei lomi hmuahhmuah nan ei lo pei.

13A tanglamih va pawl hi nan ei lo pei; ziangahtile fihnungza an si. Muvanlai, langta, langta dum; 14khaute, khaupi, 15tlang-ak, 16kalauk vate, sumbuh, sumbuh hmultawi, sumbuh hmulsau, zan khaute, 17sumbuh fate, cenbai, sumbuh rang, 18cirhdawt, ngathur, pelikan, 19vaca, rih-ar, vasuangtuar le palap pawl tla an si.

20An khirnak dingih ke hlikhlok neimi siar lo, 21thla a nei ih ke li neimi cucik kharbok hmuahhmuah cu ei thiang lo an si. 22Kharbok, umzir le bawkhring pawl cu nan ei thei ding. 23Asinain a dang cucik kharbok thla a nei mi le a bokvakmi pawl hmuahhmuah cu ei thiang lo an si.

24Zokhal sisehla a thuailam ramsa pawl ih ruak a thamtu cu zanlam tiang mithiang lo an si ding. 25Zokhal sisehla hi pawl ih ruak a latu cu an hnipuan an sawp pei ih zanlam tiang mithiang lo an si ding.

26-28Ketin ṭeek nei ih rawlret ṭhial nei ramsa siar lo, ketin ṭeek lo ramsa hmuahhmuah le ke li nei ih ketin hriam ramsa hmuahhmuah cu ramsa thiang lo an si. Zokhal hi ramsa pawl ih ruak a thamtu cu an tham sun zanlam tiang mithiang lo-ah an cang ding; zokhal hi ramsa pawl ih ruak a phurtu cu a phurh laiih a hrukmi hnipuan pawl a sawp thluh pei. Cuih hnu khalah zanlam tiang mithiang lo a si thotho ding.

29-30Duum, hramlak zinghnam, inn zinghnam, thangkawng, ngangdol a phunphun le laiking pawl cu ei thiang lo an si. 31Zokhal a tlunih pawl a thamtu le an ruak a daitu pawl cu acuih sun zanlam tiang mithiang lo an si ding. 32An ruak pawl tla thil pakhatkhat parih a tlak asile acuih thil cu a thiang lo-ah rel a si ding. Zanthing siseh hnipuan siseh, savun siseh, dip siseh, ziangih hmanmi a si khalle a thiang lo-ah rel a si ding. Hi thil cu tidai sungah hnim a si pei; sikhalsehla zanlam tiang thilri thiang lo a si thotho ding. 33Cun an ruak pawl beelnu sungih an tlak asile acuih beel sungih a ummi hmuahhmuah cu a thiang lo a si ding ih acuih beelnu cu nan khuai pei. 34Cun acuih beel sung tidai ih toihmi rawl pohpoh cu rawl thiang lo a si ding; cubangtuk beel sungih in ṭha hmuahhmuah cu in ṭha lo-ah a cang ding. 35Hi saruak pawl ih tlakmi hmuahhmuah cu a thiang lomi an si; tlak ih tuahmi lungthu a si ahcun nan khuai thluh pei. 36Hi saruak pawl ih an daimi hmuahhmuah cu a thiang lomi an si; asinain dawhhna le tikuang pawl cu a thiangah rel an si ding. 37Hi saruak pakhatkhat cu tuh dingmi thlaici parih a tlak khalle cuih thlaici cu a thiang thotho a si. 38Asinain tidai sungih ciahmi thlaici parih a tlak pang a si ahcun cuih thlaici cu a thiang lo a si.

39Ei thiangmi ramsa pakhatkhat a thi ih cuih saruak a thamtu cu zanlam tiang mithiang lo a si ding. 40Zozo khal hi sa a ei a si ahcun a hnipuan a sawp thluh pei; sikhalsehla cuih zanlam tiang mithiang lo a si thotho ding. Zokhal hi saruak a phurtu cu a hnipuan a sawp thluh pei; sikhalsehla cuih zanlam tiang cu mithiang lo a si thotho ding.

41Lei parih a vak murhmo mi ramsa, 42a pum leilung rawt ih a vakmi siseh, ke keli ih a vakmi le ke tampi a neimi siseh, nan ei hrimhrim lo pei. 43Hi pawl hi ei tahrat in nanmah le nanmah mithiang lo-ah nan tuah-aw lo pei. 44Keimah cu Bawipa nan Pathian ka si ih keimah ka thianhlim bangtuk in nannih khal nan thianghlim ve pei. 45Keimah cu nan Pathian si dingah Izipt ram ihsin a lo suahsuaktu Bawipa ka si. Keimah cu a thianghlim mi ka si bangtuk in nannih khal nan thianghlim ve pei.

46Ramsa, vate le ti sungih a ummi hmuahhmuah le lei parih a vakmi ramsa hmuahhmuah thawn peh-aw ih daan cu hihi an si. 47Raitluang le raitluang lo siseh, ramsa ei thiang le ei thiang lo siseh, thleidang thiam dingah nan ralring pei.

Currently Selected:

PUITHIAM HNAṬUANNAK 11: FCL

Highlight

Copy

Compare