ISAIAH 2
2
Kumkhua Hnangamnak
(Mik 4.1-3)
1Pathian in Amoz fapa Isaiah hnenah Judah le Jerusalem thu thawn peh aw in hi ti hin a sim.
2Hmailam caanah
Biakinn a dinnak tlang cu
tlangdang hnakin a saangbik a si ding.
Miphun tampi cuih tlang ahcun cat loin an ra dingih
3an minung pawl in,
“Bawipaió tlang ah hung feh uhsi;
Israel Pathian in Biakinn ahcun.
Thlun dingih in duh mi cu in zirh dingih
A hrilzo mi a lamzin ihsin kan feh ding.
Bawipaió thuzirhmi cu Jerusalem ihsin a ra;
Zion ihsin a mi pawl hnenah a sim a si.
4Ram tumzetzet karlakih thutam mi cu a daiter ding.
Cuticun an ralnam cu leilehnak tuhmui ah an ser dingih
an feipi cu thingrah kung thenfainak
namte ah an tuah ding.
Ramkhat le ramkhat an do aw nawn lo dingih,
raldo khal an tum nawn lo ding.
5Maw Jakob ih tefa sin pawl, Bawipaió in pek mi tleunak sungah tlangleng uhsi.
Puarthaunak Cu Siatsuah A Si Ding
6Maw Pathian, na minung Jakob ih tefa sin pawl cu na dungtun a si. Curuangah an ram cu nisuahnak lam le Filistin ramih mitkher le dawithiam pawl an khat. Mi phundang ih thlun mi daan an thlun. 7An ram cu sui le ngun in a khatih an sumsaw cu cem ti a nei lo. An ram cu rang in a khatih an rangleng pawl cu siarcawk lo an si. 8An ram cu milem in a khatih anmah ih kut ih an tuahcop mi an biak.
9An zate in hmuhsuam le nautat mi an si dingih ningzak le hmaisia in an um ding. Maw Bawipa, zohman ngaidam hlah aw.
10 Bawipaió thinhengnak ihsin luat dingah le a sunlawinak le a cahnak huham hrial duh ah leilung ah khur lai tahrat in an lut dingih tlangpar lungpuk sungah an relh ding. 11Milai ih hngalnak cu a cem dingih milai ih puarthaunak cu siatsuah ṭheh a si ni a thleng ding. Cule Bawipa lawnglawng cawi mawi a si ding. 12Cui ni ahcun Cungnungbik Bawipa in mi lianngan hmuahhmuah a niam ter ding; mihngal le mi puarthau hmuahhmuah a namthla ṭheh ding a si. 13Lebanon ih sidar thing sang zetzet pawl le Bashan ramih sasua kung hmuahhmuah cu a siatsuah ṭheh ding. 14Tlang sang siseh, tlang niam siseh; 15ral vennak inn sang zetzet siseh khua kulhnak ralhruang sang zetzet siseh rualraan in a thlakcim ṭheh ding. 16A tumbik le a mawibik tipithuanthum ih feh thei Tarshish khua ih lawng pawl hman a pil ter ṭheh ding. 17Milai ih hngalnak le puarthaunak hmuahhmuah a cemter ṭheh ding. Cui ni ahcun Bawipa lawnglawng a saangbik ih cawimawi mi a si dingih, 18milem hmuahhmuah khal an hloral ṭheh ding.
19Leilungpi hnin dingih Bawipa a rat tikah cun a thinhengnak ihsin luat dingah le a sunlawinak le a cahnak huham hrial duh ah leilung lai tahrat in an lut dingih tlangpar ih lungpuk sungah an relh ciamco ding. 20Cui ni a thlen ngaingai tikah cun sui le ngun in an tuah mi milem pawl cu an tlansan dingih duum le palap hnenah an hlon ṭheh ding. 21Leilungpi hnin dingih Bawipa a ra thlen tikah cun a thinhengnak tlansan dingah le a sunlawinak le a cahnak huham hrialin tlangpar ih lei kua le lungpuk ah an relh ciamco ding.
22Curuangah milai cu rinsan hlah uh. Rinsantlak an sinak ziangso a um?
Currently Selected:
ISAIAH 2: FCL
Highlight
Share
Copy
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.