EZRA 3

Pathian Biak An Thok Sal

1Thla sarihnak thla#Thla sarih thla cu Tishri an ti ih September thlahrek le October thlahrek a ceem. ah, Israel mi pawl cu an khua ciarih an um hnuah, an zatein Jerusalem ah an tongkhawm aw ih, 2Jozadak ih fapa Joshua le a hawipi puithiam pawl le Shealtiel ih fapa Zerubbabel le a sungkhat pawl in Pathian ih milai Moses pekmi Daan bangtuk in mei-ur thawinak an pek theinak dingah Israel Pathian hrangah biakṭheng an don sal. 3An ram sungih um midang pawl an ṭih naón biakṭheng cu a rak dinnak hmun keelah an dawl sal. Cule cuih biakṭheng parah cun Bawipa ih hnenah zingtin zantin thawinak an pek. 4A daan vekin Puanthlam Puai an tuah ih ni khat hrangih tuah ding timi thawinak cu nitinte pelh loin an pek. 5Cuih tlunah an pek ringring ṭheu mi mei-ur thawinak, Thla Thar Puai ih pek mi thawinak, Israel mi an tonkhawm tikih an pek ṭheumi thawinak le Bawipa hnenih lungtho teih pekmi thawinak pawl an pek. 6Senpi pawl in Biakinn sak cu an thok hrih lo naón thla sarih thla, ni khat ni ah Bawipa ih hnenah mei-ur thawinak pek an thok a si.

Biakinn Sak Sal An Thok

7Cun misenpi pawl in lungsertu le zungthiam pawl pek dingah paisa an pek ih Lebanon ramih sidar thing thlengnak dingah le ṭai-ar le Sidon khua ih kuat dingin ei ding le in ding pawl le siti pawl an pek. Sidar zanthing cu tidai par in Joppa ah run phurh ding a si. Hi pawl hmuahhmuah cu Persia siangpahrang Sairas#Persia siangpahrang Sairas cu Babilon ram pumpi uktu siangpahrang a si ih 539 BC in ṭuan a thok. ih lungkimnak vekin an tuah ṭheh. 8Cuticun Jerusalem ih an kirnak#an kirnak timi cu Babilon ram ih sal an taannak ihsin 538 BC hrawngah an kirnak a si. kum khat hnu, thla hnihnak thla Ziv an ti ih April thlahrek le May thlahrek a ceem. ah Bawipa ih Biakinn hmunah cun hnaṭuan an thok. Shealtiel ih fapa Zerubbabel, Jozadak ih fapa Joshua, le Jerusalem ih a ra kir salmi hmuahhmuah - an unau Israel mi pawl, puithiam le Levi mi pawl - in Biakinn saknak hnaṭuan cu an thok. Cule kum kul le a tlun a timi Levi mi pohpoh cu hnaṭuan zohtu-ah an ret. 9Curuangah Levi mi Jeshua le a fapa pawl le a sungkhat pawl, Hodaviah hrin Kadmiel le a fapa pawl cu Biakinn sak hnaṭuan zohtu an si ṭheh. Anmah cu Levi mi Henadad hrin pawl in an bawm.

10Biakinnpi saknak a hram lungphum an hun thok cun puithiam pawl cu an umnak ciarah an ding ih tawtawrawt an keng ciar ih Asaf hrin Levi mi pawl in darsumsel an keng fingfing. Siangpahrang David ih thucahtami vekin an zatein Bawipa cu an thangṭhat. 11Bawipa thang ṭhatnak hla Bawipa ih hnenah an sak ih:

“Bawipa cu a ṭha;

Israel a duhdawtnak cu

Kumkhua in a hmun,”

timi saknolhnak cu atu le atu an sak. Biakinn hram lungphum an thawh zo ruangah Bawipa cu an thangṭhat ih zozo khal an aw neih tawpin an au ciamco. 12Kum upadeuh puithiam pawl, Levi pawl le an hrin ciarih hotu pawl cun a hmaisa Biakinn kha an rak hmu zo. Atu-ah a thar in Biakinn hram lungphum an hmuh tikah napi in an ṭap. Asinain cutawkih a ummi hrek khat pawl cu lungawi in an au ciamco. 13An au thawm cu a ring tuk ih hlapi tiang a than ruangah zohman in ṭah au asile lungawi au a si ti an thleidang thei lo.

Currently Selected:

EZRA 3: FCL

Highlight

Copy

Compare