EZRA 10
10
An Ṭhitpolh Awknak An Siat
1Ezra cu ṭap phah le sual phuangin Biakinn hmai ih thla a cam rero laiah, Israel miburpi cu a hnenah mipa, nunau le nauhak tiangin an ra ih napi in an ṭap. 2Cule Elam hrin, Jehiel ih fapa Shekaniah in Ezra hnenah, “Miphun dang nunau kan ṭhi ih Pathian hmaiah zum tlak in kan um nawn lo. Sikhalsehla Israel hrangah ruahsannak a um lai. 3Atu ihsin hi nunau pawl le an faate pawl cu dawi dingin Pathian hnenah thu kan kam pei. Nangmah le Pathian thupekmi a upattu pawl ih sim vekin kan tuah ding. Pathian ih in pekmi Daan vekin kan thlun ding. 4Tho awla thok aw; himi cu nangmah ih ṭuanvo a si, kan lo bawm ding. Ralṭha zetin tuah aw,” a ti.
5Cutikah Ezra in Shekaniah ih simmi vekin tuah thluh dingah puithiam upa pawl, Levi mi pawl le senpi pawl cu siatcam in thu a kamter. 6Cuih hnuah Biakinn hmaiah cun a feh ih Eliashib ih fapa Jehohanan umnak inn ah cuih zan cu a riak. Saltaannak in a kirmi pawl ih sualnak thu ruatin riahsia ninghang in a um ih zianghman a ei a in lo.
7Cule saltaannak in a kirmi pawl hmuahhmuah Jerusalem ih rakhawm ṭheh dingin Jerusalem le Judah ramsung khuazakip ah thu an than. 8Cumi cu uktu pawl le misenpi hotu pawl ih thupek vekih an than mi a si. Zokhal sisehla ni thum sungih a ra suak lomi cu a thilri hmuahhmuah lon ṭheh a si dingih a ra kirmi pawl sungah telh a si nawn lo pei, an ti. 9Nithum sung, thla kua thla,#thla kua thla timi hi Hebru mi pawl in Kislev an ti ih November thlahrek le December thlahrek a ceem. ni kul ni ah Judah le Benjamin ram sungih a ummi hmuahhmuah cu Jerusalem ah an ra ih Biakinn tualah an khawm aw. Nasa zetin ruah a sur. Cutiih ni khua a siat ruangah le an tonkhawmnak a thupit ruangah mi hmuahhmuah an khur ṭheh.
10Cutikah puithiam Ezra cu a tho ih an hnenah, “Miphun dang nunau nupi ah nan ṭhi ih Israel sualnak cu nan luarter sinsin. 11Atu-ah nan pupa ih Pathian, Bawipa hnenah nan sualnak cu phuang uhla Amai’ lungawinak tuah uh. Kan ram sungih um miphun dang pawl thawn rawi loin hlimphir in um uhla miphun dang nan nupi pawl cu dawi thluh uh,” a ti.
12Senpi pawl cu an au ih, “Na simmi hmuahhmuah kan tuah ding. 13Asinain minung kan tam tuk; ruah le napi in a sur fawn. Khawlengah hiti cun kan ding thei cawk lo ding. Hi sualnak ahhin zozo khal kan tel thluh ruangah ni khat ni hnih sungih ṭheh theih dingmi a si lo. 14Kan hotu upa pawl in kan zate ai-ah hi thu cu tawlrel hai seh. Kan khua ciar in miphun dang nupi a neitu hmuahhmuah cu an tinmi tikcu ah an khua sungih hotu le thuṭhentu pawl thawn ra suak hai seh. Cuticun hi sualnak ruangah kan parih Pathian thinhengnak cu a dem ding,” an ti. 15Cutiih an timi a eltu cu Asahel fapa Jonathan le Tikvah ih fapa Jahzeiah lawng an si; annih pahnih hnenah Meshullam le Levi mi Shabbethai tla an ṭang ve.
16Saltaannak ihsin a kirmi pawl an lung a kim ruangah puithiam Ezra in an hrin ciarih hotu pawl sungin mi a hril ih an hmin an ngan ṭheh. Cule an hnaṭuan cu thla hra thla,#thla hra thla timi hi Hebru mi pawl in, tebeth an ti ih December thlahrek le January thlahrek a ceem. ni khat ni in an thok ih, 17thla thum sungah miphun dang nupi a neitu pawl ih thu cu an zingzoi ṭheh a si.
Miphun Dang Nupi Neitu Pawl
18Miphun dang nupi neitu pawl cu a tanglam vekin an si. Puithiam pawl an hrin ciar in:
Jehozadak fapa Joshua hrin le a unau pawl: Maaseiah, Eliezer, Jarib le Gedaliah. 19An nupi pawl dawi dingah thu an kam-aw ih sualthlah thawinak hrangah tuucang pakhat an pe.
20Immer hrin in: Hanani le Zebadiah.
21Harim hrin in: Maaseiah, Elijah, Shemaiah, Jehiel le Uzziah.
22Pashur hrin in: Elioenai, Maaseiah, Ishmael, Nethanel, Jozabad le Elasah.
23Levi mi pawl sungin: Jozabad, Shimei, Kelaiah (Kelita ti tla in an ko) Pethahiah, Judah le Eliezer.
24Hla saktu pawl sung ihsin Eliashib.
Biakinn kiltu pawl ihsin Shallum, Telem le Uri.
25Mi dangdang:
Parosh hrin in: Ramiah, Izziah, Malkhijah, Mijamin, Eleazar, Malkhijah le Benaiah.
26Elam hrin in: Mattaniah, Zekhariah, Jehiel, Abdi, Jeremoth le Elijah.
27Zattu hrin in: Elioenai, Eliashib, Mattaniah, Jeremoth, Zabad le Aziza.
28Bebai hrin in: Jehohanan, Hananiah, Zabbai le Athlai.
29Bani hrin in: Meshullam, Malluk, Adaiah, Jashub, Sheal, le Jeremoth.
30Pahath Moab hrin in: Adna, Khelal, Benaiah, Maaseiah, Mattaniah, Bezalel, Binnui le Manasseh.
31-32Harim hrin in: Eliezer, Isshijah, Malkhijah, Shemaiah, Shimeon, Benjamin, Malluk le Shemariah.
33Hashum hrin in: Mattenai, Mattatiah, Zabad, Elifelet, Jeremai, Manasseh, le Shimei.
34-37Bani hrin in: Maadai, Amram, Uel, Benaiah, Bedeiah, Kheluhi, Vani ah, Meremoth, Eliashib, Mattaniah, Mattenai le Jaasu.
38-42Binnui hrin in: Shimei, Shelemiah, Nathan, Adaiah, Maknadebai, Shashai, Sharai, Azarel, Shelemiah, Shemariah, Shallum, Amariah le Josef.
43Nebo hrin in: Jeiel, Mattithiah, Zabad, Zebina, Jaddai, Joel, le Benaiah.
44Hi pawl cu miphun dang nupi neitu an si. An nupi pawl an ṭhen ih an faate pawl thawn an dawi hai a si.
Currently Selected:
EZRA 10: FCL
Highlight
Copy
Compare
Share
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.
