1 SIANGPAHRANG 17
17
Elijah Le Ruah A Sur Lonak Thu
1Gilead ram Tishbe khua ihsin Elijah an timi profet pakhat cu siangpahrang Ahab hnenah a feh ih, “A nungmi Bawipa Israel ih Pathian, ka biak mi Bawipa ih hminin ka lo sim: Keimah in sur thlangseh ka ti hlanlo, atu ihsin hmailam kum hnih kum thum sung cu daitla siseh ruah sur siseh a um lo ding,” tiah a sim.
2Cule Bawipa in Elijah cu, 3“Hi hmun hi tlansan awla, nisuahnak lamah feh in Jordan Tiva ihsin nisuahnak lamih a ummi Kherith Tiva kap ah va relh aw. 4Cuih tiva ihsin tidai in ding na ngah ding ih cutawkih rawl a lo petu dingah tlang-ak pawl ka fial zo,” tiah a ti.
5Elijah in Bawipa ih thu cu a ngai ih Kherith Tiva kap ahcun a va relh. 6Cuih tiva ihsin tidai a in ih tlang-ak pawl in a hrangah zingtin le zantin rawl le sa an rak pek. 7Malte a rei hnuah ruah a sur lo ruangah cuih tiva cu a kang.
Elijah Le Nuhmei Thu
8Cule Bawipa in Elijah hnenah, 9“Sidon khua kiang Zarefath khua ah va feh awla va um aw. Cutawkih a ummi nuhmei pakhat cu nangmah lo cawmtu dingah ka fial zo,” tiah a sim. 10Curuangah Elijah cu Zarefath khua ah a va feh ih khawsung luhnak kotka a thlen tikah nuhmei pakhat zanthing khawm rero a hmu. Cuih nuhmei nu hnenah cun, “Zaangfahnak in tidai in ding i pe aw,” tiah a ti. 11Tidai suak dingih nuhmei nu a feh laiah cun, “Rawl ei ding khal i rak ken aw,” tiah a hei auh.
12Cutikah nuhmei nu in, “Bawipa na Pathian hmin saal in ka lo sim a si: Rawl zianghman ka nei lo. Ka neihmi cu beel sungah sangphut zatekhat le palang sungah olif hriak malte lawng a si. Hitawkih zanthing malte ka khawmmi hin rawl ka neihmi malte cu ka fapa le keimai hrangah ka suang ding ka ti. Cumi cu rawl kan eimi neta bik a si ding. Cuih hnu cun rawl loin kan thi thlang ding a si ko,” a ti.
13Cutikah Elijah in, “Phang hlah! Va feh awla na rawl cu va suang aw. Asinain hmaisabik ah na neihmi sungin hlom khat fate in la awla ka hnenah rak keng aw. Cule a taangmi cu nangmah le na fapa hrangah suang aw. 14Ziangahtile a hi thu ahhin Israel ih Pathian Bawipa in, ‘Beel sungih sangphut cu a cem dah lo ding ih palang sungih hriak khal a cem dah lo ding, Bawipa keimah in ruah ka surter ni a thlen hlanlo cu,’ a ti a si,” tiah a sim.
15Nuhmei nu cu a feh ih Elijah ih sim vekin a tuah ṭheh. Cuticun ni tinte, Elijah hrang siseh, nuhmei nu le a innsang hrangah siseh, an zatein rawl ei ding an nei ringring. 16Bawipa ih thutiammi Elijah ih a sim bangtuk in beel sungih sangphut cu a cem dah lo ih palang sungih hriak khal a cem dah lo.
17Malte a rei deuh tikah nuhmei nu ih fapa cu a na. A besia deuhdeuh ih neta bik ahcun a thaw a cem. 18Cutikah a nu in Elijah hnenah, “Pathian ih milai pa, ziangah ka parah hi bangtuk thil hi na thlenter? Ka sualnak pawl Pathian theihter tahratih ka fapa thihter dingah maw hitawk ih na rat?” tiah a ti.
19Cutikah Elijah in, “Na fapa cu hinah rak cawi aw,” tiah a ti. Elijah in nuhmei nu ih fapa cu a nu kut ihsin a lak ih a umnak tlunta khaan ah a hun cawi ih ihkhun parah a hlum. 20Cule Elijah in, “Maw Bawipa ka Pathian, ziangah so hi nuhmei nu ih parah thil ṭha lozet na tuah? Ka parah zaangfahnak a nei ih i kilkhawi a si. Atu-ah a fapa na thihter!” tiah napi in thla a cam. 21Cuih hnuah Elijah cu cuih nauhakpa ih parah voithum a bok ih, “Maw Bawipa ka Pathian, hi nauhakpa hi nungter sal hram aw,” tiah thla a cam. 22Bawipa in Elijah ih thlacam cu a thei ih, nauhakpa cu a thaw a thaw sal ih a hung nung sal.
23Elijah in nauhakpa cu hnuaita khaan ah a vun cawi sal ih a nu hnenah a pek. “Zohhnik! Na fapa a nun sal hi!” tiah a ti.
24Cutikah a nu in, “Atu cun Pathian milai ngaingai na si ih na hnen ihsin Bawipa cu a ṭong taktak a si ti ka thei zo,” tiah a ti.
Currently Selected:
1 SIANGPAHRANG 17: FCL
Highlight
Copy
Compare
Share
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.
