1 SANSIARNAK 9

Saltaannak Ihsin An Kir

1Israel mi pawl cu an hrin ciarin cazin sungih nganmi an si ih cumi cu Israel Siangpahrang Pawlih Cabu timi a si.

Judah mi pawl cu an sual ruangah Babilon ah sal ah an taang. 2An khua le an inn ih a kir hmaisa bik pawl cu Israel mipi hrekkhat, puithiam pawl, Levi mi pawl le Biakinn ih hnaṭuantu pawl an si. 3Judah hrin, Benjamin hrin, Efraim hrin le Manasseh hrin pawl cu Jerusalem ah an feh ih an um.

4-6Jerusalem ah Judah hrin innsang zaruk le sawmkua an um. Judah fapa Perez ih tesinfa pawl hotu cu Uthai a si; Uthai cu Ammihud fapa a si ih Omri ih fasuan a si. A pupa dang cu Imri le Bani an si.

Judah fapa Shelah ih tesinfa pawl hotu cu Asaiah a si ih an sungih lubik a si.

Judah fapa Zerah ih tesinfa pawl hotu cu Jeuel a si.

7-8Benjamin hrin sungin a tanglam mi pawl cu Jerusalem ah an um:

Meshullam ih fapa Sallu; Meshullam cu Hodaviah ih fapa a si ih, Hodaviah cu Hassenuah ih fapa a si.

Jeroham ih fapa Ibneiah;

Uzzi ih fapa le Mikri ih fasuan Elah;

Shefatiah ih fapa Meshullam; Shefatiah cu Reuel ih fapa a si ih Reuel cu Ibnijah ih fapa a si.

9Jerusalem ah an hrin sungin innsang zatein zakua le sawmnga paruk an um. A tlunih hmin nganmi pawl cu sungkhat ih lubik ciar an si.

Jerusalem Ih Ummi Puithiam Pawl

10-12A tanglam hi Jerusalem ih ummi puithiam pawl an si:

Jedaiah, Jehoiarib le Jakhin.

Hilkiah ih fapa Azariah cu Biakinn ih hotu bik a si. A pupa pawl cu Meshullam, Zadok, Meraioth le Ahitub an si.

Jeroham ih fapa Adaiah; a pupa pawl cu Pashhur le Malkhijah an si.

Adiel ih fapa Maasai; a pupa pawl cu Jedaiah, Meshullam, Meshillemith le Immer an si.

13Innsang ciarih lu a si mi puithiam zatein thawngkhat zasarih le sawmruk an um. Anmah tla cu Biakinn ih hnaṭuannak ah a thiamzetmi an si.

Jerusalem Ih Um Levi Mi Pawl

14-16A tanglam pawl cu Jerusalem ih um Levi mi an si:

Hasshub ih fapa Shemaiah; a pupa pawl cu Azrikam le Hashabiah, an si ih Merari hrin an si.

Bakbakkar, Heresh le Galal;

Mika ih fapa Mattaniah; a pupa pawl cu Zikri le Asaf an si.

Shemaiah ih fapa Obadiah; a pupa pawl cu Galal le Jeduthun an si.

Asa ih fapa le Elkanah ih fasuan Berekhiah; amah cu Netofah mi pawl ih ram sungah a ummi a si.

Jerusalem Biakinn Kiltu Pawl

17A tanglam pawl cu Jerusalem Biakinn kiltu an si:

Shallum, Akkub, Talmon le Ahiman. An hotu cu Shallum a si. 18Tuihsan tiangin an hrin pawl cu nisuahnak lam sangka, Siangpahrang Kotka#9.18 Siangpahrang Kotka: timi hi Nisuahnak lam sangka ihsin Siangpahrang a luh ṭheu ruangah Siangpahrang Kotka an tinak a si. ah an ret. Ahlan ahcun Levi mi pawl riahhmun kotka kiltu an si.

19Kore ih fapa le Ebiasaf ih fasuan Shallum cu Korah hrinpi dangdang pawl thawn, Bawipa ih umnak Puanthlam #9.19 Puanthlam: ti cu Biakinn an neih hlan ih Pathian an biaknak a si. luhnak sangka kiltu an si; an pupa pawl tla Bawipa ih riahhmun an kil laiah cuvek cun an rak kil zo. 20Eleazar ih fapa Finehas in a rak ho hai; Bawipa cu a hnenah um hram seh!

21Meshelemiah ih fapa Zekhariah khal Bawipa ih umnak Puanthlam sangka kiltu a si ve.

22An zate-ah minung zahnih le hleihnih cu sangka le kotka pawl kiltu dingah an hril. Anmah tla cu an umnak khua ciarih cazin lak mi an si. An pupa pawl cu zumtlak an si ruangah siangpahrang David le profet Samuel in cubangtuk hnaṭuan thupi cu an rak ṭuanter. 23Anmah le an tesinfa pawl tiangin Biakinn cu an kil ringring. 24A kiil pali: saklam, thlanglam, nisuah le nitlak lamah kotka pakhat fingfing a um ih a kiltu upabik an um fingfing. 25Hi kotka kiltu pawl cu khawte ih a ummi an sungkhat pawl in an bawm hai ih a haha in ni sarih sung an kil ṭheu. 26Kotka kiltu upabik pali pawl cu Levi mi an si ih ṭuanvo tumbik an nei. Biakinn sungih khaan pawl le a sungih an retmi thilri pawl tla an kilkhawi. 27Biakinn kilkhawi le zingtin kotka on cu an ṭuanvo a si ruangah Biakinn kiangah an umnak cu a si.

Levi Mi Dangdang

28A dang Levi mi pawl cu Biakinn sung Pathian biaknak ih hmanmi bungbeel pawl kilkhawitu an si. An hman hlanah an siar ih an hman hnu khalah an siarsal. 29A dang pawl cu hmanmi thilri thianghlim dang pawl, sangphut, sabitti, olif hriak, rimhmui le thakthiing vut pawl zohtu an si. 30Asinain thakthiing vut tuah ih cokrawi hnaṭuan cu puithiam pawl ih ṭuanvo a si.

31Korah hrin, Shallum ih fapa upabik, Levi mi pa Mattithiah ih ṭuanvo cu sangrawh#9.31 Sangrawh: sangphut le olif siti rawi in an rawh ih Bawipa hnen ah an pek ṭheu; (Pui 2.4-6.) thawinak hrang timtuah a si. 32Kohath mi pawl cu Sabbath ni Biakinn ih hman dingah sangreu thianghlim#9.32 Sangreu thianghlim: timi cu Sabbath nitin in Biakinn cabuai ah sangreu hlom hleihnih an ret, Bawipa hnen ih hlanmi a si; (Pui 24.5-9.) tuahtu an si.

33Levi mi hrekkhat pawl cu Biakinn ih hla satu pawl an si. Innsang ih lubik pawl an si ih Biakinn kap a khaan sungah an um. A sun a zan ih hnaṭuan an neih ṭheu ruangah hnaṭuan dang zianghman an nei lo.

34A tlunih an hmin nganmi pawl cu Levi mi innsang ih lubik ciar le anmah hrin ciarah hotu an si. Jerusalem ih a ummi pawl lakah hotu an si.

Siangpahrang Saul Ih Pupa Le Tesinfa

(1 San. 8.29-38)

35Jeiel cu Gibeon khawsattu a si ih cutawkah a um. A nupi cu Maakah a si ih, 36a fapa upabik cu Abdon a si. A fapa dang pawl cu Zur, Kish, Baal, Ner, Nadab, 37Gedor, Ahio, Zechariah le Mikloth an si. 38Mikloth cu Shimeah ih pa a si. An tesinfa pawl cu an hrin sungkhat pawl kiangkap Jerusalem ah an um.

39Ner cu Kish ih pa a si ih Kish cu Saul ih pa a si. Cule Saul in fapa pali a nei ih Jonathan, Malkhishua, Abinadab le Eshbaal an si. 40Jonathan cu Meribbaal ih pa a si ih Meribbaal cu Mikah ih pa a si. 41Mikah in fapa pali a nei: Pithon, Melek, Tarea le Ahaz an si. 42Ahaz cu Jarah ih pa a si ih, Jarah cun fapa pathum a nei: Alemeth, Azmaveth le Zimri an si. Zimri cu Moza ih pa a si ih, 43Moza cu Binea ih pa a si; Binea cu Refaiah ih pa a si; Refaiah cu Eleasah ih pa a si ih, Eleasah cu Azel ih pa a si.

44Cule Azel in fapa paruk a nei: Azrikam, Bokheru, Ishmael, Sheariah, Obadiah le Hanan an si.

Currently Selected:

1 SANSIARNAK 9: FCL

Highlight

Copy

Compare