1 SANSIARNAK 6
6
Puithiam Sang Tesinfa Pawl
1Levi in fapa pathum a nei ih Gershon, Kohath le Merari an si.
2Kohath in fapa pali a nei ih Amram, Izhar, Hebron, le Uzziel an si.
3Amram in fapa pahnih Aaron le Moses a nei ih fanu pakhat Miriam a nei.
Aaron in fapa pali a nei ih Nadab, Abihu, Eleazar le Ithamar an si.
4Eleazar tesinfa pawl cu sankhat hnu sankhat a tanglam pawl hi an si: Finehas, Abishua, 5Bukki, Uzzi, 6Zerahiah, Meraioth, 7Amariah, Ahitub, 8Zadok, Ahimaaz, 9Azariah, Johanan, 10Azariah (Jerusalem ih siangpahrang Solomon sakmi Biakinn ih hna a ṭuantu), 11Amariah, Ahitub, 12Zadok, Shallum, 13Hilkiah, Azariah, 14Seraiah le Jehozadak an si. 15Bawipa in Judah mi le Jerusalem mi pawl siangpahrang Nebuchadnezzar kutin saltaannak ih a hruaihlo laiah Jehozadak khal a tel ve a si.
Levi Tesinfa Dang Pawl
16Levi in fapa pathum a nei ih Gershon, Kohath le Merari an si. 17Annih tla in fapa an nei ciar. Gershon cu Libni le Shimei ih pa a si; 18Kohath cu Amram, Izhar, Hebron le Uzziel ih pa a si; 19Cule Merari cu Mahli le Mushi pa a si.
20Gershon hrin pawl cu sankhat hnu sankhat a sangsang in: Libni, Jahath, Zimmah, 21Joah, Iddo, Zerah le Jeatherai an si.
22Kohath hrin pawl cu sankhat hnu sankhat a sangsang: Amminadab, Korah, Assir, 23Elkanah, Ebiasaf, Assir, 24Tahath, Uriel, Uzziah le Shaul an si.
25Elkanah in fapa pahnih Amasai le Ahimoth a nei. 26Ahimoth ih tesinfa pawl cu sankhat hnu sankhat ah hipawl hi an si: Elkanah, Zofai, Nahath, 27Eliab, Jeroham le Elkanah.
28Samuel in fapa pahnih a nei: Upa cu Joel a si ih nauta cu Abijah a si.
29Merari tesinfa pawl cu sankhat hnu sankhat ah a sangsang in: Mahli, Libni, Shimei, Uzzah, 30Shimea, Haggiah le Asaiah an si.
Biakinn Ih Hla hruaitu Pawl
31Thukam Kuang Jerusalem ih an ṭhawn hnuah siangpahrang David in Pathian biaknak hmunih hla hotu ih a retmi pawl cu a tanglam hi an si: 32Siangpahrang Solomon in Biakinn a sak hlan sung hmuahhmuah Bawipa ih umnak Puanthlam sungah a haha tein hla lamah ṭuanvo an lak. 33Hla hruaitu le an tesinfa pawl cu: Kohath hrin sungin Heman cu hmaisa bik hlarem hotu a si; amah cu Joel ih fapa a si. A pupa pawl cu Jakob ih cithlahmi an si ih a sangsang in: Heman, Joel, Samuel, 34Elkanah, Jeroham, Eliel, Toah, 35Zuf, Elkanah, Mahath, Amasai, 36Elkanah, Joel, Azariah, Zefaniah, 37Tahath, Assir, Ebiasaf, Korah, 38Izhar, Kohath, Levi le Jakob tla an si.
39Cun Asaf cu hlarem pahnihnak hruaitu a si. A pupa pawl cu Levi cithlahmi an si ih a sangsang in: Asaf, Berekhiah, Shimea, 40Mikhael, Baaseiah, Malkhijah, 41Ethni, Zerah, Adaiah, 42Ethan, Zimmah, Shimei, 43Jahath, Gersho le anmah cithlahtu Levi an si.
44Merari hrin ihsin Ethan cu hlarem pathumnak hotu a si. A pupa pawl cu Levi cithlah an si ih a sangsang in: Ethan, Kishi, Abdi, Malluk, 45Hashabiah, Amaziah, Hilkiah, 46Amzi, Bani, Shemer, 47Mahli, Mushi, Merari le anmah cithlahtu Levi an si.
48An Levi hrinpi pawl cu Pathian biaknak ih hnaṭuan a phunphun kaitu an si.
Aaron Ih Tesinfa Pawl
49Aaron le a tesinfa pawl in rimhmui an ur ih biakṭheng par in thawinak an pe. Hmun Thianghlim Bik hmunih Pathian biaknak thawn a peh-awmi hnaṭuannak le Pathian in Israel mi sualthlah thawinak pawl cu anmah ih ṭuanvo a si. Hi hnaṭuan pawl cu Pathian siahhlawh Moses hnenih thupekmi a um vek cekci in an ṭuan a si. 50Aaron tesinfa pawl cu: Eleazar, Finehas, Abishua, 51Bukki, Uzzi, Zerahiah, 52Meraioth, Amariah, Ahitub, 53Zadok le Ahimaaz pawl an si.
Levi Mi Pawl Umnak
54Kohath hrin, Aaron tesinfa pawl ih umnak an comi ram pawl cu hivek an si. Ram ṭhen pakhatnak a co hmaisa biktu cu anmah an si. 55An comi ram cu Judah ram sungah Hebron le a kiangkap ṭilva tlannak ram pawl an tel. 56Asinain khawpi kiangih lo le khawte pawl cu Jefunneh fapa Kaleb an pek. 57-59A tanglam ih khua pawl cu Aaron tesinfa hnenah an pek: rolnak khawpi Hebron#Mi thattu pawl hi khawsungih an relh ahcun an him, (Jos 20.1-9.). le Jattir, Libnah, Eshtemoa, Hilen, Debir, Ashan le Beth Shemesh an si ih an kiangkap ih ṭilva tlannak ram pawl tla an tel. 60Benjamin ram sungah Geba, Alemeth, le Anathoth khua pawl an si ih an kiangkap ih ṭilva tlannak ram tla a tel. An sungkhat zate umnak dingah khua hleithum an pek. 61Kohath hrin ih sungkhat dangdang hnenah nitlaknak lam Manasseh ram cu a innsang a innsang in camcawhfung zuk in an pek.
62Gershon hrin hnenah a innsang a innsang in Issakhar ram, Asher ram, Naftali ram le nisuahnak lam Manasseh, Bashan ram sungih khua hleithum an pek. 63Cubangtuk ṭhiamṭhiam in Merari hrin hnenah a innsang a innsang in Reuben ram, Gad ram le Zebulun ram sungah khawpi hleihnih an pek. 64Cuticun Israel mi in Levi mi pawl hnenah an umnak dingah khawpi pawl le a kiangkap ih ṭilva tlannak ram pawl thawn an pe a si. 65(A tlunih simcia mi Judah ram, Simeon ram le Benjamin ram sungih khawpi pawl tla camcawhfung zukin an pek hai a si.)
66Kohath hrin innsang hrekkhat pawl hnenah Efraim ramih khawpi pawl le ṭilva tlannak ram pawl an pek. 67Cuih khawpi pawl cu Efraim tlangpar ramih ummi rolnak khawpi Shekhem le a dang khawpi pawl Gezer, 68Jokmeam, Beth Horon, 69Aijalon le Gath Rimmon an si. 70Nitlaknak lam Manasseh ram sungah Aner le Bileam khawpi pawl cu an kiangkap ih ṭilva tlannak ram thawn an pek.
71Gershon hrin innsang pawl hnenah a tanglam ih khawpi pawl le a kiangkap ih ṭilva tlannak ram pawl an pek:
Nisuahnak lam Manasseh ramah Bashan ih ummi Golan khua le Ashtaroth khua,
72Issakhar ramah Kedesh, Daberath, 73Ramoth le Anem khua pawl,
74Asher ramah Mashal, Abdon, 75Hukok le Rehob khua pawl,
76Naftali ram sungih ummi Galilee pengih Kedesh khua, Hammon le Kiriathaim khua pawl an si.
77Merari hrin innsang dang pawl hnenah a tanglam ih khawpi pawl cu an kiangkap ih ṭilva tlannak ram thawn an pek:
Zebulun ramah Rimmono le Tabor khua,
78Reuben ram, Jerikho khua ihsin nisuahnak lam Jordan Tiva lanah mualrawn ih um Bezer le Jahzah, 79Kedemoth le Mefaath khua,
80Gad ramah Gilead ih Ramoth, Mahanaim, 81Heshbon le Jazer khua pawl an si.
Currently Selected:
1 SANSIARNAK 6: FCL
Highlight
Copy
Compare
Share
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.
