Apocalipsa 18
18
Jali trã Cãdearea a Babilonlui
1Deapoea vidzui un altu anghil cai dipuna dit tser, avea puteari mari, sh-loclu s-lunjinã di mãrirea a lui. 2Atumtsea anghilu aurlã cu boatsi analtã dzãcãnda:
“Cãdzu, cãdzu Babilonlu atsel marili,
shi s-featsi casa a demonjilor,
streahã trã tuti duhurili nicurati,
streahã trã itsi puljiu nicurat,
shi streahã trã itsi agrimi nicurat sh-aurãt.#Isa 21:9.
3Cã di yinlu a orixiljei a putãnsiriljei a ljei
au biutã tuti fãrili,
sh-amiradzlji a loclui s-putãnsirã cu ea
sh-pãrmãteftsãlji a loclui s-avutsãrã
di chefea a ljei vãrtoasã.”
4Deapoea avdzãi unã altã boatsi dit tser dzãcãnda:
“Ishits dit ea, populu a meu,
tra s-nu vã fãtsets pãrtashi cu amãrtiili a ljei
shi s-nu loats di pledzili a ljei.
5Cã amãrtiili a ljei agiumsirã pãnã la tser
sh-Dumnidzãlu adusi aminti nindriptãtsili a ljei.
6Arãsplãtits-lji a ljei ashã cum arãsplãti sh-ea alantsãlji,
sh-plãtits-lji dublu dupã faptili a ljei,
tu cupa tsi ea lã-u minti a alantsãlor,
mintits-lji-u sh-voi di doauã ori ma multu.
7Ahãt cãt lji deadi ea mãriri a inimãljei shi s-deadi dupã chefea,
ahãt munduiri shi jali dats-lji sh-voi,
cã cu inima a ljei ea dzãtsi:
‘Mini shed ca amirãroanji,
ma veduvã nu escu,
shi jali nu va ved dip.’
8Trã atsea tu unã singurã dzuã va yinã pledzili a ljei:
moartea, vãitarea sh-foami di pãni
sh-va si s-ardã ntreagã tu foc,
cã putut easti Domnul Dumnidzãlu,
atsel tsi u giudicã.”
9Sh-va u plãngã sh-va vãiteascã trã ea amiradzlji a loclui, atselji tsi s-putãnsirã cu ea shi s-deadirã dupã chefea cu ea, cãndu s-veadã fumlu a ardeariljei a ljei. 10Elji va sta diparti di frica a munduiriljei a ljei dzãcãnda:
“Cavai, cavai cãsãbãlu atsel marli,
Babilonlu cãsãbã putut,
cã tu unã singur oarã vini giudicata a ta!”
11Sh-pãrmãteftsãlji a loclui va plãngu sh-va vãitescu trã ea, cã vãrã nu va u-acumpãrã ma pãrmãtia a lor: 12pãrmãtii di furii sh-di asimi, chetri scumpi sh-mãrgãritãri, pãndzã di ljin sh-di purpurã, mitasi sh-stranji roshi-apreasi sh-turli di leamni tsi anjiurdzescu, multi lucri di fildish sh-turlii lucri di lemnu multu scumpu, tungiu, heru sh-marmarã, 13canelã, amom, timeamã, njir sh-livandu ayiusit, yin, untulemnu di masni, fãrinã, grãn, prãvdzã, oi, calji, cãrutsili shi suflitli di oaminji vinduts ca sclayi.
14Sh-frutlu tsi tini lu arsish tu suflitlu a tãu
fudzi di la tini,
sh-tuti lucrili luxoazi shi strãlutsiti
fudzirã di la tini
sh-tini nu va li aflã ma vãrã oarã.
15Pãrmãteftsãlji aishtor lucri, tsi s-featsirã avuts di la ea, va sta diparti di frica a munduiriljei a ljei, plãngãnda, vãitãnda, 16sh-dzãcãnda:
“Cavai! Cavai! Cãsãbãlu atsel marli,
tini tsi earai nviscut cu pãndzã di ljin
sh-purpurã sh-cu aroshi-apreasã,
stulisitã cu furii, cu chetri scumpi sh-cu mãrgãritãri,
17cã di unã oarã singurã si shcretui tutã aestã ayishteari!”
Tuts timonierilji sh-tuts atselji tsi nãftãsea cãtrã un loc, naftsãlji sh-tuts cãt lucreadzã pri amari, stãturã diparti 18sh-mutrinda fumlu a ardeariljei a ljei, grirã: “Cai cãsãbã lji undzea aishtui cãsãbã mari?” 19Sh-arcarã pulbiri pristi capitli a lor, sh-grirã plãngãnda sh-vãitãnda:
“Cavai! Cavai! Cãsãbãlu atsel marli,
la cai tuts s-featsirã avuts atselji
tsi avea pampori pri amari di ayishtearea a lui,
cã tu unã oarã singurã s-asparsi!
20Hãrsea-ti di ea tini tser,
sh-voi populu a Dumnidzãlui,
apostulji sh-prufits,
cã Dumnidzãlu giudicã cãsãbãlu,
di cum sh-cãsãbãlu vã giudicã voi.”
21Deapoea un anghil vãrtos sculã unã cheatrã mari cãt unã cheatrã di moarã sh-u arcã tu amari, dzãcãnda:
“Cu ahtari agunjii va si s-arucã Babilonlu,
atsel marli cãsãbã sh-nu va si s-aflã ma.
22Asunarea a harpilor sh-a muzicantsilor,
atsilor tsi bat flueara sh-trumbetili
nu va si s-avdã vãrã oarã ma tu tini.
Vãrã mastru ti itsi lucru nu va si s-aflã ma tu tini,
sh-asunarea di boatsea a moarãljei
nu va si s-avdã ma tu tini.
23Lunjina a cãndilãljei nu va lunjineadzã ma tu tini
sh-boatsi di dzinir sh-di nveastã
nu va si s-avdã ma tu tini,
cã pãrmãteftsãlji a tãlji eara mãrlji a loclui
sh-tuti fãrili s-arãsirã di mãyiia a ta.
24Tu tini s-aflã sãndzili a prufitsilor sh-a popului a Dumnidzãlui
sh-a tuts atsilor tsi eara tãljeats pri loc.”
Currently Selected:
Apocalipsa 18: BLRR
Highlight
Copy
Compare
Share
Want to have your highlights saved across all your devices? Sign up or sign in
