Apocalipsa 15
15
Shapti Anghilji shi Shapti Pledzili
1Deapoea vidzui tu tser un altu semnu mari sh-thãvmãtisit: shapti anghilji tsi avea shapti pledzi, atseali di ma napoi, cã cu eali s-bitisi inatea a Dumnidzãlui. 2Sh-vidzui tsiva ca amari di chelchi misticatã cu foc sh-atselji tsi nichisirã pristi agrimea, pristi icoana a ljei sh-pristi numirlu a numãljei a ljei, stãnda pri amarea di chelchi sh-avãnda harpili dati di Dumnidzãlu. 3Elji cãnta cãnticlu al Moisiu, huzmichearlu al Dumnidzãu, sh-cãnticlu a Njelui, dzãcãnda:
“Mãri sh-thãvmãtisiti suntu faptili a tali,
Doamne, Dumnidzale Tutãpututul!
Ndreapti sh-alihioasi suntu cãljurili a tali,
Amirãlu a natsiunilor!
4Cai nu va aibã fricã di tini, Doamne,
sh-nu va s-mãreascã numa a ta?
Mash tini eshti sãmtu.
Cã tuti fãrili va yinã
sh-va si ncljinã nãintea a ta,
cã faptili a tali atseali ndreapti s-fãnirusirã.”
5Dupã aesti lucri mini mutrii tu tser shi s-discljisi templul, tsi easti tenda a mãririljei. 6Dit templu ishirã shapti anghilji tsi avea shapti pledzili. Elji eara nviscuts cu stranji curati di ljin sh-anvãrliga di cheptu cu brãni di furii. 7Unã di patru fãpturili lã deadi a shapti anghilor shapti cupi di furii umpluti cu inatea al Dumnidzãu, atsilui tsi bãneadzã tu eta a etilor. 8Templul s-umplu cu fum di mãrirea al Dumnidzãu sh-di fuchia a lui sh-vãrã nu putea s-intra tu templu pãnã cãndu s-bitisea shapti pledzili atsilor shapti anghilji.
Currently Selected:
Apocalipsa 15: BLRR
Highlight
Copy
Compare
Share
Want to have your highlights saved across all your devices? Sign up or sign in
