Galatsenji 2
2
Pavlu Aprucheat di Apostulji
1Deapoea dupã patrusprãdzatsi di anji mi alinai iarã tu Ierusalem cu Barnaba, luãnda cu mini sh-Titu. 2Mi dush aclo dupã unã discupiriri sh-ti adunari singur cu oaminjlji avdzãts lã sitãxii a lor evanghelu tsi ma dimãndu cãtrã pãngãnjlji, tsi mini s-nu alãgam shi s-nu alagã di vãnat. 3Ma nitsi Titul, cai eara cu mini, cu tutã cã eara elin nu prindea tra s-anvãrliga-tãljea, 4cã niscãntsã frats arãdioshi avea intratã cu nãeti trã ciuliri libertatea a noastrã tsi avem tu Hristolu Isus, tra s-nã sclãvueascã. 5Noi nu nã sumbãgãm aishtor vãrãoarã, tsi alihea a evanghelui s-armãnã niminatã la voi.
6Atselji tsi s-tsãnea cu autoritati, (sh-trã aestã nu mi miliseashti cã tsi eara cã Dumnidzãlu nu giudicã oaminjlji dupã pãrearea di nafoarã), atselji cai eara cu ma mari autoritati nu nji adãvgarã tsiva a predicariljei a mea. 7Di contra, elji avea vidzutã cã evanghelu trã atselji cai nu eara anvãrliga-tãljeats nj-eara pistipsit a njia, sh-atselji anvãrliga-tãljeats a Petrului. 8Dumnidzãlu tsi avea faptã Petrul apostul trã anvãrliga-tãljeatslji, mi featsi sh-mini apostul trã pãngãnjlji. 9Iacovul, Chefa#2:9 Chefa pi uvreieshti easti numa Petru. sh-Ioanul, tsi s-cunushtea ca coloani, nji strimsirã mãna a njia sh-al Barnaba ca semnu di uspitsãlji, cunuscãnda harul tsi nã eara datã, tsi noi s-njidzeam cãtrã pãngãnjlji sh-elji cãtrã anvãrliga-tãljeatslji. 10Tuts nã cãftarã tra s-nã adutseam aminti di niavutslji a lor, ashãtsi cum aveam sh-mini tu minti s-fãtseam.
Pavlu Vãrgheashti Chefa
11Ma, cãndu vini Chefa tu Antiochia mini lu ncuntrai n-fatsã, cã eara ti ncuntrari. 12Nãinti tsi s-yinea niscãntsã oaminji dit partea al Iacov, Chefa mãca deadun cu pistimenjlji pãngãnji. Iarã cãndu vinirã elji, s-trapsi nãpoi shi s-dispãrtsã di pãngãnjlji, cã s-aspãrã di anvãrliga-tãljeatslji. 13Sh-alantsã Iudei s-prifãtsea deadun cu nãsu, ahãntu multu cãtã sh-Barnaba s-trapsi nãpoi di ipucrizia a lor. 14Cãndu vidzui cã elji nu bãna ndreptu dupã alihea a evanghelui, lji dzãsh al Chefa nãintea a tutulor: “Macã tini tsi eshti Iudeu bãnedz ca pãngãnjlji sh-nu ca Iudeilji, cãtse lji anãngãseshti pãngãnjlji s-bãneadzã ca Iudei?”
15Noi him Iudei nãscuts sh-nu amãrtioshi dit pãngãnjlji. 16Noi shtim cã omlu nu si ndripteadzã di faptili a legiljei, ma mash prit pistea tu Isus Hristos. Trã atsea sh-pistipsim tu Hristolu Isus, tra s-nã fãtsem ndreptsã prit pistea tu Hristos sh-nu prit faptili a legiljei, cã vãrã om nu va si ndripteadzã prit faptili a legiljei. 17Macã noi cãftãm s-nã fãtsem ndreptsã prit Hristolu, nã aflãm sh-noi amãrtioshi, nacã sh-Hristolu lji huzmitipseashti a amãrtiiljei? Pute s-nu hibã! 18Macã va s-adram nãpoi atseali lucri tsi surpai, mini dealihea mi fac cãlcãtor a legiljei. 19Ashãtsi, prit legea escu mortu trã legea, tra s-bãnedz trã Dumnidzãlu. 20Mini mi crutsisii cu Hristolu sh-tora nu bãnedz mini, ma Hristolu bãneadzi tu mini. Sh-bana tsi u fac tu aestu trup, u bãnedz prit pisti tu Hiljilu al Dumnidzãlu tsi mi vru shi muri ti mini. 21Mini nu lu aruc hima harul a Dumnidzãlui, cã macã ndriptatea yini prit lege, atumtsea Hristolu muri di vãnat!
Currently Selected:
Galatsenji 2: BLRR
Highlight
Copy
Compare
Share
Want to have your highlights saved across all your devices? Sign up or sign in
