1 Timoteu 6
6
1Tuts tsi suntu sum giuglu a sclãviiljei si lji lugurseascã nicuchirlji a lor axii ti itsi tinjii, tsi numa a Dumnidzãlui sh-nvitsãtura a noastrã nu si s-ngiurã. 2Shi atselji tsi li au nicuchirlji pistimenji, s-nu lji atimuseascã cã suntu frats, ma s-lã huzmitipseascã sh-ma ghini, cã atselji tsi au hãiri di lucrul a lor suntu pistimenji sh-vruts.
Nvitsãtori Arãdioshi sh-Vrearea trã Pãradz
Nveats-lã aeasti lucri sh-dimãndã-lã. 3Macã vãrã nveatsã unã nvitsãturã altã shi nu ascultã zboarili atseali sãnãtoasi a Domnului a nostru Isus Hristos sh-nvitsãtura dupã dumnidzãsirea, 4elu easti fudul shi nu shtii tsiva. Elji va ma multu debatsili shi ncãcearili cu zboari, di-la cai s-amintã zilia, ncãcearea, ngiurãrili, shubeili atseli arãli, 5debatsili di geaba a oaminjlor cu minti asparti shi guliti di alihea, tsi mindueascã cã dumnidzãsirea easti trã amintari. 6Ma dumnidzãsirea adutsi un mari amintatic, macã omlu s-hãrseashti cu atsea tsi ari. 7Cã noi nu avem adus tsiva tu aestã dunjauã, sh-nu va-lom tsiva cu noi. 8Macã avem s-mãcãm shi s-nã nvishtem, s-himã hãristisitã cu aestã. 9Ma atselji tsi vor si s-facã avuts, cad tu cãrteari, tu cearc sh-tu multi orixi niminduiti sh-zãrãsiti, tsi li afundusescu oaminjlji tu cãdeari sh-aspãrdzeari. 10Cã vrearea di pãradzi easti rãdãtsina a tut arãlilor, shi avãnda orixi multã, niscãntsi s-dipãrtarã di pisti sh-pãtsãrã multi dureari.
Dimãndãciunjili di Soni Cãtrã Timoteu
11Ma tini, omlu a Dumnidzãlui, dipãrteadzã-ti di aesti sh-urmeadzã ndriptatea, dumnidzãsirea, pistea, vrearea, arãvdarea shi muljeatsa-a-inimãljei. 12Alumtã-ti trã alumta atsea buna a pistiljei. Ambratsãsea bana eternã, tu cai ti acljimarã sh-trã cai ai datã bunã mãrtirii trã pistea nãintea a mults martirii. 13Ma ti spigiurã nãinti a Dumnidzãlui, cai da banã a tutulor shi nãinti a Hristolui Isus, tsi deadi unã mãrtirii bunã nãintea al Pontius Pilat, 14s-lu veaglji aestã Dimãndãciunji fãrã damcã sh-cusuri, pãnã cãndu s-aspunã Domnul a nostru Isus Hristos. 15Elu tu chirolu tsi lipseashti va si s-aspunã di Dumnidzãlu, ghinicuvintatlu shi singurlu Domnitor, Amirãlu a amirãrilor shi Domnul a domnilor. 16Elu singur u ari nimurirea shi sta tu lunjinã niaprucheatã, tsi nitsiun nu u ari vidzutã pute shi nu poati s-u veadã. Atsilui s-lji hibã tinjia shi putearea eternã! Amin.
17Dimãndã-lã avutslji a lumiljei aishtei s-nu hibã pirifanj, shi s-nu nãdãeascã la ayishtearea tsi easti nisigur, ma tu Dumnidzãlu, tsi nã da cu multeatsã itsido s-nã hãrseascã. 18Dimãndã s-facã ghinetsi, si s-facã avuts cu fapti buni, s-hibã giumertsã sh-etinji trã dari, 19adunãnda ca ayishteari un bun timeljiu trã yinitura, tsi s-agiundzemu bana alihioasã.
20Timote, veaglji atsea tsi tsã s-ari pistipsitã, firinda di zboarili atseali di geaba sh-lumeshti sh-di cuntrãrili atsiljei tsi cu nindriptati s-acljeami shtiintsã, 21tsi lu ambrãtsisirã niscãntsi shi ishirã di pisti.
Harul s-hibã cu voi!
Currently Selected:
1 Timoteu 6: BLRR
Highlight
Copy
Compare
Share
Want to have your highlights saved across all your devices? Sign up or sign in
