إنجيل يوحنا 13

يسوع يغسل رجول التلاميذ

1وقبل عيد الفصح، يسوع كان يعرف أنو ساعتو قربت وأنو راح يرحل عن هادا العالم لعند الأب. هو حب خاصتة اللي في العالم، حبهم داحين كل المحبه: 2وعلى العشا، ولما كان الشيطان حط في قلب يهوذا ابن سمعان الإسخريوطي أنو يخون يسوع. 3وكان يسوع يعرف أنو الأب خلى كل شي في يدينه وأنو من الله خرج ولله حيرجع، 4قام عن العشا، وقلع لباسة وجاب منشفة ولفها على وسطو. 5بعدين صب الموية في إبريق للغسول، وصار يروش رجول التلاميذ ويمسحها بالمنشفة اللي على وسطه. 6ولمن وصل لسمعان بطرس، قللو سمعان: «يا سيد، انت بتروش رجولي!». 7رد عليه يسوع: «أنت داحين ما تفهم اللي اسويه، بس رح نفهم بعدين». 8بس بطرس بقي مصمم وقال: «لا، ما تروش رجولي أبد!» رد يسوع: «إزا ما أروشك، ما رح يكون لك نصيب معايا!». 9ساعتها قاللو سمعان بطرس: «يا سيد، مو بس رجولي، يديني وراسي كمانا!» 10قال يسوع: «اللي يتروش يصير كله نظيف وما يبغله إلا يروش رجوله. وأنتوا نظاف بس مو كلكم». 11يسوع كان يعرف مين اللي رح يخونه، علشان كدا قال: «مو كلكم نظاف».

12ولما خلص غسل رجولهم، أخد لبسه وجلس مره تانيه، وسألهم: «فهمتوا اللي سويته لكم؟ 13انتوا تقوللي معلم وسيد، صدقتوا، أنا فعلا كدا. 14اذا كنت أنا السيد والمعلم وروشت رجولكم، انتوا كمانا لازم تروشوا رجول بعضكم. 15أنا اقدم لكم مثل علشان تسووا زي ما أنا سويت لكم. 16الحقيقة الحقيقة أقولكم: العبد مو أعظم من سيدوا، ولا رسول أعظم من اللي أرسله. 17وإزا انتوا عرفتوا هادا، خير كتير لكم اذا سويتوا به.

يسوع يتوقع بتسليمه

18أنا ما أقول كدا عنكم كلكم، أنا أعرف اللي اخترتهم. بس لازم أنو الكتاب يتم لما يقول: اللي أكل من عيشي، ورفع عليّ عقبو 19وأنا اقوللكم اللي رح يصير قبل ما يصير، حتى لما يصير تآمنوا أني ،أنا هو. 20الحقيقة الحقيقة أقولكم: اللي يقبل اللي أَرْسِلُهُ يقبلني، واللي يقبلني، يقبل اللي أرسلني».

21ولما قال يسوع هادا الكلام أتضايقت نفسه وأعلن وقال: «الحقيقة الحقيقة أقوللكم: في واحد منكم رح يسلمني!». 22صار التلاميذ يطالعوا في بعضهم محتارين وهم ما يعرفوا ايش قصدو. 23وكان التلميذ اللي كان يحبه يسوع متكي على حضنه. 24شاورلو سمعان بطرس علشان يسألوا عن مين يقصد؟ 25مييل على صدر يسوع وسألو: «من هو يا سيد؟». 26رد يسوع: «اللي حديللوا اللقمة اللي أغمسها». بعد كدا غمس اللقمة وأدّاها ليهوذا ابن سمعان الأسخريوطي. 27وبعد اللقمة، دخل فيه الشيطان. قاله يسوع: «نفّذ بسرعة في اللي نويت تسويه!». 28ومافي أحد فهم ليش قاللو كدا. 29وبعضهم حسبوا أنو يأمره أنو يشتري اللي يحتاجوله في العيد، أو انو يعطي الفقرا فلوس، لأنو هو كان أمين الصندوق

30وعلى طول خرج يهوذا بعد ما أكل اللقمة وكانت الدنيا ليل.

يسوع يتكلم عن إنكار بطرس له

31ولما طلع يهوذا، قال يسوع: داحين أتمجد ابن الإنسان وتمجد الله فيه. 32وبما أنو الله تمجد فيه، فهو رح يمجده في نفسه، وبسرعة رح يمجدة. 33يا عيالي الصغار، رح أجلس عندكم وقت قصير، بعد كدا تطلبوني، بس أنا أقول لكم اللي قلته لليهود من قبل: انكم ما حتقدروا تيجوا للمكان اللي أنا رايح عليه. 34أنا بدديكم وصية جديده: حبوا بعضكم، زي ما أنا حبيتكم تحبوا بعضكم. 35كدا يعرف الكل انكم تلاميذي: اذا انتوا تحبوا بعضكم

36سألو سمعان بطرس:« يا سيد فين رايح؟» رد يسوع: ما تقدر تلحقني لفين أنا رايح داحين، بس رح تلحقني بعدين. 37رجع بطرس وسأل: «ياسيد، ليش ما أقدرالحقك داحين؟ أنا أضحي بروحي علشانك!». 38رد عليه يسوع: «تضحي بحياتك بدل عني؟ الحقيقة الحقيقة أقولك: ما يأدن الديك إلا وتكون أنكرتني تلت مرات!».

Currently Selected:

إنجيل يوحنا 13: HNAV

Highlight

Copy

Compare